ಪಾರಸ್ಪರಿಕ ತೆರಿಗೆ ಬೆನ್ನಲ್ಲೇ ಟ್ರಂಪ್​ ಗೋಲ್ಡ್​ ಕಾರ್ಡ್​ ರಿವೀಲ್​! ಇಲ್ಲಿದೆ ನಿಮಗೆ ಗೊತ್ತಿಲ್ಲದ ಸಂಗತಿ | Trump Gold Card

Trump Gold Card: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪಾರಸ್ಪರಿಕ ತೆರಿಗೆ ವಿಧಿಸಿದ್ದೇ ತಡ ಜಾಗತಿಕ ಸೇರಿದಂತೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ದೊಡ್ಡ ಸಂಚಲನ ಹುಟ್ಟುಹಾಕಿದೆ. ತನ್ನ ಹೇಳಿಕೆಗೆ ಬದ್ಧವಾದ ಟ್ರಂಪ್​, ಇತರೆ ದೇಶಗಳಿಂದ ಅಮೆರಿಕಕ್ಕೆ ಆಮದು ಮಾಡಿಕೊಳ್ಳುವ ಉತ್ಪನ್ನಗಳ ಮೇಲೆ ಭಾರೀ ಸುಂಕಗಳನ್ನು ವಿಧಿಸಿದ್ದಾರೆ. ಪ್ರತೀಕಾರದ ತೆರಿಗೆ ವಿಧಿಸಿದ ಬೆನ್ನಲ್ಲೇ ತಮ್ಮ ಮುಖವಾಣಿ ಇರುವ ಹೊಸ ಗೋಲ್ಡ್ ಕಾರ್ಡ್ ವೀಸಾವನ್ನು ಟ್ರಂಪ್ ಬಿಡುಗೆಡೆಗೊಳಿಸಿದ್ದಾರೆ. ಸದ್ಯ ಇದು ಮತ್ತೊಂದು ಸಂಚಲನಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ಉದ್ವಿಘ್ನತೆ ನಡುವೆಯೂ ಪ್ರಧಾನಿ ಮೋದಿ & ಬಾಂಗ್ಲಾದೇಶದ ಯೂನಸ್ ಮೊದಲ ಮಾತುಕತೆ! | PM Modi

ಅಮೆರಿಕದ ನಾಗರಿಕರಾಗಲು ಇಚ್ಛಿಸುವ ಶ್ರೀಮಂತರಿಗೆ ಈ ಗೋಲ್ಡ್ ಕಾರ್ಡ್ ಲಭ್ಯವಾಗುವಂತೆ ಮಾಡುವುದಾಗಿ ಟ್ರಂಪ್ ಇತ್ತೀಚೆಗೆ ಘೋಷಿಸಿದ್ದಾರೆ. ಅಸಲಿಗೆ ಇದನ್ನು ಖರೀದಿಸುವವರು ಯುಸ್​ ಪೌರತ್ವವನ್ನು ಪಡೆಯಬಹುದು ಎಂದು ಹೇಳಲಾಗಿದೆ. ಇದರ ಅನಾವರಣ ಕಂಡ ಜಗತ್ತು, ಗೋಲ್ಡ್​ ಕಾರ್ಡ್‌ ಮೇಲಿರುವ ಟ್ರಂಪ್​ರನ್ನು ನೋಡಿ ಅಚ್ಚರಿ ವ್ಯಕ್ತಪಡಿಸಿದೆ. ಈ ಚಿನ್ನದ ಕಾರ್ಡ್‌ನ ವಿಶೇಷತೆ ಏನು? ಇದನ್ನು ಹೊರತರಲು ಕಾರಣವೇನು? ಎಂಬ ಪ್ರಶ್ನೆ ಹಲವರದ್ದು.

