ಆದರೆ, ಕರೊನಾ ಸೋಂಕಿನ ಲಕ್ಷಣವಿದ್ದು ಈ ಟೆಸ್ಟ್ ಮಾಡಿಸಿಕೊಂಡ ಶೇಕಡ 20ರಷ್ಟು ಜನರಲ್ಲಿ ಯಾವುದೇ ಸಮಸ್ಯೆಯಿಲ್ಲ ಎಂದು ಪರೀಕ್ಷಾ ವರದಿ ಬರುತ್ತಿರುವುದು ಕಳವಳಕ್ಕೆ ಕಾರಣವಾಗಿದೆ. ಇದರಿಂದಾಗಿ ನಿಜವಾಗಿಯೂ ಗಂಭೀರವಾದ ಕೋವಿಡ್ ರೋಗಿಗಳಿಗೆ ಆಸ್ಪತ್ರೆಗೆ ದಾಖಲಾತಿ ಹಾಗೂ ಅಗತ್ಯ ಚಿಕಿತ್ಸೆ ಹಾಗೂ ಆರೈಕೆ ಸಿಗದಿರುವ ಸಾಧ್ಯತೆ ಇದೆ. ಹೀಗಾಗಿ ಸೋಂಕಿನ ಲಕ್ಷಣವಿಲ್ಲದವರು ಎಗ್ಗಿಲ್ಲದೆ ಓಡಾಡಿ ವೈರಸ್ ಹರಡುವ ಅಪಾಯ ಇದೆ. ಈ ಪ್ರವೃತ್ತಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಏಮ್್ಸ ನಿರ್ದೇಶಕ ರಣದೀಪ್ ಗುಲೇರಿಯಾ ಸಹಿತ ಹಲವು ತಜ್ಞರು ಆರ್ಟಿ-ಪಿಸಿಆರ್ ಟೆಸ್ಟ್ ಫಲಿತಾಂಶ ಏನೇ ಇರಲಿ, ಕರೊನಾ ಸೋಂಕಿನ ಶಾಸ್ತ್ರೀಯ ಲಕ್ಷಣವಿರುವ ಪ್ರತಿಯೊಬ್ಬರಿಗೂ ಕೋವಿಡ್-19 ಚಿಕಿತ್ಸೆ ನೀಡಬೇಕು ಸಲಹೆ ನೀಡಿದ್ದಾರೆ.
