ಗಾಳಿಯಿಂದ ನೀರು ತಯಾರಿಸುತ್ತಿದೆ ಭಾರತದ ಈ ಕಂಪನಿ! ಅದು ಹೇಗೆ ಸಾಧ್ಯ? ಇಲ್ಲಿದೆ ಅಚ್ಚರಿ ಮಾಹಿತಿ... Water From Air

Water From Air : ನಮ್ಮ ಭೂಮಿ ಶೇ. 70 ರಷ್ಟು ನೀರಿನಿಂದ ಕೂಡಿದ್ದರೂ ನಮ್ಮ ಜಗತ್ತು ಮಾತ್ರ ಸಾಕಷ್ಟು ನೀರಿನ ಕೊರತೆಯನ್ನು ಎದುರಿಸುತ್ತಲೇ ಇದೆ. ಕೆಲವು ದೇಶಗಳಲ್ಲಂತೂ ಕುಡಿಯಲು ಕೂಡ ಸಾಕಷ್ಟು ನೀರಿಲ್ಲ. ಬರದಿಂದ ತತ್ತರಿಸುತ್ತಿರುವ ಸಾಕಷ್ಟು ಭೂಭಾಗಗಳಿವೆ. ಅಲ್ಲಿ, ಹನಿ ಹನಿ ನೀರಿಗೂ ಹಾಹಾಕಾರ ಎದುರಿಸಬೇಕಾಗಿದೆ. ಹೀಗಿರುವಾಗ ಖುಷಿಯ ವಿಚಾರವೊಂದು ಹೊರಬಿದ್ದಿದೆ.

ಹೌದು, ಗಾಳಿಯಿಂದ ನೀರನ್ನು ಉತ್ಪಾದಿಸುವ ತಂತ್ರಜ್ಞಾನ ಸದ್ಯದಲ್ಲೇ ಲಭ್ಯವಾಗುವ ಹಂತದಲ್ಲಿದೆ. ವಾಸ್ತವವೆಂದರೆ ಭಾರತೀಯ ಕಂಪನಿ "ಅಕ್ವಾ" ಗಾಳಿಯಿಂದ ನೀರನ್ನು ಹೊರತೆಗೆಯುವ ನವೀನ "ವಾತಾವರಣ ನೀರಿನ ಜನರೇಟರ್‌ ( Atmospheric Water Generation )" ಅನ್ನು ಅಭಿವೃದ್ಧಿಪಡಿಸಿದೆ. ನೈಸರ್ಗಿಕ ಸಾಂದ್ರೀಕರಣ ಪ್ರಕ್ರಿಯೆಯ ಮೂಲಕ, ಈ ಯಂತ್ರಗಳು ಶುದ್ಧ ಕುಡಿಯುವ ನೀರನ್ನು ಉತ್ಪಾದಿಸುತ್ತವೆ. ಸಾಂಪ್ರದಾಯಿಕ ನೀರಿನ ಮೂಲಗಳ ಬದಲಿಗೆ ಹೊಸ ವಿಧಾನದ ಮೂಲಕ ಅವು ನೀರನ್ನು ಒದಗಿಸುತ್ತವೆ.

ಈ ನೀರಿನ ಜನರೇಟರ್​ಗಳು ಪ್ರಕೃತಿಯಲ್ಲಿ ನೀರಿನ ಆವಿಯಂತೆಯೇ ಘನೀಕರಣದ ತತ್ವದ ಮೇಲೆ ಕಾರ್ಯನಿರ್ವಹಿಸುತ್ತವೆ. ಅಂದರೆ, ಧೂಳು ಮತ್ತು ಕಲ್ಮಶಗಳನ್ನು ತೆಗೆದುಹಾಕುವ ಮೂರು ಪದರದ ಶೋಧನೆ ವ್ಯವಸ್ಥೆಯ ಮೂಲಕ ವಾತಾವರಣದಿಂದ ಗಾಳಿಯನ್ನು ಸೆಳೆಯುವುದರೊಂದಿಗೆ ಪ್ರಕ್ರಿಯೆಯು ಪ್ರಾರಂಭವಾಗುತ್ತದೆ. ಶುದ್ಧೀಕರಿಸಿದ ಗಾಳಿಯನ್ನು ಒಂದು ಕಂಡೆನ್ಸರ್‌ನಲ್ಲಿ ತಂಪಾಗಿಸಲಾಗುತ್ತದೆ. ತೇವಾಂಶವು ತಣ್ಣಗಾಗುತ್ತದೆ ಮತ್ತು ಸಣ್ಣ ನೀರಿನ ಹನಿಗಳಾಗಿ ಬದಲಾಗುತ್ತದೆ. ಅಂತಿಮ ಹಂತದಲ್ಲಿ, ಉತ್ಪಾದಿಸಿದ ನೀರು ಬಳಕೆಗೆ ಸಿದ್ಧವಾಗುತ್ತದೆ.

