ಪೊಲೀಸ್​​ ಕಾನ್​ಸ್ಟೇಬಲ್ ಸಮಯಪ್ರಜ್ಞೆಗೆ ಉಳಿಯಿತು ಜೀವ; ವಿಡಿಯೋ ನೋಡಿ ನೆಟ್ಟಿಗರ ಶ್ಲಾಘನೆ | Viral VIdeo

ಗಾಂಧಿನಗರ: ಗುಜರಾತ್​ನಲ್ಲಿ ಚಲಿಸುತ್ತಿದ್ದ ರೈಲು ಹತ್ತುವಾಗ ಪ್ರಯಾಣಿಕರೊಬ್ಬರು ಕಾಲುಜಾರಿ ಕೆಳಗಿ ಬೀಳುತ್ತಾರೆ. ರೈಲಿನ ಕೆಳಗೆ ಬಿದ್ದು ಆ ವ್ಯಕ್ತಿಯು ನಜ್ಜುಗುಜ್ಜಾಗಬೇಕಿತ್ತು. ಆದರೆ ಪೊಲೀಸ್​​ ಕಾನ್​ಸ್ಟೇಬಲ್​ ಅವರ ಸಮಯಪ್ರಜ್ಞೆಯಿಂದ ಆ ವ್ಯಕ್ತಿ ಬಚಾವ್​ ಆಗಿದ್ದಾರೆ. ಸದ್ಯ ಈ ವಿಡಿಯೋ (Viral VIdeo)ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು ಸಾಕಷ್ಟು ಮೆಚ್ಚುಗೆಯನ್ನು ಪಡೆಯುತ್ತಿದೆ.

ಇದನ್ನು ಓದಿ: ಸಚಿವಾಲಯದ 3ನೇ ಮಹಡಿಯಿಂದ ಜಿಗಿದ ಡೆಪ್ಯುಟಿ ಸ್ಪೀಕರ್​; ಕೋಪದ ಹಿಂದಿನ ಕಾರಣ ಇದೇ ನೋಡಿ.. | Narhari Jhirwal

ಅಲ್ಪೇಶ್ ಚೌಹಾಣ್ ಎಂಬ ವ್ಯಕ್ತಿ ವಾಪಿಯಿಂದ ಭರೂಚ್‌ನಲ್ಲಿರುವ ತನ್ನ ಮನೆಗೆ ಪ್ರಯಾಣಿಸುತ್ತಿದ್ದಾಗ ಈ ಘಟನೆ ಸಂಭವಿಸಿದೆ. ಸ್ಥಳದಲ್ಲಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಘಟನೆಯ ದೃಶ್ಯವಳಿ ರೆಕಾರ್ಡ್​ ಆಗಿದೆ. ವೈರಲ್​ ವಿಡಿಯೋದಲ್ಲಿ ರೈಲು ನಿಲ್ದಾಣದಲ್ಲಿ ಚಲಿಸುತ್ತಿದ್ದ ರೈಲಿಗೆ ಹತ್ತುವಾಗ ರೈಲು ಮತ್ತು ಪ್ಲಾಟ್​ಫಾರ್ಮ್​ ನಡುವಿನ ಅಂತರದಿಂದ ಕೆಳಗೆ ಬಿದ್ದಿದ್ದಾರೆ. ಸಮೀಪದಲ್ಲಿಯೇ ನಿಂತಿದ್ದ ಪೊಲೀಸ್ ಕಾನ್​ಸ್ಟೇಬಲ್​​ ಯೋಗೇಶ್ ಜಗುಭಾಯ್ ಅವರು ಕೂಡಲೇ ಆತನನ್ನು ಹೊರತೆಗೆದಿದ್ದಾರೆ. ಗುಜರಾತ್ ಪೊಲೀಸರು ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಹಾಗೂ ಕಾನ್​ಸ್ಟೇಬಲ್​ ಅವರ ಕೆಲಸವನ್ನು ಶ್ಲಾಘಿಸಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. ಸೆಲ್ಯೂಟ್​, ಗುಡವರ್ಕ್​​, ಪೊಲೀಸ್ ಕಾವಲು ಇಲ್ಲದ ಸ್ಥಳವಿಲ್ಲ ನಿಮಗೆ ಸೆಲ್ಯೂಟ್ ಬ್ರದರ್​, ನನಗಿರುವುದು ಒಂದೇ ಹೃದಯ ಗುಜರಾತ್ ಪೊಲೀಸರು ಎಷ್ಟು ಬಾರಿ ಗೆಲ್ಲುತ್ತಾರೆ, ಗುಜರಾತ್ ಪೊಲೀಸರ ಬಗ್ಗೆ ಹೆಮ್ಮೆ ಇದೆ ಎಂದು ಕಾಮೆಂಟ್​ ಮಾಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/fact-check-did-benjamin-netanyahu-run-into-a-bunker-during-irans-missile-attack