ನಾಸಿಕ್: ಮಹಾರಾಷ್ಟ್ರದ ನಾಸಿಕ್‌ನ ಅಪಾರ್ಟ್‌ಮೆಂಟ್‌ವೊಂದರಲ್ಲಿ 6 ಜನರಿದ್ದ ಲಿಫ್ಟ್ ದಿಢೀರ್ ಕೈಕೊಟ್ಟಿದ್ದು, ಮಹಿಳೆಯೊಬ್ಬರು ಗಾಯಗೊಂಡಿರುವ ಭಯಾನಕ ಘಟನೆ ನಡೆದಿದೆ. ಈ ದುರಂತದ ಸಿಸಿಟಿವಿ ದೃಶ್ಯಗಳು ಈಗ ಹೊರಬಿದ್ದಿದ್ದು, ನೋಡುಗರನ್ನು ಬೆಚ್ಚಿಬೀಳಿಸುವಂತಿದೆ.
ನಾಸಿಕ್‌ನ ಸತ್ಪುರ್ ಪ್ರದೇಶದ ಶಿವಾಜಿನಗರದ ವಿಠ್ಠಲ-ರುಕ್ಮಿಣಿ ಕಾಲೋನಿಯಲ್ಲಿರುವ 'ಸನ್‌ಶೈನ್ ಅಪಾರ್ಟ್ಮೆಂಟ್'ನಲ್ಲಿ ಈ ಘಟನೆ ಸಂಭವಿಸಿದೆ. ಈ ದುರಂತದಲ್ಲಿ ಕನಿಷ್ಠ ಒಬ್ಬ ಮಹಿಳೆ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.
ಸಿಸಿಟಿವಿಯಲ್ಲಿ ಸೆರೆಯಾದ ಭಯಾನಕ ದೃಶ್ಯ
ಅಪಾರ್ಟ್‌ಮೆಂಟ್‌ನ ಸಿಸಿಟಿವಿ ದೃಶ್ಯಾವಳಿಗಳಲ್ಲಿ, ಕೆಲವು ಮಹಿಳೆಯರು ಸೇರಿದಂತೆ ಒಟ್ಟು 6 ಮಂದಿ ಲಿಫ್ಟ್ ಒಳಗೆ ಪ್ರವೇಶಿಸುವುದನ್ನು ಕಾಣಬಹುದು. ನಿಗದಿತ ಮಹಡಿಯಲ್ಲಿ ಲಿಫ್ಟ್ ನಿಂತು ಬಾಗಿಲು ತೆರೆದಾಗ, ಮಹಿಳೆಯೊಬ್ಬರು ಹೊರಗೆ ಇಳಿಯಲು ಮುಂದಾಗಿದ್ದಾರೆ.
