'ಗುಂಟೂರು​ ಖಾರಂ' ಕೈಬಿಟ್ಟಿದ್ದೇ ತಪ್ಪಾಯ್ತಾ?; ಪೂಜಾ ಹೆಗ್ಡೆ ಮುಂದಿನ ಸಿನಿಮಾ​ ಬಗ್ಗೆ ಇಲ್ಲಿದೆ ಮಾಹಿತಿ

ಆಂಧ್ರಪ್ರದೇಶ: ಟಾಲಿವುಡ್​ ಬೆಡಗಿ, 'ಆಲಾ ವೈಕುಂಠಪುರಮುಲೋ' ಖ್ಯಾತಿಯ ನಟಿ ಪೂಜಾ ಹೆಗ್ಡೆ, 'ಗುಂಟೂರು ಖಾರಂ' ಸಿನಿಮಾದಿಂದ ಹೊರ ನಡೆದ ಬಳಿಕ ಇದೀಗ ಯಾವ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ, ಮುಂದಿನ ಪ್ರಾಜೆಕ್ಟ್​ಗಳು ಯಾವುವು, ಈಗ ಎಲ್ಲಿದ್ದಾರೆ? ಎಂಬ ಹಲವು ಪ್ರಶ್ನೆಗಳು ಇದೀಗ ಅವರ ಅಭಿಮಾನಿಗಳಲ್ಲಿ ಕಾಡತೊಡಗಿದೆ.

ಇದನ್ನೂ ಓದಿ: ಏಕದಿನ ವಿಶ್ವಕಪ್​​ಗೆ ಅಧಿಕೃತ ಗೀತೆ ಬಿಡುಗಡೆ;  ICC ವಿಶೇಷವಾಗಿ ರಚಿಸಿರುವ ಹಾಡು ಇಲ್ಲಿದೆ.. 

ಸ್ಟಾರ್​ ಹೀರೋಗಳ ಸಿನಿಮಾಗೆ ಪೂಜಾ ಹೆಗ್ಡೆಯೇ ನಾಯಕಿಯಾಗಿ ಅಭಿನಯಿಸಬೇಕು ಎಂದು ನಿರ್ಧರಿಸುತ್ತಿದ್ದ ನಿರ್ದೇಶಕರು, ನಿರ್ಮಾಪಕರು ಇದೀಗ ತಮ್ಮ ಮುಂದಿನ ಸಿನಿಮಾಗಳಿಗೆ ನಟಿಯನ್ನು ಆಯ್ಕೆ ಮಾಡುವುದರ ಕುರಿತು ಹೆಚ್ಚು ಚಿಂತಿಸುವುತ್ತಿಲ್ಲ ಎಂಬುದು ಇತ್ತೀಚಿನ ದಿನಗಳಲ್ಲಿನ ಬೆಳವಣಿಗೆಯಿಂದ ತಿಳಿದು ಬಂದಿದೆ. ಮಹೇಶ್​ ಬಾಬು ನಟನೆಯ 'ಗುಂಟೂರು ಖಾರಂ' ಸಿನಿಮಾದಿಂದ ನಟಿ ಹೊರನಡೆದಿದ್ದೇ ತಡ, ಚಿತ್ರರಂಗದಲ್ಲಿ ಅವರ ಡಿಮ್ಯಾಂಡ್​ ಕಡಿಮೆಯಾಗಿದೆ.

ಸದ್ಯ ನಟ ಸಲ್ಮಾನ್​ ಖಾನ್​ ಅಭಿನಯದ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ಸಿನಿಮಾವನ್ನು ಹೊರೆತುಪಡಿಸಿದರೆ ನಟಿಯ ಬಳಿ ಬೇರೆ ಯಾವುದೇ ಪ್ರಾಜೆಕ್ಟ್​ಗಳಿಲ್ಲ ಎಂದು ವರದಿ ತಿಳಿಸಿದೆ. ತಮ್ಮ ನೆಚ್ಚಿನ ನಟಿಯನ್ನು ಪರದೆಯ ಮೇಲೆ ಕಣ್ತುಂಬಿಕೊಳ್ಳಲು ಕಾತರದಿಂದ ಕಾಯುವ ಅಭಿಮಾನಿಗಳಿಗೆ ಇದೀಗ ತೀವ್ರ ಬೇಸರ ಮೂಡಿದೆ.

ಇದನ್ನೂ ಓದಿ:  ಸಮವಸ್ತ್ರದಲ್ಲೇ ಪೊಲೀಸ್​ ಜೋಡಿಯ ಪ್ರೀ ವೆಡ್ಡಿಂಗ್​ ಶೂಟ್: ನೆಟ್ಟಿಗರ ಪ್ರಶ್ನೆಗೆ ಹಿರಿಯ ಅಧಿಕಾರಿಯ ಉತ್ತರವಿದು….

'ಗುಂಟೂರ್​ ಖಾರಂ' ಚಿತ್ರದಿಂದ ಹೊರ ನಡೆದಿದ್ದೇ ಪೂಜಾ ಹೆಗ್ಡೆಗೆ ತೊಂದರೆಯಾಯ್ತ? ಎಂದು ಹಲವರು ಊಹಿಸಿದ್ದು, ಸದ್ಯ ನಟಿ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚಾಗಿ ಆಕ್ಟಿವ್​ ಇಲ್ಲದೆ ಇರುವುದು ಇದೀಗ ಸಾಕಷ್ಟು ಅನುಮಾನಕ್ಕೆ ಕಾರಣವಾಗಿದೆ. ಒಟ್ಟಾರೆ ಅಭಿಮಾನಿಗಳ ಹಾರೈಕೆಯಂತೆ ಶೀಘ್ರವೇ ಪೂಜಾ ಹೆಗ್ಡೆ ಹಲವು ಪ್ರಾಜೆಕ್ಟ್​ಗಳ ಮುಖೇನ ಸಿನಿಪ್ರೇಕ್ಷಕರನ್ನು ಮನರಂಜಿಸಲಿ ಎಂದು ಆಶಿಸೋಣ,(ಏಜೆನ್ಸೀಸ್).

https://www.vijayavani.net/maharashtra-shivsena-leader-arvind-sawant-slams-bjp