ವಾರ ಭವಿಷ್ಯ: ಹಣಕಾಸು ವ್ಯವಹಾರಗಳಲ್ಲಿ ಈ ರಾಶಿಯವರು ಒಳ್ಳೆಯ ಲಾಭ ಗಳಿಸಲಿದ್ದಾರೆ

ಮೇಷ: ಪ್ರವಾಸದ ಯೋಗವಿದೆ. ವಿದ್ಯಾರ್ಥಿಗಳಿಗೆ ಶುಭ ವಾರವಿದು. ವಸ್ತು ವಾಹನ ಖರೀದಿಯಿಂದ ಲಾಭವಿದೆ. ಅವಿವಾಹಿತರಿಗೆ ವಿವಾಹ ಯೋಗವುಂಟು. ಯಾರೊಂದಿಗೂ ಅನವಶ್ಯಕ ವಾದವನ್ನು ಮಾಡದಿರಿ. ಶ್ರೀ ಸುಬ್ರಹ್ಮಣ್ಯ ಹಾಗೂ ಆಂಜನೇಯನ ಆರಾಧನೆ ಮಾಡಿರಿ.

ವೃಷಭ: ನಿಮ್ಮ ಕಾರ್ಯಕ್ಷೇತ್ರದಲ್ಲಿ ಯಶಸ್ಸನ್ನು ಕಾಣುವಿರಿ. ಕೆಲಸದಲ್ಲಿ ಬಡ್ತಿ ಸಿಗುವ ಸಂಭವ. ವೈವಾಹಿಕ ಜೀವನವು ಸಾಮರಸ್ಯದಿಂದ ಕೂಡಿರುತ್ತದೆ. ಆರೋಗ್ಯದಲ್ಲಿ ಸುಧಾರಣೆ ಇದ್ದು ಈ ವಾರವು ನಿಮಗೆ ಶುಭದಾಯಕವಾಗಿದೆ. ಶ್ರೀ ಜಗನ್ಮಾತೆಯ ಆರಾಧನೆ ಮಾಡಿರಿ.

ಮಿಥುನ: ಮುಂದೆ ಒದಗಬಹುದಾದ ವಿಪತ್ತುಗಳಿಗೆ ಪರಿಹಾರೋಪಾಯ ಕಂಡುಕೊಳ್ಳುವುದೇ ಬುದ್ಧಿವಂತರ ಲಕ್ಷಣ. ಕೆಲಸಗಳಲ್ಲಿ ಅಭಿವೃದ್ಧಿ, ಸಹವರ್ಗದವರ ಸಹಕಾರ ದೊರೆಯುತ್ತದೆ. ಆರ್ಥಿಕ ಪರಿಸ್ಥಿತಿಯಲ್ಲಿ ಮಿಶ್ರ ಫಲ. ಆಹಾರ ಕ್ರಮವನ್ನು ಸರಿಪಡಿಸಿಕೊಳ್ಳಿ. ಅಷ್ಟಮ ಶನಿ ಪ್ರಭಾವ ಕಡಿಮೆಯಾಗಲು ಹನುಮಾನ್ ಚಾಲೀಸಾ ಪಠಿಸಿ.

ಕಟಕ: ಚಿಂತೆಗಳಿಂದ ದೂರ ಸರಿಯಿರಿ. ನಿಮ್ಮ ಪ್ರಯತ್ನಕ್ಕೆ ಈ ವಾರ ಫಲವುಂಟು. ಹಣಕಾಸಿನ ಸ್ಥಿತಿ ಉತ್ತಮವಾಗುವುದು. ನಿಮ್ಮ ಆತ್ಮವಿಶ್ವಾಸವೂ ಹೆಚ್ಚಾಗುತ್ತದೆ. ಮುಖ್ಯವಾಗಿ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸಿ. ಶ್ರೀಮನ್ನಾರಾಯಣನ ಆರಾಧನೆ ಮಾಡಿರಿ.

