ರದ್ದಾದ, ಚಲಾವಣೆ ಇಲ್ಲದ ನೋಟುಗಳನ್ನು ಸರ್ಕಾರ ಏನು ಮಾಡುತ್ತೆ?; ಇಲ್ಲಿದೆ ಉಪಯುಕ್ತ ಮಾಹಿತಿ | Uncirculated notes

Uncirculated notes: 100 ಮತ್ತು 200 ರೂ. ಹೊಸ ನೋಟುಗಳನ್ನು ಬಿಡುಗಡೆ ಮಾಡುವುದಾಗಿ ಭಾರತೀಯ ರಿಸರ್ವ್​ ಬ್ಯಾಂಕ್​ ಇತ್ತೀಚಿಗೆ ಹೇಳಿದೆ. ಒಂದು ವೇಳೆ ಹೊಸ ನೋಟುಗಳು ಮಾರುಕಟ್ಟಗೆ ಬಂದರೆ, ಹಳೆ ನೋಟುಗಳು ಬ್ಯಾನ್​ ಆದ್ರೆ ಮತ್ತೆ 2016 ರಂತೆ ಬ್ಯಾಂಕ್​ ಮುಂದೆ ನಿಂತು ಸರ್ಕಾರಕ್ಕೆ ಮರಳಿಸಬೇಕು. ಅದರಂತೆ ಹೊಸ ಕರೆನ್ಸಿಗಳು ಮಾರುಕಟ್ಟೆಗೆ ಬಂದ ನಂತರ ಹಳೆಯ ನೋಟುಗಳು ಏನಾಗುತ್ತದೆ ಎಂದು ತಿಳಿದಿಯೇ?. ಸರ್ಕಾರ ಈ ರದ್ದಾದ ನೋಟುಗಳನ್ನು ಏನು ಮಾಡುತ್ತದೆ ಎಂದು ಯೋಚಿಸಿದ್ದಿರಾ? ತಿಳಿಯೋಣ ಬನ್ನಿ..

ನೋಟುಗಳು ಅಮಾನ್ಯೀಕರಣಗೊಂಡರೆ ಅವುಗಳನ್ನು ಬದಲಾಯಿಸಲು ಮೊದಲು ಬ್ಯಾಂಕ್​ಗಳಿಗೆ ತೆರಳಬೇಕು. ಸರ್ಕಾರದ ಆದೇಶದ ಪ್ರಕಾರ ಬ್ಯಾಂಕ್​ ರದ್ದಾದ ನೋಟುಗಳನ್ನು ಕೇಂದ್ರ ಸರ್ಕಾರಕ್ಕೆ ಮರಳಿ ಕಳುಹಿಸುತ್ತದೆ. ಅಂದರೆ ಆರ್​ಬಿಐ ಪ್ರಾದೇಶಿಕ ಕಚೇರಿಗೆ ರದ್ದಾದ ನೋಟುಗಳು ಸೇರುತ್ತದೆ. ಈ ನೋಟುಗಳು ನಿಷ್ಪ್ರಯೋಜಕವಾಗಿರುವುದರಿಂದ, ಅವು ವ್ಯರ್ಥವಾಗಿ ಉಳಿದಿವೆ. ಆದರೆ, ಆರ್‌ಬಿಐ ಈ ನೋಟುಗಳನ್ನು ಯಾರೂ ದುರುಪಯೋಗಪಡಿಸಿಕೊಳ್ಳದ ರೀತಿಯಲ್ಲಿ ವಿಲೇವಾರಿ ಮಾಡುತ್ತದೆ.

ರದ್ದಾದ ನೋಟುಗಳನ್ನು ಯಾವ ರೀತಿ ವಿಲೇವಾರಿ..?

ಈ ಮೊದಲು ಸರ್ಕಾರ ರದ್ದಾದ ನೋಟುಗಳನ್ನು ಸುಟ್ಟು ಹಾಕುತ್ತಿತ್ತು. ಆದರೆ, ಈಗ ಪ್ರಕ್ರಿಯೆ ಬೇರೆ ರೀತಿಯಲ್ಲಿ ಮಾಡುತ್ತದೆ. ಆರ್​ಬಿಐ ಮೊದಲು ನೋಟುಗಳನ್ನು ಪರಿಶೀಲಿಸುತ್ತದೆ. ಏಕೆಂದರೆ ಅದರಲ್ಲಿ ನಕಲಿ ನೋಟುಗಳು ಏನಾದರೂ ಇದೆಯೇ ಎಂದು. ಯಂತ್ರದ ಮೂಲಕ ಪರಿಶೀಲಿಸಿ ಎಣಿಸುತ್ತದೆ. ಬಳಿಕ ತಮ್ಮ ಪ್ರಾದೇಶಿಕ ಕಚೇರಿಯ ವ್ಯಾಪ್ತಿಯಲ್ಲಿಯೇ ತುಂಡು-ತುಂಡುಗಳಾಗಿ ಮಾಡುತ್ತದೆ. ಹೇಗೆ ಕತ್ತರಿಸಲಾಗುತ್ತದೆ ಎಂದರೆ ಮತ್ತೆ ಮರು ಬಳಕೆಗೆ ಬಾರದಂತೆ ಮಾಡುತ್ತದೆ.

ಕತ್ತರಿಸಿದ ಬಳಿಕ ಮುಂದೇನು..?

ಕತ್ತರಿಸಿದ ತ್ಯಾಜ್ಯ ಕರೆನ್ಸಿ ನೋಟುಗಳನ್ನು ಇಟ್ಟಿಗೆ, ಮರುಬಳಕೆಯ ಕಾಗದವನ್ನು ಕಾರ್ಖಾನೆಗಳಿಗೆ ನೀಡಲಾಗುತ್ತದೆ, ಇದರಿಂದ ಕಾರ್ಡ್ಬೋಡ್​​ ನಂತಹ ವಸ್ತುಗಳನ್ನು ತಯಾರಿಸಲಾಗುತ್ತದೆ. 2016 ರದ್ದಾದ ನೋಟುಗಳನ್ನು ಆರ್‌ಬಿಐ ಕೇರಳದ ವೆಸ್ಟರ್ನ್ ಇಂಡಿಯಾ ಪ್ಲೈವುಡ್ ಎಂಬ ಕಂಪನಿಗೆ ಮಾರಾಟ ಮಾಡಿತ್ತು.(ಏಜೆನ್ಸೀಸ್​)

https://www.vijayavani.net/how-much-money-did-team-india-win-in-the-champions-trophy-know-how-it-is-distributed-to-the-players

https://www.vijayavani.net/women-are-not-allowed-to-wear-bikinis-here-violation-will-result-in-severe-punishment