ಇಂಡಿಗೋ ವಿಮಾನದ ಪ್ರಯಾಣಿಕರು ರನ್​ ವೇಯಲ್ಲಿಯೇ ಊಟ, ವಿಶ್ರಾಂತಿ ಮಾಡಿದ್ದೇಕೆ?

ನವದೆಹಲಿ: ವಿಮಾನ ಹಾರಾಟ ಆರಂಭಿಸಲು ವಿಳಂಬವಾದ ಕಾರಣಕ್ಕಾಗಿ ಇಂಡಿಗೋ ವಿಮಾನದ ಸಹ-ಪೈಲಟ್ ಮೇಲೆ ಪ್ರಯಾಣಿಕರು ಹಲ್ಲೆ ಮಾಡಿದ ವಿಡಿಯೋ ವೈರಲ್ ಆದ ಗಂಟೆಗಳ ನಂತರ, ವಿಮಾನ ಸಂಬಂಧಿ ಮತ್ತೊಂದು ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡಿದೆ,

ಕೆಲ ಗಂಟೆಗಳ ಕಾಲ ವಿಮಾನಯಾನ ವಿಳಂಬವಾದ ಕಾರಣ ಹಾಗೂ ನಿಗದಿತ ಸ್ಥಳವನ್ನು ಹೊರತುಪಡಿಸಿ ಬೇರೆಡೆ ವಿಮಾನವನ್ನು ತೆಗೆದುಕೊಂಡು ಹೋದ ಹಿನ್ನೆಲೆಯಲ್ಲಿ, ಈ ಕಡಿಮೆ ದರ ವಿಮಾನಯಾನ ಕೈಗೊಂಡ ಪ್ರಯಾಣಿಕರು ರನ್​ ವೇಯಲ್ಲಿಯೇ ರಾತ್ರಿ ಊಟ ಮಾಡುವ ವೈರಲ್​ ಆಗಿದೆ.

ಗೋವಾದಿಂದ ದೆಹಲಿಗೆ ಹಾರಾಟ ನಡೆಸಬೇಕಿದ್ದ ಇಂಡಿಗೋ ವಿಮಾನವು ಜನವರಿ 14 ರಂದು ಅಂದಾಜು 18 ಗಂಟೆಗಳ ಕಾಲ ವಿಳಂಬವಾಯಿತು. ಅಲ್ಲದೆ, ದೆಹಲಿ ಬದಲಿಗೆ ಮುಂಬೈ ಈ ವಿಮಾನವನ್ನು ಕೊಂಡೊಯ್ಯಲಾಯಿತು ಎಂದು ಸಾಮಾಜಿಕ ಜಾಲತಾಣ ಎಕ್ಸ್​ನಲ್ಲಿ ಕೆಲ ಬಳಕೆದಾರರು ಪೋಸ್ಟ್​ ಮಾಡಿದ್ದಾರೆ.

ಈ ವಿಳಂಬದಿಂದ ನಿರಾಶೆಗೊಂಡ - 6E2195 ವಿಮಾನದ ಪ್ರಯಾಣಿಕರು ವಿಶ್ರಾಂತಿ ತೆಗೆದುಕೊಳ್ಳಲು ನಿರ್ಧರಿಸಿದರು. ಅಲ್ಲದೆ, ಇಂಡಿಗೋ ವಿಮಾನದ ಪಕ್ಕದಲ್ಲಿ ರನ್‌ವೇಯಲ್ಲಿ ಕುಳಿತು ಊಟ ಮಾಡಿದರು. ಎಕ್ಸ್​ನಲ್ಲಿ ಹಂಚಿಕೊಳ್ಳಲಾದ ವೀಡಿಯೊಗಳಲ್ಲಿ ಕೆಲವು ಪ್ರಯಾಣಿಕರು ಊಟವನ್ನು ಮಾಡುತ್ತಿದ್ದರೆ, ಇತರರು ರನ್‌ವೇಯಲ್ಲಿ ವಿಶ್ರಾಂತಿ ಪಡೆಯುತ್ತಿರುವುದು ಕಂಡುಬರುತ್ತದೆ.

ಜನವರಿ 14 ರಂದು (ಭಾನುವಾರ) ಅಂದಾಜು 9:15 ಕ್ಕೆ ಗೋವಾ ಅಥವಾ ದೆಹಲಿಯಿಂದ ಹೊರಡುವ ವಿಮಾನವು ಸಂಜೆ ಟೇಕ್ ಆಫ್ ಆಗಿದ್ದು, ಜನವರಿ 15 ರಂದು (ಸೋಮವಾರ) ಬೆಳಗ್ಗೆ 5:12 ಕ್ಕೆ ಮುಂಬೈಗೆ ಬಂದಿಳಿದಿದೆ.