ಸಿಂಹ: ಮೀನರಾಶಿಯಲ್ಲಿರುವ ರವಿಯಿಂದ ಆರೋಗ್ಯದಲ್ಲಿ ವ್ಯತ್ಯಯ. ಹೊಸ ವ್ಯವಹಾರಗಳು ಹಾಗೂ ಅವಕಾಶಗಳು ತೆರೆದುಕೊಳ್ಳಲಿವೆ. ಆಸ್ತಿಯಿಂದ ಲಾಭವಿದೆ. ಉನ್ನತ ಮೂಲಗಳಿಂದ ಸಹಾಯಹಸ್ತ. ಸ್ತ್ರೀಯರಿಂದ ಲಾಭವುಂಟು. ಶ್ರೀ ಆದಿತ್ಯ ಹೃದಯ ಪಾರಾಯಣ ಮಾಡಿ.

ಕನ್ಯಾ: ವ್ಯಾಪಾರ-ವ್ಯವಹಾರಗಳಲ್ಲಿ ಜಾಗರೂಕರಾಗಿ. ಉದ್ಯೋಗಸ್ಥರಿಗೆ ಉನ್ನತ ಸ್ಥಾನ ಸಿಗುವ ಅವಕಾಶ. ಉದರ ಸಂಬಂಧಿ ತೊಂದರೆ. ಪರಿವಾರದವರ ಸಹಕಾರ ಇರುತ್ತದೆ. ಉಪದೇಶದಿಂದ ಮನುಷ್ಯನ ಸ್ವಭಾವ ಬದಲಿಸಲು ಅಸಾಧ್ಯ. ಈ ವಾರ ನೀವು ಆ ಗೋಜಿಗೆ ಹೋಗಬೇಡಿ. ಶ್ರೀ ಆಂಜನೇಯ, ಲಕ್ಷ್ಮೀ ನರಸಿಂಹನ ಆರಾಧಿಸಿ.

ತುಲಾ: ಮೇಲ್ದರ್ಜೆ ಅಧಿಕಾರಿಗಳಿಂದ ನಿಮಗೆ ಸಹಾಯ ದೊರೆಯಲಿದೆ. ಹಣಕಾಸು ವ್ಯವಹಾರಗಳಲ್ಲಿ ಮಿಶ್ರ ಫಲವಿದೆ. ಆರೋಗ್ಯವು ಉತ್ತಮವಾಗಿದ್ದು ನಿಮಗೆ ಶುಭವಾಗುವ ವಾರವಿದು. ಯಾರೊಂದಿಗೂ ಮನಸ್ತಾಪ ಬೇಡ. ಸಂತಾನ ಯೋಗವಿದೆ. ಶ್ರೀದುರ್ಗೆ ಹಾಗೂ ಶ್ರೀ ಸುಬ್ರಹ್ಮಣ್ಯನ ಆರಾಧನೆ ಮಾಡಿರಿ.

ವೃಶ್ಚಿಕ: ಬಲ್ಲ ಮೂಲಗಳಿಂದ ಆರ್ಥಿಕವಾಗಿ ಲಾಭವಾಗಲಿದೆ. ಶ್ರೀ ಸುಬ್ರಹ್ಮಣ್ಯನ ಆರಾಧನೆಯಿಂದ ಭಯ-ಭೀತಿ ದೂರವಾಗುತ್ತದೆ. ವಾಹನಗಳಲ್ಲಿ ಸಂಚರಿಸುವಾಗ ಬಹಳ ಎಚ್ಚರದಿಂದಿರಿ. ಒಳ್ಳೆಯ ಕರ್ಮಗಳಿಂದ ಮಾಡುವ ಕೆಲಸಗಳಲ್ಲಿ ಫಲ ಸಿಗುತ್ತದೆ. ಶ್ರೀ ದತ್ತಾತ್ರೇಯನ ಆರಾಧನೆ ಮಾಡಿರಿ.

