ಕಾಲೇಜಿನಲ್ಲಿ ಇಬ್ಬರು ವಿದ್ಯಾರ್ಥಿಗಳ ಅಪಾಯಕಾರಿ ಸ್ಟಂಟ್​​; Viral Video ನೋಡಿ ನೆಟ್ಟಿಗರು ಕಿಡಿ

ಇಸ್ಲಾಮಾಬಾದ್​​: ಶೈಕ್ಷಣಿಕ ಜೀವನದಲ್ಲಿ ವಿದ್ಯಾರ್ಥಿಗಳು ವಿದ್ಯಾಭ್ಯಾಸದ ಜತೆಗೆ ಮೋಜು ಮಸ್ತಿ ಮಾಡುವುದು ಸಹಜ. ಆದರೆ ಯಾವುದೇ ರೀತಿಯ ತೊಂದರೆಯಾಗದಂತೆ ಎಚ್ಚರ ವಹಿಸಬೇಕಾಗಿರುವುದು ಮುಖ್ಯವಾಗುತ್ತದೆ. ಆದರೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​(Viral Video) ಆಗುತ್ತಿರುವ ವಿಡಿಯೋ ಹುಡುಗರ ಅಪಾಯಕಾರಿ ಸ್ಟಂಟ್​ಗೆ ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ.

ಇದನ್ನು ಓದಿ: ಕಾಫಿ ತಯಾರಿಸಲು ಹೊಲಿಗೆಯಂತ್ರ ಬಳಕೆ; 1 ಕೋಟಿಗೂ ಹೆಚ್ಚು ಮಂದಿ ಮೆಚ್ಚಿದ Video Viral

ವೈರಲ್​ ವಿಡಿಯೋದಲ್ಲಿ ಇಬ್ಬರು ವಿದ್ಯಾರ್ಥಿಗಳು ಇದ್ದಕ್ಕಿದ್ದಂತೆ ಹಿಂದಿನಿಂದ ಬಂದು ಮುಂದಿರುವ ಮತ್ತೊಬ್ಬ ವಿದ್ಯಾರ್ಥಿಯ ಕುತ್ತಿಗೆ ಬಳಿಗೆ ತಮ್ಮ ಕೈಗಳನ್ನು ಹಾಕಿ ಅವನನ್ನು ಸಂಪೂರ್ಣವಾಗಿ ತಿರುಗಿಸುವುದನ್ನು ನೋಡಬಹುದು. ಈ ವಿಡಿಯೋದಲ್ಲಿ ಬಲಿಪಶುವಂತೆ ಅವರು ಕೈಗೆ ಸಿಕ್ಕ ವಿದ್ಯಾರ್ಥಿಗಳು ಈ ಸ್ಟಂಟ್​ ಮಾಡುವ ವೇಳೆ ಮತ್ತೆ ಎದ್ದು ನಿಲ್ಲುವ ಬದಲು ನೆಲದ ಮೇಲೆ ಬೀಳುವುದನ್ನು ಕಾಣಬಹುದು.

ಈ ವಿಡಿಯೋ ಪಾಕಿಸ್ತಾನದ ಲಾಹೋರ್‌ನಲ್ಲಿರುವ ಸುಪೀರಿಯರ್ ವಿಶ್ವವಿದ್ಯಾನಿಲಯದಿಂದ ಬಂದಿದೆ ಎನ್ನಲಾಗಿದೆ. ಸುಮಾರು 31 ಸೆಕೆಂಡ್​​ ಇರುವ ಈ ವಿಡಿಯೋವನ್ನು ಇದುವರೆಗೂ 5 ಕೋಟಿಗೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ. 29 ಲಕ್ಷಕ್ಕೂ ಹೆಚ್ಚು ಮಂದಿ ಲೈಕ್​ ಮಾಡಿದ್ದಾರೆ. ಹಲವರು ಟೀಕಿಸಿದ್ದಾರೆ.

ಇದು ಯಾವ ಅಜ್ಞಾನ? ನೀನು ಮಾಡುತ್ತಿರುವುದು ತಮಾಷೆಯಲ್ಲ ಮಾರಕ, ಈ ಸಾಹಸದಿಂದ ನೀವು ಬೇರೆಯವರ ಬೆನ್ನುಮೂಳೆಯನ್ನು ಮುರಿಯಬಹುದು, ಯಾರಾದರೂ ನನಗೆ ಹೀಗೆ ಮಾಡಿದ್ದರೆ ಅವನು ಸ್ವರ್ಗದಲ್ಲಿರುತ್ತಿದ್ದ ನಾನು ಜೈಲಿನಲ್ಲಿರುತ್ತಿದ್ದೆ, ಕಾಲೇಜಿನಲ್ಲಿ ಅಪ್ಪಿತಪ್ಪಿಯೂ ಇಂತಹ ಮೋಜು ಮಸ್ತಿ ಮಾಡಬೇಡಿ ಎಂದು ಕಾಮೆಂಟ್ ಮಾಡಿದ್ದಾರೆ.(ಏಜೆನ್ಸೀಸ್​)

https://www.vijayavani.net/viral-video-woman-dance-performance-on-aaj-ki-raat-song-goest-viral