VIDEO: ವಿಜಯಪುರ ಜಿಲ್ಲೆಯ ಕ್ವಾರಂಟೈನ್ ಕೇಂದ್ರದಲ್ಲಿ ಅವ್ಯವಸ್ಥೆ- ನೀರಿನ ಪೂರೈಕೆಯೇ ಇಲ್ಲ..

ವಿಜಯಪುರ: ಕರೊನಾ ಸೋಂಕು ಇರುವ ಶಂಕಿತರನ್ನು ಕ್ವಾರಂಟೈನ್ ಇರಿಸುವ ಕೇಂದ್ರಗಳು ಸುಸಜ್ಜಿತವಾಗಿರಬೇಕಾದ್ದು ಅಗತ್ಯ. ಆದರೆ, ವಿಜಯಪುರ ಜಿಲ್ಲೆಯ ಕ್ವಾರಂಟೈನ್ ಕೇಂದ್ರವೊಂದರಲ್ಲಿ ಮೂಲಸೌಕರ್ಯವೇ ಸರಿಯಾಗಿ ಇಲ್ಲ. ನೀರಿನ ಪೂರೈಕೆಯ ಕಡೆಗೆ ಜಿಲ್ಲಾಡಳಿತವೂ ಗಮನಕೊಟ್ಟಿಲ್ಲ ಎಂಬ ದೂರು ಕೇಳಿಬಂದಿದೆ.

ಇದನ್ನೂ ಓದಿ: 1974ರಿಂದ ತಿಮ್ಮಪ್ಪನ 126 ಆಸ್ತಿ ಮಾರಾಟ

ಬಸವನಬಾಗೇವಾಡಿ ತಾಲೂಕಿನ ಟಕ್ಕಳಕಿ ಗ್ರಾಮದ ಹೊರ ಭಾಗದಲ್ಲಿರುವ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿರುವ ಕ್ವಾರಂಟೈನ್ ಕೇಂದ್ರ ಇದಾಗಿದೆ. ಇಲ್ಲಿ ನೀರಿನ ಸೌಲಭ್ಯ ಇಲ್ಲದ ಕಾರಣ ಕ್ವಾರಂಟೈನ್​ಗಾಗಿ ಬಂದವರಿಗೆ ಇದು ಶಿಕ್ಷೆ ಎಂಬಂತಾಗಿದೆ. ಸ್ವಚ್ಛತೆ, ನೈಮರ್ಲ್ಯದ ಕಡೆಗೆ ಹೆಚ್ಚಿನ ಗಮನಹರಿಸಬೇಕು. ಇಲ್ಲದಿದ್ದರೆ ಕೋವಿಡ್ 19 ವೈರಸ್ ಕಾಡುತ್ತದೆ ಎಂದು ಡಂಗೂರ ಸಾರಿರುವ ಸರ್ಕಾರವೇ ಇದೀಗ ಅದರ ಕಡೆಗೆ ಗಮನಹರಿಸದಿರುವುದು ದುರದೃಷ್ಟ ಎಂದು ಕ್ವಾರಂಟೈನ್​ನಲ್ಲಿ ಇರುವವರು ವಿಷಾದ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಎಸ್ಸೆಸ್ಸೆಲ್ಸಿ ಎಕ್ಸಾಂ ಕಸಿವಿಸಿ

ಈ ಕ್ವಾರಂಟೈನ್​ ಕೇಂದ್ರದಲ್ಲಿ ನೀರಿನ ಸಮಸ್ಯೆ ತೀವ್ರವಾಗಿರುವ ಕಾರಣ ಇಲ್ಲಿದ್ದವರು ಬಯಲು ಶೌಚದ ಮೊರೆ ಹೋಗಿದ್ದಅರೆ. ಅಲ್ಲದೆ, ನಿತ್ಯ ಸ್ನಾನ ಇತ್ಯಾದಿಯೂ ಮಾಡುತ್ತಿಲ್ಲ. ಇಲ್ಲಿ ಇರುವವರಲ್ಲಿ ಅನೇಕರು ಕಾರ್ಮಿಕರು. ಅವರು ಕ್ವಾರಂಟೈನ್​ನಲ್ಲಿ ಇರದೇ ಊರೆಲ್ಲ ತಿರುಗಾಡುತ್ತಿದ್ದಾರೆ ಎಂಬ ಆರೋಪವೂ ಇದೆ. ಕ್ವಾರಂಟೈನ್ ಕೇಂದ್ರದಲ್ಲಿ ನಿಗಾ ವ್ಯವಸ್ಥೆಯೂ ಸರಿಯಾಗಿಲ್ಲದಿರುವುದೇ ಇದಕ್ಕೆ ಕಾರಣ ಎನ್ನಲಾಗುತ್ತಿದೆ. ಸರ್ಕಾರ, ಅಧಿಕಾರಿಗಳು ಇನ್ನಾದರೂ ಈ ಕೇಂದ್ರ ಗಮನಹರಿಸುವುದೇ ಎಂಬ ನಿರೀಕ್ಷೆಯಲ್ಲಿದ್ದಾರೆ ಕ್ವಾರಂಟೈನ್ ಕೇಂದ್ರದಲ್ಲಿರುವ ಕಾರ್ಮಿಕರು.

https://www.vijayavani.net/warangal-well-murder-mystry-to-hide-one-murder-bihar-man-kills-entire-family-3-others/