ಮಗಳ ಮದ್ವೆ ಕಾರ್ಡ್​ನಲ್ಲಿ ಹಿಂದು ದೇವರ ಫೋಟೋ! ಮುಸ್ಲಿಂ ಕುಟುಂಬ ನೀಡಿದ ಉತ್ತರ ಕೇಳಿದ್ರೆ ದಂಗಾಗ್ತೀರಾ | Wedding Card

Wedding Card : ಉತ್ತರ ಪ್ರದೇಶದ ಅಮೇಥಿಯ ಮುಸ್ಲಿಂ ಕುಟುಂಬವೊಂದಕ್ಕೆ ಸೇರಿದ ಮದುವೆ ಆಹ್ವಾನ ಪತ್ರಿಕೆ ವೈರಲ್​ ಆಗಿದ್ದು, ಚರ್ಚೆಗೆ ಗ್ರಾಸವಾಗಿದೆ. ಮದುವೆ ಕಾರ್ಡ್ ಜನಪ್ರಿಯವಾಗಲು ಅದರ ಮೇಲೆ ಮುದ್ರಿಸಲಾದ ಚಿತ್ರಗಳೇ ಕಾರಣ. ಆ ಚಿತ್ರಗಳನ್ನು ನೋಡಿದವರೆಲ್ಲ ಹುಬ್ಬೇರಿಸುತ್ತಿದ್ದಾರೆ. ಅಷ್ಟಕ್ಕೂ ಆ ಮದುವೆ ಆಮಂತ್ರಣದಲ್ಲಿ ಏನಿದೆ ಎಂಬುದನ್ನು ನಾವೀಗ ತಿಳಿಯೋಣ.

ಅಮೇಥಿಯ ಮುಸ್ಲಿಂ ಕುಟುಂಬ ತಮ್ಮ ಮಗಳು ಮದುವೆ ಆಹ್ವಾನ ಪತ್ರಿಕೆಯಲ್ಲಿ ಹಿಂದು ದೇವರು ಮತ್ತು ದೇವತೆಗಳ ಚಿತ್ರಗಳನ್ನು ಮುದ್ರಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಪರ-ವಿರೋಧ ಚರ್ಚೆಗೆ ಗುರಿಯಾಗಿದೆ.

ಸಂಪೂರ್ಣ ವಿವರಕ್ಕೆ ಬರುವುದಾದರೆ, ಅಮೇಥಿಯ ಸಿಂಗಾಪುರದ ಬ್ಲಾಕ್​ನ ಅಲ್ಲಾದಿನ್ ಗ್ರಾಮದ ಶಬ್ಬೀರ್ ಟೈಗರ್ ಅವರ ಪುತ್ರಿ ಸೈಮಾ ಬಾನೋ ಎಂಬಾಕೆ ಇದೇ ನವೆಂಬರ್ 8 ರಂದು ಮದುವೆಯಾಗಿದ್ದಾರೆ. ಈ ಮದುವೆ ಕಾರ್ಡ್‌ನಲ್ಲಿ ಹಿಂದು ದೇವರುಗಳ ಚಿತ್ರಗಳನ್ನು ಮುದ್ರಿಸಲಾಗಿದೆ. ಗಣೇಶ, ಕೃಷ್ಣ ಮತ್ತು ರಾಧೆಯ ಚಿತ್ರಣಗಳಿವೆ.

ಇದನ್ನೂ ಓದಿ: ನಾನು ಬಿಡೋದೆ ಇಲ್ಲ… ಸೆಲ್ಫಿ ವೇಳೆ ಮಹಿಳೆಯ ವರ್ತನೆ ಕಂಡು ಕಕ್ಕಾಬಿಕ್ಕಿಯಾದ ಕೊಹ್ಲಿ! ವಿಡಿಯೋ ವೈರಲ್… Virat Kohli

ಸೈಮಾ ಬಾನೋ ಅವರು ರಾಯ್ ಬರೇಲಿ ಜಿಲ್ಲೆಯ ಮಹಾರಾಜ್‌ಗಂಜ್ ಪೊಲೀಸ್ ಠಾಣೆ ವ್ಯಾಪ್ತಿಯ ಸೆನ್‌ಪುರ್ ಗ್ರಾಮದ ಇರ್ಫಾನ್ ಎಂಬುವರನ್ನು ವಿವಾಹವಾದರು. ಪಾಸಿಟಿವ್​ ಸಂದೇಶವನ್ನು ನೀಡಲು ಮತ್ತು ಸಹೋದರತ್ವದ ಭಾವನೆಯನ್ನು ಉತ್ತೇಜಿಸಲು ಹಿಂದು ದೇವರುಗಳ ಚಿತ್ರಗಳನ್ನು ಕಾರ್ಡ್‌ಗಳಲ್ಲಿ ಮುದ್ರಿಸಲಾಗಿದೆ. ನಮ್ಮ ಈ ನಡೆ ಹಿಂದು-ಮುಸ್ಲಿಂ ಏಕತೆಯನ್ನು ಬಲಪಡಿಸುತ್ತದೆ ಮತ್ತು ಜನರು ಪರಸ್ಪರರ ಧಾರ್ಮಿಕ ನಂಬಿಕೆಗಳನ್ನು ಗೌರವಿಸುತ್ತಾರೆ ಎಂದು ವಧುವಿನ ತಂದೆ ಶಬ್ಬೀರ್ ಹೇಳಿದ್ದಾರೆ.

ನಿಮ್ಮ ಈ ನಿರ್ಧಾರದ ಬಗ್ಗೆ ನಿಮ್ಮ ಸಮಾಜದ ಬಾಂಧವರು ಏನು ಹೇಳಿದರು ಎಂದು ಶಬ್ಬೀರ್ ಅವರನ್ನು ಪ್ರಶ್ನಿಸಿದಾಗ, ಅದು ನನಗೆ ಮುಖ್ಯವಲ್ಲ. ಸಮಾಜದಲ್ಲಿ ಸಾಂಘಿಕ ಸೌಹಾರ್ದತೆ ಮೂಡಿಸಿ, ಉತ್ತಮ ಸಂದೇಶ ನೀಡುವುದು ನಮ್ಮ ಉದ್ದೇಶವಾಗಿದೆ ಎಂದು ಉತ್ತರಿಸಿದರು. ಶಬ್ಬೀರ್​ ಅವರ ಈ ಮಾತು ಕೇಳಿ ಬಹಳಷ್ಟು ಮಂದಿ ಮೆಚ್ಚಗೆ ವ್ಯಕ್ತಪಡಿಸಿದ್ದಾರೆ. ಈ ಮದುವೆ ಆಮಂತ್ರಣ ಪತ್ರಿಕೆ ನೀಡಿ ನಿಮಗೆ ಏನು ಅನಿಸಿತು ಎಂಬುದನ್ನು ಕಾಮೆಂಟ್​ ಮೂಲಕ ನಮ್ಮೊಂದಿಗೆ ಹಂಚಿಕೊಳ್ಳಿ. (ಏಜೆನ್ಸೀಸ್​)

https://www.vijayavani.net/kasthuri-shankar-sent-my-bikini-pictures-to-a-director-for-main-leads-role

https://www.vijayavani.net/have-you-ever-doubted-this-figure-at-the-petrol-bunk-dont-be-fooled-by-the-scam