ಕೋಚಿಂಗ್​​ ಸೆಂಟರ್​ನಲ್ಲಿ ಫೈಟ್​​; ಚಪ್ಪಲಿಯಲ್ಲಿ ಹೊಡೆದಾಡಿಕೊಂಡ ವಿದ್ಯಾರ್ಥಿಗಳು | Viral Video

ಕೋಚಿಂಗ್ ಸೆಂಟರ್‌ನಲ್ಲಿ ವಿದ್ಯಾರ್ಥಿಗಳಿಬ್ಬರ ಜಗಳದ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video)​ ಆಗುತ್ತಿದೆ. ತರಗತಿಯೊಳಗೆ ಇಬ್ಬರು ಹುಡುಗರ ನಡುವಿನ ಹೊಡೆದಾಟವನ್ನು ಇಡೀ ತರಗತಿಯು ಆನಂದಿಸುತ್ತಿದೆ. ಕೋಚಿಂಗ್ ಕ್ಲಾಸ್​ಗಳು ಶಿಕ್ಷಣಕ್ಕಾಗಿಯೇ ಇದ್ದರೂ ಇಲ್ಲಿ ಅದು ಕುಸ್ತಿ ಮೈದಾನವಾಗಿ ಮಾರ್ಪಾಡಾಗಿದೆ. ಅಲ್ಲಿ ಇಬ್ಬರು ಹುಡುಗರು ಒಬ್ಬರಿಗೊಬ್ಬರು ಕಪಾಳಮೋಕ್ಷ ಮತ್ತು ಚಪ್ಪಲಿಯಿಂದ ಹಲ್ಲೆ ನಡೆಸುತ್ತಿರುವುದು ಕಂಡುಬಂದಿದೆ.

ಇದನ್ನು ಓದಿ: ಜನರನ್ನು ಕುತೂಹಲದಿಂದ ನೋಡುತ್ತಿರುವ ಗೂಬೆ; ಈ ಪೋಸ್ಟನ್ನು ಇದುವರೆಗೂ ಎಷ್ಟು ಮಂದಿ ವೀಕ್ಷಿಸಿದ್ದಾರೆ ಗೊತ್ತಾ? | VIral Video

ವೈರಲ್​ ವಿಡಿಯೋದಲ್ಲಿ ಒಬ್ಬ ಹುಡುಗ ಇನ್ನೊಬ್ಬ ವಿದ್ಯಾರ್ಥಿಯನ್ನು ಹಿಡಿದಿದ್ದಾನೆ. ಆದರೆ ಎದ್ದ ತಕ್ಷಣ ಆ ವಿದ್ಯಾರ್ಥಿ ಎದುರಿಗಿದ್ದವನ ಮೇಲೆ ನಿರಂತರವಾಗಿ ಚಪ್ಪಲಿಯಲ್ಲಿ ಹೊಡೆಯುತ್ತಾನೆ. ಇಬ್ಬರು ವಿದ್ಯಾರ್ಥಿಗಳ ನಡುವೆ ಹೊಡೆದಾಡುವುದು ಆರಂಭವಾಗುತ್ತದೆ. ಅಷ್ಟರಲ್ಲಿ ಕಪಾಳಮೋಕ್ಷ ಮಾಡಿದ ಹುಡುಗ ತಳ್ಳಿಕೊಂಡು ಸೀಟಿನಲ್ಲಿ ಕೂರುತ್ತಾನೆ. ನಂತರ ಮತ್ತೆ ಎದ್ದು ಎದುರಿನ ಹುಡುಗನ ಜೊತೆ ಜಗಳವಾಡುತ್ತಾನೆ.

ಇಬ್ಬರು ವಿದ್ಯಾರ್ಥಿಗಳ ನಡುವಿನ ಜಗಳದ ಸಮಯದಲ್ಲಿ ತರಗತಿಯಲ್ಲಿದ್ದ ಇತರೆ ವಿದ್ಯಾರ್ಥಿಗಳು ಕ್ರಿಕೆಟ್ ಪಂದ್ಯ ನೋಡುವುದಕ್ಕಿಂತ ಹೆಚ್ಚು ಸಂಭ್ರಮದಲ್ಲಿ ಇವರ ಜಗಳವನ್ನು ನೋಡುತ್ತಿದ್ದಾರೆ. ಜಗಳವಾಡುತ್ತಿರುವ ಹುಡುಗರನ್ನು ಪರಸ್ಪರ ಬೇರ್ಪಡಿಸುವ ಬದಲು ವೀಡಿಯೊಗಳನ್ನು ರೆಕಾರ್ಡ್ ಮಾಡುವಾಗ ಲೈವ್ ಕಾಮೆಂಟರಿ ಮಾಡುವುದನ್ನು ಕೇಳಬಹುದು. ಇದರೊಂದಿಗೆ ಸುಮಾರು 24 ಸೆಕೆಂಡುಗಳ ಈ ಕ್ಲಿಪ್ ಕೊನೆಗೊಳ್ಳುತ್ತದೆ.

ವಿಡಿಯೋ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. ಬ್ರದರ್ ಕೋಚಿಂಗ್ ಇನ್‌ಸ್ಟಿಟ್ಯೂಟ್‌ನಲ್ಲಿ ಪಠ್ಯಕ್ರಮದ ಜತೆಗೆ ಆಕ್ಷನ್ ಸಹ ನಡೆಯುತ್ತಿವೆ!, ಈಗ ನೀವು ಪ್ರವೇಶ ಶುಲ್ಕದೊಂದಿಗೆ ಪಾಪ್‌ಕಾರ್ನ್ ಖರೀದಿಸಬೇಕಾಗುತ್ತದೆ!, ಇದು ತಪ್ಪು, ಇಷ್ಟು ದುಬಾರಿ ಕೋಚಿಂಗ್‌ನಿಂದ ಕನಿಷ್ಠ ಶೂ ಧರಿಸಿ ಹೊಡೆದಾಡಬೇಕಿತ್ತು, ಅಧ್ಯಯನದ ಹೊರತಾಗಿ ಎಲ್ಲವೂ ಇಲ್ಲಿ ಲಭ್ಯ, ಚಪ್ಪಲಿಯನ್ನು ಸಂಪೂರ್ಣವಾಗಿ ಬಳಸುತ್ತಿದ್ದಾರೆ, ಅವರ ತಾಯಿಯೂ ಇಲ್ಲಿಂದಲೇ ಕೋಚಿಂಗ್ ತೆಗೆದುಕೊಂಡಿರಬೇಕು ಎಂದು ಕಾಮೆಂಟ್​ ಮಾಡುತ್ತಿದ್ದಾರೆ.

https://www.vijayavani.net/viral-video-police-constables-heroic-move-saves-life-of-a-passenger-falling-off-a-moving-train