ಸೂಚನಾ ಫಲಕ ಅಳವಡಿಸದಿರುವುದೇ ಅಪಘಾತಕ್ಕೆ ಕಾರಣ?

ಕೋಲಾರ/ಬಂಗಾರಪೇಟೆ: ಬೆಂಗಳೂರು-ಚೆನ್ನೈ ಕಾರಿಡಾರ್​ನಲ್ಲಿ ಸೋಮವಾರ ಸಂಭವಿಸಿದ ಅಪಘಾತಕ್ಕೆ ಹೆದ್ದಾರಿ ಪ್ರಾಧಿಕಾರದವರ ನಿರ್ಲಕ್ಷ್ಯವೇ ಕಾರಣ ಎಂಬ ಆರೋಪ ವ್ಯಕ್ತವಾಗಿದೆ.

ಕಾರ್ಯಕ್ರಮವೊಂದಕ್ಕೆ ಅಡುಗೆ ಮಾಡಲು ಆಗಮಿಸಿದ್ದ ಬೆಂಗಳೂರಿನ ಗಿರಿನಗರದ ಖಾಸಗಿ ಕ್ಯಾಟರಿಂಗ್​ನ 25 ಮಂದಿ ಕೆಲಸ ಮುಗಿಸಿ ವಾಪಸ್​ ತೆರಳಬೇಕಾದರೆ ಬಂಗಾರಪೇಟೆ ತಾಲೂಕಿನ ಕಲ್ಕೇರಿ ಸಮೀಪ ಕಾರಿಡಾರ್​ ರಸ್ತೆ ಎನ್​ಎ&7ನಲ್ಲಿ ಅಪಘಾತ ಸಂಭವಿಸಿ ಮೂವರು ಮೃತಪಟ್ಟಿದ್ದು, 22 ಮಂದಿ ಗಾಯಗೊಂಡಿದ್ದಾರೆ.

ಹೆದ್ದಾರಿಯಲ್ಲಿ ಅಪಘಾತಗಳು ಅಥವಾ ಯಾವುದೇ ಅನಾಹುತ ಸಂಭವಿಸಿದಾಗ ತುರ್ತು ಸಂದರ್ಭದಲ್ಲಿ ಆಂಬುಲೆನ್ಸ್​ ಹೋಗಲು ಹೆದ್ದಾರಿಯಲ್ಲಿ ಆಯ್ದ ಕಡೆಗಳಲ್ಲಿ ಅವಕಾಶ ಮಾಡಿಕೊಡಬೇಕು. ಆದರೆ, ಆಂಬುಲೆನ್ಸ್​ ಹೋಗುವ ಜಾಗವನ್ನೇ ಗಣ್ಯರು ಕಾರ್ಯಕ್ರಮಕ್ಕೆ ಹೋಗಿ ಬರಲು ಉಪಯೋಗಿಸಲಾಗಿತ್ತು. ಅದೇ ಜಾಗದಲ್ಲಿ ಕ್ಯಾಟರಿಂಗ್​ ಟೆಂಪೋ ಚಾಲಕ ಬೆಂಗಳೂರಿನ ಕಡೆಗೆ ಹೋಗಲು ತಿರುವು ಪಡೆಯುತ್ತಿದ್ದಾಗ ತಮಿಳುನಾಡು ಕಡೆಯಿಂದ ಬೆಂಗಳೂರು ಕಡೆಗೆ ಚಲಿಸುತ್ತಿದ್ದ ಸರಕು ಸಾಗಣೆ ವಾಹನ ಹಿಂಬರಿಯಿಂದ ಡಿಕ್ಕಿಯಾಗಿದೆ. ಸೂಚನಾ ಲಕ ಅಳವಡಿಸದೆ ಇರುವುದು ಅಪಘಾತಕ್ಕೆ ಕಾರಣವಾಗಿದೆ ಎಂಬ ಆರೋಪ ಕೇಳಿಬಂದಿದೆ.

ಟೆಂಪೋಚಾಲಕ ಶಿವರಾಜ್​, ಆಂಬುಲೆನ್ಸ್​ ಚಾಲಕ ವಿಕ್ರಮ್​ ಪಾಲ್​ ಸಿಂಗ್​ ಬಂಗಾರಪೇಟೆ ಸರ್ಕಾರಿ ಆಸ್ಪತ್ರೆಯಲ್ಲಿ ಹಾಗೂ ಭದ್ರತಾ ಸಿಬ್ಬಂದಿ ಸುರೇಂದ್ರ ಕೋಲಾರದ ಆರ್​.ಎಲ್​.ಜಾಲಪ್ಪ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಇದೇ ಜಾಗದಲ್ಲಿ ಸ್ವಲ್ಪ ದೂರದಲ್ಲಿ ನಿಲ್ಲಿಸಿದ್ದ ಆಂಬುಲೆನ್ಸ್​ಗೆ ಟೆಂಪೋ ಗುದ್ದಿದ್ದು ಆಂಬುಲೆನ್ಸ್​ ಚಾಲಕನ ಸಾವಿಗೆ ಕಾರಣವಾಗಿವೆ. ಸರಕು ಸಾಗಣೆ ವಾಹನ ಚಾಲಕನ ವಿರುದ್ಧ ದೂರು ದಾಖಲಾಗಿದೆ.

ಗಾಯಾಳುಗಳು

ಕುಂದಾಪುರ ಗಣೇಶ್​, ಕುಂದಾಪುರ ಪೃಥ್ವಿರಾಜ್​, ಸೊರಭ ಗಜೇಂದ್ರ, ಕೊಲ್ಲೂರು ದೀಲಿಪ್​, ಉಡುಪಿ ಅಶೋಕ್​, ಉಡುಪಿ ವಿಜಯ ಕುಮಾರ್​, ಕುಂದಾಪುರ ಸುಭಾಷ್​.ಸುಂದರಮ್ಮ, ದಿನೇಶ್​, ರಾಜೇಶ್ವರಿ, ಮನೋಹರ್​, ವಸಂತ, ಮಾರಮ್ಮ, ಕಂಚನಾ, ಕೃಷ್ಣ, ತಿಪ್ಪೇಸ್ವಾಮಿ, ಸುಭಾಷ್​, ಮುತ್ತುರಾಜ್​, ಹರೀಶ್​, ವಿಜಯ್​ ಕುಮಾರ್​, ಅಕ್ಷಯ್​, ಕುಮಾರ್​, ಶಕುಂತಲ.ಗಾಯಗೊಂಡಿರುವ ಪೈಕಿ ಬಹುತೇಕರು ಕುಂದಾಪುರ, ಉಡುಪಿ, ಬೆಂಗಳೂರು ಹಾಗೂ ತಮಿಳುನಾಡು ಮೂಲದವರು ಎಂದು ತಿಳಿದು ಬಂದಿದ್ದು, ಬಂಗಾರಪೇಟೆ, ಕೆಜಿಎ್​, ಕೋಲಾರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಗಾಯಾಳುಗಳೇ ಸಂಬಂಧಿಕರಿಗೆ ದೂರವಾಣಿ ಮೂಲಕ ಮಾಹಿತಿ ನೀಡಿದ್ದು, ಕೆಲವರು ಈಗಾಗಲೇ ಆಗಮಿಸಿದ್ದು, ಇನ್ನು ಕೆಲವರು ಬರುತ್ತಿದ್ದಾರೆ.