ಇದನ್ನೂ ಓದಿ: ಏಲಿಯನ್​​ ಅಥವಾ ಮತ್ಸ್ಯಕನ್ಯೆ? ಸಮುದ್ರ ತೀರದಲ್ಲಿ ವಿಚಿತ್ರ ಆಕೃತಿಯನ್ನು ಕಂಡು ದಂಗಾದ ದಂಪತಿ! Alien

ಈ ಹೊಸ ತಂತ್ರಜ್ಞಾನವು ಬೆಚ್ಚಗಿನ, ಆರ್ದ್ರ ವಾತಾವರಣವಿರುವ ಕರಾವಳಿ ಪ್ರದೇಶಗಳಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ, ಅಂದರೆ 21C ಮತ್ತು 32C ನಡುವಿನ ತಾಪಮಾನ ಮತ್ತು 40% ಕ್ಕಿಂತ ಹೆಚ್ಚಿನ ಆರ್ದ್ರತೆಯ ಮಟ್ಟಗಳಲ್ಲಿ ಚೆನ್ನಾಗಿ ಕೆಲಸ ಮಾಡುತ್ತವೆ. ಕಡಿಮೆ ಆರ್ದ್ರತೆಯ ಪರಿಸರದಲ್ಲಿ ನಮ್ಮ ಸಿಸ್ಟಮ್ಸ್​, ನೀರನ್ನು ಹೊರತೆಗೆಯಲು ಸುಧಾರಿತ ಕಂಡೆನ್ಸರ್‌ಗಳು ಮತ್ತು ಸ್ಮಾರ್ಟ್ ಅಲ್ಗಾರಿದಮ್‌ಗಳನ್ನು ಬಳಸುತ್ತವೆ ಎಂದು ಅಕ್ವಾದ ಸಿಇಒ ನವಕರಣ್ ಸಿಂಗ್ ಭಗ್ಗಾ ಹೇಳಿದ್ದಾರೆ.

ಅಂದಹಾಗೆ ಭೂಮಿಯ ವಾತಾವರಣದಲ್ಲಿ 3100 ಘನ ಮೈಲುಗಳಷ್ಟು ನೀರಿನ ಆವಿ ಇದೆ ಎಂದು ಅಂದಾಜಿಸಲಾಗಿದೆ. ಈ ನೀರಿನ ಜನರೇಟರ್​ಗಳು ನೀರನ್ನು ಉತ್ಪಾದಿಸಲು ನೈಸರ್ಗಿಕ ನೀರಿನ ಚಕ್ರವನ್ನು ಬಳಸುತ್ತವೆ. ಅನೇಕ ಜನರು ಅಂತರ್ಜಲವನ್ನು ಹೊರತೆಗೆಯುವ ನೈಸರ್ಗಿಕ ಪ್ರಕ್ರಿಯೆಯಾದ ಉಪ್ಪುನೀರಿನ ಶುದ್ಧೀಕರಣಕ್ಕಿಂತ ಹೆಚ್ಚಾಗಿ ವಾತಾವರಣದಿಂದ ನೀರನ್ನು ಉತ್ಪಾದಿಸುವ ಕಲ್ಪನೆಯ ಬಗ್ಗೆ ಸದ್ಯ ಮಾತನಾಡುತ್ತಿದ್ದಾರೆ. ಈ ಹೊಸ ತಂತ್ರಜ್ಞಾನವೇನಾದರೂ ಲಭ್ಯವಾದರೆ, ನೀರಿನ ಕೊರತೆ ಪರಿಹಾರವಾಗುವುದರಲ್ಲಿ ಯಾವುದೇ ಸಂದೇಹವೇ ಇಲ್ಲ. (ಏಜೆನ್ಸೀಸ್​)

https://www.vijayavani.net/these-are-the-women-born-with-intelligence-is-your-zodiac-signs-one-of-these

https://www.vijayavani.net/richest-comedian-you-will-be-shocked-to-know-who-the-richest-comedian-in-the-country-is