ಈ ಗೋಲ್ಡ್ ಕಾರ್ಡ್ ಎರಡು ವಾರಗಳಲ್ಲಿ ಲಭ್ಯವಾಗಲಿದೆ ಎಂದು ಟ್ರಂಪ್ ಬಹಿರಂಗಪಡಿಸಿದ್ದಾರೆ. ಯಾರು ಐದು ಮಿಲಿಯನ್ ಡಾಲರ್‌ (ಸುಮಾರು 44 ಕೋಟಿ ರೂ.) ವ್ಯಯಿಸುತ್ತಾರೋ ಅವರಿಗೆ ಈ ಗೋಲ್ಡನ್ ಕಾರ್ಡ್ ಲಭ್ಯವಾಗುತ್ತದೆ. ಆದಾಗ್ಯೂ, ಚಿನ್ನದ ವೀಸಾ ಕಾರ್ಡ್ ಎರಡು ವಾರಗಳಲ್ಲಿ ಜನರ ಕೈಗೆ ಸೇರಲಿದೆ ಎಂದು ಟ್ರಂಪ್​ ಸ್ಪಷ್ಟಪಡಿಸಿದ್ದಾರೆ. ಇದರ ಮೊದಲ ಖರೀದಿದಾರರು ಯಾರು ಎಂಬ ಪ್ರಶ್ನೆಗೆ, 'ನಾನೇ' ಎಂದು ಉತ್ತರಿಸಿದ ಟ್ರಂಪ್​, "ಮೊದಲಿಗೆ ನಾನೇ. ಆದರೆ ಎರಡನೇ ಖರೀದಿದಾರರು ಯಾರಾಗುತ್ತಾರೆ ಎಂಬುದರ ಬಗ್ಗೆ ನನಗೆ ಮಾಹಿತಿಯಿಲ್ಲ. ಇನ್ನೆರೆಡು ವಾರಗಳಲ್ಲಿ ಗೋಲ್ಡ್ ಕಾರ್ಡ್​ ಖರೀದಿಗೆ ಲಭ್ಯವಿರಲಿದೆ" ಎಂದು ಹೇಳಿದರು.

ಇದನ್ನೂ ಓದಿ: ಇದು ಏಷ್ಯಾದಲ್ಲೇ ಅತ್ಯಂತ ಶ್ರೀಮಂತ ಗ್ರಾಮ! ಈ ಪುಟ್ಟ ಹಳ್ಳಿಯಲ್ಲಿವೆ ಒಟ್ಟು 17 ಬ್ಯಾಂಕ್​ಗಳು; ಇಷ್ಟೊಂದು ಶ್ರೀಮಂತವಾಗಿರಲು ಕಾರಣಗಳೇನು? Richest

ಈ ಹೊಸ ಟ್ರಂಪ್​ ಗೋಲ್ಡ್ ಕಾರ್ಡ್ ಚಾಲ್ತಿಯಲ್ಲಿರುವ EB-5 ವಲಸೆ ಹೂಡಿಕೆದಾರರ ವೀಸಾ ಕಾರ್ಯಕ್ರಮವನ್ನು ಬದಲಾಯಿಸಲಿದೆ. ಇದು ಪ್ರಸ್ತುತ ವಿದೇಶಿ ಹೂಡಿಕೆದಾರರು ಉದ್ದೇಶಿತ ಉದ್ಯೋಗ ಪ್ರದೇಶಗಳಲ್ಲಿ (TEAs) ಇರುವ ಯೋಜನೆಗಳಲ್ಲಿ ಕನಿಷ್ಠ 8,00,000 ಡಾಲರ್​ ಅಥವಾ ಬೇರೆಡೆ 1.8 ಮಿಲಿಯನ್ ಡಾಲರ್​ ಹೂಡಿಕೆ ಮಾಡಿದರೆ ಗ್ರೀನ್ ಕಾರ್ಡ್‌ಗಳನ್ನು ಪಡೆಯಲು ಅನುಮತಿಸುತ್ತದೆ ಮತ್ತು ಕನಿಷ್ಠ ಹತ್ತು ಅಮೆರಿಕ ಉದ್ಯೋಗಗಳನ್ನು ಸೃಷ್ಟಿಸುತ್ತದೆ. EB-5 ವ್ಯವಸ್ಥೆಯನ್ನು ಟೀಕಿಸಿದ ಟ್ರಂಪ್, ಅದು ಅಸಮರ್ಥ ಮತ್ತು ಹಳೆಯದ್ದಾಗಿದೆ ಎಂದು ತಳ್ಳಿಹಾಕಿದ್ದಾರೆ,(ಏಜೆನ್ಸೀಸ್).

https://www.vijayavani.net/who-is-soma-das-in-bengal-teachers-recruitment-scam