ಧನು: ಒತ್ತಡದ ವಾತಾವರಣದಿಂದ ಹೊರಬರುವಿರಿ. ನಿಮ್ಮ ಕೆಲಸಕ್ಕೆ ತಕ್ಕಂತೆ ನಿಮಗೆ ಫಲವುಂಟು. ಆಸ್ತಿಗೆ ಸಂಬಂಧಿಸಿದ ವ್ಯವಹಾರ ಮಾಡುವ ಮೊದಲು ಯೋಚಿಸಿ. ವಿದ್ಯಾರ್ಥಿಗಳು ಶ್ರಮಪಟ್ಟು ಓದಿದಲ್ಲಿ ಯಶಸ್ಸು ಕಾಣಬಹುದು. ಶ್ರೀ ದತ್ತಾತ್ರೇಯ ಹಾಗೂ ಆಂಜನೇಯನ ಆರಾಧನೆ ಮಾಡಿರಿ.

ಮಕರ: ಶತ್ರುಗಳೂ ಮಿತ್ರರಾಗುವ ಸಮಯ. ಆರೋಗ್ಯದ ಬಗ್ಗೆ ಹೆಚ್ಚು ಗಮನ ಹರಿಸಬೇಕು. ಸಕಾರಾತ್ಮಕ ಹಾಗೂ ದೈವಿಕ ಚಿಂತನೆಗಳಿಂದ ಮನಸ್ಸಿಗೆ ಹಿತ. ಪ್ರವಾಸದಿಂದ ಲಾಭವಿದೆ. ಮಕ್ಕಳಿಂದ ಸಂತೋಷ ಸಿಗಲಿದೆ. ಹನುಮಾನ್ ಚಾಲೀಸಾ ಪಠಿಸುವುದರಿಂದ ಒಳ್ಳೆಯದಾಗುತ್ತದೆ.

ಕುಂಭ: ಶ್ರಮದಿಂದ ಕೆಲಸಗಳಲ್ಲಿ ಜಯ. ಇದರಿಂದ ನಿಮಗೆ ಕೀರ್ತಿ ಹೆಚ್ಚಾಗಲಿದೆ. ಸಾಡೇಸಾತಿಯ ಪ್ರಭಾವದಿಂದ ಕಷ್ಟಗಳು ಹಾಗೂ ಆರೋಗ್ಯದ ಸಮಸ್ಯೆ ಎದುರಾದರೂ ಧೈರ್ಯದಿಂದ ಎದುರಿಸಿ. ದೈವಿಕ ಚಿಂತನೆಗೆ ಹೆಚ್ಚು ಸಮಯ ನೀಡಿ. ಸ್ವಪ್ರಶಂಸೆ ಒಳ್ಳೆಯದಲ್ಲ. ಶ್ರೀ ಆಂಜನೇಯ ಹಾಗೂ ದತ್ತಾತ್ರೇಯನ ಆರಾಧನೆ ಮಾಡಿ.

ಮೀನ: ನಿಮ್ಮ ಗೌರವ ಹಾಗೂ ಕೀರ್ತಿ ಹೆಚ್ಚಾಗುವ ಸಮಯ. ಶುಭದಿನಗಳು ಬಂದಾಗ ಒಳ್ಳೆಯ ಕೆಲಸಗಳನ್ನು ಮಾಡದೆ ಹೋದರೆ ಅದು ಮತ್ತೆ ದೊರೆಯುವುದಿಲ್ಲ. ಆದ್ದರಿಂದ ಪರೋಪಕಾರವನ್ನು ಮಾಡಿ. ಇದರಿಂದ ಪುಣ್ಯ ಸಂಪಾದನೆ ಹಾಗೂ ನಿಮ್ಮ ಯಶಸ್ಸು ವೃದ್ಧಿಸುತ್ತದೆ. ಶ್ರೀ ದತ್ತಾತ್ರೇಯನ ಆರಾಧನೆ ಮಾಡಿ.

https://www.vijayavani.net/gaumutra-par-charcha-twitter-horrified-by-akhil-bharat-hindu-mahasabhas-unique-tea-party/