ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ ತಲುಪಿದ ಚಿನ್ನ! ಮುಂದಿನ ವಾರ ಇಳಿಕೆ ಸಾಧ್ಯತೆ? ಹೀಗಿದೆ ತಜ್ಞರ ಮಾತು | Gold

Gold: 'ಚಿನ್ನ' ಚಿಂತೆ ಹೆಚ್ಚಿಸಿತು 'ಇನ್ನ' ಎನ್ನುವಂತಾಗಿದೆ ಸದ್ಯ ಚಿನ್ನದಂತ ಗ್ರಾಹಕರ ಪಾಡು. ಹೌದು, ಕಳೆದ ಒಂದು ವಾರದಲ್ಲಿ ಭಾರೀ ಏರಿಕೆ ಕಂಡಿರುವ ಗೋಲ್ಡ್ ಬೆಲೆ, ಇದೀಗ ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ ತಲುಪಿರುವುದು ಖರೀದಿದಾರರಲ್ಲಿ ಕಳವಳ ಮೂಡಿಸಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಬಲವಾದ ಬೇಡಿಕೆ, ಸುಂಕಗಳ ಮೇಲಿನ ಅನಿಶ್ಚಿತತೆ ಮತ್ತು ಯುಎಸ್ ಫೆಡರಲ್ ರಿಸರ್ವ್ ಈ ತಿಂಗಳು ಬಡ್ಡಿದರಗಳನ್ನು ಕಡಿತಗೊಳಿಸಬಹುದು ಎಂಬ ನಿರೀಕ್ಷೆಗಳ ನಡುವೆಯೇ ಚಿನ್ನದ ಏರಿಕೆಯ ಓಟ ಮುಂದುವರೆದಿದೆ.

ಇದನ್ನೂ ಓದಿ: ಟಿ20 ಕ್ರಿಕೆಟ್​ಗೆ ಮಿಚೆಲ್​ ಸ್ಟಾರ್ಕ್​ ನಿವೃತ್ತಿ! ಕಾರಣ ಬಹಿರಂಗಪಡಿಸಿದ ಆಸ್ಟ್ರೇಲಿಯಾದ ಸ್ಟಾರ್ ವೇಗಿ | Mitchell Starc

ಪ್ರಸ್ತುತ, ದೇಶದಲ್ಲಿ ಚಿನ್ನದ ದರವು ಹೊಸ ದಾಖಲೆಗಳನ್ನು ನಿರ್ಮಿಸಿದೆ. 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 1,05,670 ರೂ. ತಲುಪಿದ್ದರೆ, 22 ಕ್ಯಾರೆಟ್ ಚಿನ್ನದ ಬೆಲೆ 1,04,800 ರೂ. ತಲುಪಿದೆ. ಯುಎಸ್ ಸುಂಕಗಳ ಮೇಲಿನ ಅನಿಶ್ಚಿತತೆ ಮತ್ತು ಬಡ್ಡಿದರಗಳ ಮೇಲಿನ ಫೆಡ್ ನಿಲುವಿನ ಬಗ್ಗೆ ಕಳವಳಗಳು ಹೆಚ್ಚುತ್ತಿರುವ ಕಾರಣ, ಹೂಡಿಕೆದಾರರು ಚಿನ್ನದಂತಹ ಸುರಕ್ಷಿತ ಹೂಡಿಕೆ ಸಾಧನಗಳತ್ತ ಮುಖ ಮಾಡುತ್ತಿದ್ದಾರೆ ಎಂದು ವ್ಯಾಪಾರಿಗಳು ಹೇಳುತ್ತಾರೆ.

ಈ ಅನುಕ್ರಮದಲ್ಲಿ, ಭವಿಷ್ಯದ ಮಾರುಕಟ್ಟೆಯಲ್ಲಿ ಒಂದು ಔನ್ಸ್ (31.1 ಗ್ರಾಂ) ಚಿನ್ನದ ಬೆಲೆ 3,556 ಡಾಲರ್​ ತಲುಪಿದೆ. ಇದು ಹೊಸ ಸಾರ್ವಕಾಲಿಕ ದಾಖಲೆಯ ಮಟ್ಟ ಎಂದು ಹೇಳಲಾಗಿದೆ. ರೂಪಾಯಿ ದುರ್ಬಲಗೊಳ್ಳುವುದು ಮತ್ತು ಹೆಚ್ಚುತ್ತಿರುವ ಭೌಗೋಳಿಕ ಮತ್ತು ರಾಜಕೀಯ ಉದ್ವಿಗ್ನತೆಗಳಿಂದಾಗಿ ಚಿನ್ನದ ಬೆಲೆ ಮತ್ತಷ್ಟು ಹೆಚ್ಚಾಗುತ್ತದೆ ಎಂದು ಟ್ರೇಡ್‌ಜೆನಿ ಮುಖ್ಯ ಕಾರ್ಯಾಚರಣಾ ಅಧಿಕಾರಿ ಡಿ. ತ್ರಿವೇಶ್ ಅಭಿಪ್ರಾಯಿಸಿದ್ದಾರೆ.

ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಫೆಡ್ ರಿಸರ್ವ್ ನಡುವಿನ ವ್ಯತ್ಯಾಸಗಳು ಗರಿಷ್ಠ ಮಟ್ಟವನ್ನು ತಲುಪುವುದು, ಸುಂಕಗಳ ಮೇಲಿನ ಅನಿಶ್ಚಿತತೆ, ಫೆಡ್ ಈ ತಿಂಗಳು ಬಡ್ಡಿದರಗಳನ್ನು ಕಡಿತಗೊಳಿಸುತ್ತಿದೆ ಎಂಬ ನಿರೀಕ್ಷೆ ಇತ್ಯಾದಿಗಳು ಚಿನ್ನದ ಬೆಲೆಯಲ್ಲಿ ಭಾರಿ ಏರಿಕೆಗೆ ಕಾರಣಗಳಾಗಿವೆ ಎಂದು ಕೋಟಕ್ ಸೆಕ್ಯುರಿಟೀಸ್ ಎವಿಪಿ (ಕಮಾಡಿಟಿ ರಿಸರ್ಚ್) ಕೈನಾಥ್ ಚೈನ್‌ವಾಲಾ ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/10-south-films-releasing-in-september