ಆನ್‌ಲೈನ್‌ನಲ್ಲಿ ಭಾರೀ ಟೀಕೆಗಳ ನಂತರ ಈ ಕುರಿತು ಇಂಡಿಗೋ ಸ್ಪಷ್ಟೀಕರಣವನ್ನು ನೀಡಿದೆ.

"ಈ ಅಸ್ವಸ್ಥತೆಗೆ ನಾವು ವಿಷಾದಿಸುತ್ತೇವೆ ಮತ್ತು ನಮ್ಮ ವಿಮಾನಯಾನ ಮಾಡುವವರ ಪ್ರಯಾಣದ ಯೋಜನೆಗಳನ್ನು ಅಡ್ಡಿಪಡಿಸುವುದು ನಮ್ಮ ಉದ್ದೇಶವಲ್ಲ ಎಂದು ನಿಮಗೆ ಭರವಸೆ ನೀಡುತ್ತೇವೆ. ಆದರೂ, ಕೆಲವೊಮ್ಮೆ, ಕೆಲವು ಕಾರ್ಯಾಚರಣೆಯ ಕಾರಣಗಳಿಂದಾಗಿ, ಇಂತಹ ವಿಳಂಬಗಳು ವಿಮಾನಯಾನ ಸಂಸ್ಥೆಯ ನಿಯಂತ್ರಣವನ್ನು ಮೀರಿವೆ. ನೀವು ಇದನ್ನು ಅರ್ಥ ಮಾಡಿಕೊಳ್ಳುತ್ತೀರಿ ಎಂದು ನಿರೀಕ್ಷಿಸುತ್ತೇವೆ" ಎಂದು ಏರ್​ಲೈನ್ಸ್ ಹೇಳಿದೆ.

ವಿಳಂಬದ ಘಟನೆಯ ಮತ್ತೊಂದು ವಿಡಿಯೋದಲ್ಲಿ ಪ್ರಯಾಣಿಕರು ವಿಳಂಬದ ಬಗ್ಗೆ ಸಿಬ್ಬಂದಿಯೊಂದಿಗೆ ಜಗಳವಾಡುವುದನ್ನು ಕಾಣಬಹುದಾಗಿದೆ. ಇಂಡಿಗೋ ಏರ್‌ಲೈನ್ಸ್ ವಿರುದ್ಧ ಟೇಕ್-ಆಫ್ ಮತ್ತು ಲ್ಯಾಂಡಿಂಗ್‌ನಲ್ಲಿ ನಿರಂತರ ವಿಳಂಬದ ಬಗ್ಗೆ ಪ್ರಯಾಣಿಕರು ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಹತಾಶೆಯನ್ನು ಇತ್ತೀಚೆಗೆ ಹೊರಹಾಕುತ್ತಿದ್ದಾರೆ.

ಶನಿವಾರದಂದು ದೆಹಲಿ-ಗೋವಾ ಇಂಡಿಗೋ ವಿಮಾನವು ವಿಳಂಬವಾಗುವ ಕುರಿತು ಘೋಷಣೆ ಮಾಡುತ್ತಿದ್ದ ವಿಮಾನದ ಪೈಲಟ್‌ಗೆ ಪ್ರಯಾಣಿಕನೊಬ್ಬ ಡಿಕ್ಕಿ ಹೊಡೆಯುವುದನ್ನು ತೋರಿಸುವ ವೀಡಿಯೊ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿತ್ತು.

ವಿಮಾನದೊಳಗೆ ವಿಳಂಬದ ಕುರಿತು ಘೋಷಣೆ ಮಾಡುತ್ತಿದ್ದಂತೆ ಪೈಲಟ್‌ಗೆ ಕಪಾಳಮೋಕ್ಷ ಮಾಡಿದ್ದಕ್ಕಾಗಿ ಪ್ರಯಾಣಿಕನನ್ನು ತಕ್ಷಣವೇ ವಿಮಾನದಿಂದ ಕೆಳಗಿಳಿಸಿ ನಂತರ ಬಂಧಿಸಲಾಗಿತ್ತು.

https://www.vijayavani.net/bse-crossed-73-thousand-mark-nifty-crossed-22-thousand-what-are-the-reasons-for-the-stock-market-record-jump

https://www.vijayavani.net/2024-is-the-year-of-elections-voting-in-countries-with-half-the-global-population

https://www.vijayavani.net/worlds-five-richest-people-double-their-wealth-500-crore-people-in-financial-distress