ಗ್ರಹಣ ಹಿಡಿದ ವಾಟ್ಸ್ಆ್ಯಪ್​ ಸರಿ ಹೋಯ್ತು; ಆದರೂ ಇವೆ ಕೆಲವು ಗ್ಲಿಚ್​ಗಳು

ನವದೆಹಲಿ: ಮೆಟಾ ಸಂಸ್ಥೆ ಅಧೀನದಲ್ಲಿರುವ ವಾಟ್ಸ್ಆ್ಯಪ್​ ಕೆಲ ಗಂಟೆಗಳಿಂದ (ಅ.25) ಸ್ಥಗಿತಗೊಂಡಿತ್ತು. ದೇಶಾದ್ಯಂತ ಬಳಕೆದಾರರು ಈ ಬಗ್ಗೆ ರಿಪೋರ್ಟ್ ಮಾಡಿದ್ದರು. ಸುಮಾರು 12.30ಕ್ಕೆ ನಿಂತುಹೋಗಿದ್ದ ವಾಟ್ಸಪ್​ ಮಧ್ಯಾಹ್ನ 2.16 ಸುಮಾರಿಗೆ ಮತ್ತೆ ಕಾರ್ಯ ನಿರ್ವಹಿಸತೊಡಗಿದೆ.

ಡೌನ್ ಡಿಟೆಕ್ಟರ್​ ಎನ್ನುವ ಸಂಸ್ಥೆ (ವೆಬ್​ಸೈಟ್​) ಪ್ರಕಾರ ಇಂದು ಮಧ್ಯಾಹ್ನ 12.30ರಿಂದ ವಾಟ್ಸ್ಆ್ಯಪ್​​ ಸ್ಥಗಿತಗೊಂಡಿತ್ತು. ಈ ವೆಬ್​ಸೈಟ್​ನ ಮಾಹಿತಿ ಪ್ರಕಾರ ಮುಂಬೈ, ದೆಹಲಿ, ಕೋಲ್ಕತ್ತ, ಬೆಂಗಳೂರು, ಚೆನ್ನೈ, ಹೈದರಾಬಾದ್ ಜೊತೆಗೆ ನಾಗ್ಪುರ ಮತ್ತು ಲಖ್ನೌ ಸೇರಿದಂತೆ ಇತರೆ ನಗರಗಳಲ್ಲಿ ಸಮಸ್ಯೆ ಎದುರಾಗಿತ್ತು.

ಈ ವಿಷಯದ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಮೆಟಾ ಸಂಸ್ಥೆಯ ವಕ್ತಾರ 'ನಾವು ಸಂದೇಶ ಕಳಿಸುವ ವಿಷಯದಲ್ಲಿ ಕೆಲ ತಾಂತ್ರಿಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದೇವೆ. ವಾಟ್ಸ್ಆ್ಯಪ್​ ಅನ್ನು ಶೀಘ್ರದಲ್ಲಿಯೇ ಎಲ್ಲರೂ ಬಳಸಲು ಸಾಧ್ಯವಾಗುತ್ತದೆ' ಎಂದು ಹೇಳಿದ್ದರು. ಈಗ ವಾಟ್ಸಪ್ ಮತ್ತೆ ಸೇವೆ ಪ್ರಾರಂಭಿಸಿದರೂ ಕೆಲವು ಗ್ಲಿಚ್​ಗಳಿವೆ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್)

https://www.vijayavani.net/whatsapp-down-users-suffered-problem/

https://www.vijayavani.net/chattisgadh-cm-whooped-in-a-ritual/

https://www.vijayavani.net/fire-accident-in-ey-hospital-vijayapura/

https://www.vijayavani.net/tn-sanitary-workers-go-on-an-indefinite-strike/