ಮತ್ತೊಂದೆಡೆ, ಕರೊನಾ ಸಂಕಟ ಆರ್ಥಿಕ ಸಮಸ್ಯೆಯ ತೀವ್ರತೆಯನ್ನು ಹೆಚ್ಚಿಸುತ್ತಿದೆ. ಒಂದು ಬಗೆಯ ನೈರಾಶ್ಯವೂ ಆವರಿಸಿದೆ. ಕರೊನಾ ಸಂಕಟವನ್ನೂ ಅವಕಾಶವಾಗಿ ಬದಲಾಯಿಸುವ ಬಗ್ಗೆ ಈ ಹಿಂದೆ ಪ್ರಧಾನಿ ಮೋದಿ ಮಾತನಾಡಿದ್ದಾರೆ. ಉಳಿದ ರಂಗಗಳಲ್ಲೂ ಹೀಗೆ ಸ್ಪರ್ಧಾತ್ಮಕತೆ ಸೃಷ್ಟಿಸುವ, ಪ್ರೋತ್ಸಾಹ ನೀಡುವ ಅಗತ್ಯವಿದೆ. ಮಾಹಿತಿ-ತಂತ್ರಜ್ಞಾನ ರಂಗದೊಂದಿಗೆ ಇತರ ವಲಯಗಳೂ ಬೆಳವಣಿಗೆಯ ಹಾದಿಯಲ್ಲಿ ಕ್ರಮಿಸಬೇಕಿದೆ. ಪ್ರಸಕ್ತ ಹಲವು ಸಮಸ್ಯೆಗಳಿರುವುದು ನಿಜ. ಆದರೆ, ಉತ್ಪಾದನೆ ಹೆಚ್ಚಿಸುವುದು, ಸ್ಥಳೀಯ ಉತ್ಪನ್ನಗಳಿಗೆ ಉತ್ತಮ ಮಾರುಕಟ್ಟೆ ಒದಗಿಸುವುದು, ಸಣ್ಣ ಕೈಗಾರಿಕೆಗಳಿಗೆ ಸಕಾಲದಲ್ಲಿ ಕಚ್ಚಾ ವಸ್ತುಗಳ ಪೂರೈಕೆ, ಗ್ರಾಮೀಣ ಭಾಗದಲ್ಲಿ ಗುಡಿ ಕೈಗಾರಿಕೆಗಳಿಗೆ ಉತ್ತೇಜನ ಹೀಗೆ ಸಣ್ಣ ಸಣ್ಣ ಹೆಜ್ಜೆಯೂ ಮಹತ್ವದ ಸುಧಾರಣೆ ತರುವುದರಲ್ಲಿ ಅನುಮಾನವಿಲ್ಲ. ಆಪ್ ಚಾಲೆಂಜ್ನಂತೆ ಇತರ ಕ್ಷೇತ್ರಗಳಲ್ಲೂ ಸವಾಲು ತೆಗೆದುಕೊಂಡು ಮುನ್ನುಗಿದರೆ ಹೊಸ ಸಾಧ್ಯತೆಗಳು ಮತ್ತು ದಾರಿಗಳು ತೆರೆದುಕೊಳ್ಳುತ್ತವೆ. ಅಂಥ ಇಚ್ಛಾಶಕ್ತಿಯನ್ನು ಸರ್ಕಾರ ಪ್ರದರ್ಶಿಸಲಿ.
