‘ಛಾವಾ’ ನೋಡಲು ಸಂಭಾಜಿ ಮಹಾರಾಜ್ ಗೆಟಪ್​​ನಲ್ಲಿ ಕುದುರೆ ಏರಿ ಬಂದ ವ್ಯಕ್ತಿ; Viral Video ನೋಡಿ ನೆಟ್ಟಿಗರು ಹೇಳಿದ್ದು ಹೀಗೆ..

ಛತ್ರಪತಿ ಶಿವಾಜಿ ಮಹಾರಾಜರ ಹಿರಿಯ ಪುತ್ರ ಸಂಭಾಜಿ ಮಹಾರಾಜರು 1657ರ ಮೇ 14 ರಂದು ಜನಿಸಿದರು. 31ನೇ ವಯಸ್ಸಿನಲ್ಲಿ 1689ರ ಮಾರ್ಚ್ 11 ರಂದು ಔರಂಗಜೇಬನಿಂದ ಕೊಲ್ಲಲ್ಪಟ್ಟರು. ಸಂಭಾಜಿ ಮಹಾರಾಜ ಮತ್ತು ಔರಂಗಜೇಬನ ನಡುವಿನ ಯುದ್ಧವು ಇತಿಹಾಸದಲ್ಲಿ ಇನ್ನೂ ಪ್ರಸಿದ್ಧವಾಗಿದೆ. ಅವರು ಮೊಘಲರಿಗೆ ಶರಣಾಗುವ ಬದಲು ಹೋರಾಡಲು ಆರಿಸಿಕೊಂಡರು ಮತ್ತು ತಮ್ಮ ಕೊನೆಯ ಉಸಿರಿನವರೆಗೂ ಸ್ವರಾಜ್ಯಕ್ಕಾಗಿ ಹೋರಾಡಿ ಹುತಾತ್ಮರಾದರು.(Viral Video)

ಇದನ್ನು ಓದಿ: ಅದೃಷ್ಟವಶಾತ್​ ಬಚಾವ್​ ಆದ್ ಬೈಕ್‌ನಲ್ಲಿ ಟ್ರಿಪಲ್ ರೈಡಿಂಗ್​​ ಮಾಡುತ್ತಿದ್ದ ಹುಡುಗರು; Viral Video ನೋಡಿ ನೆಟ್ಟಿಗರು ಹೇಳಿದ್ದೀಗೆ..

ಈ ಐತಿಹಾಸಿಕ ಘಟನೆಯನ್ನು ಆಧರಿಸಿದ 'ಛಾವಾ' ಸಿನಿಮಾ ಬಿಡುಗಡೆಯಾಗಿರುವುದು ಗೊತ್ತೆ ಇದೆ. ಇದರಲ್ಲಿ ವಿಕ್ಕಿ ಕೌಶಲ್ ಸಂಭಾಜಿ ಮಹಾರಾಜ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಅವರ ಪತ್ನಿ ಯೇಸುಬಾಯಿ ಭೋಸಲೆ ಪಾತ್ರವನ್ನು ನಿರ್ವಹಿಸಿದ್ದಾರೆ. ಸದ್ಯ ಈ ಸಿನಿಮಾವನ್ನು ನೋಡಲು ಥಿಯೇಟರ್‌ಗೆ ವ್ಯಕ್ತಿಯೊಬ್ಬರು ಬಂದಿರುವ ರೀತಿಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ವೈರಲ್ ಆಗಿರುವ ವಿಡಿಯೋದಲ್ಲಿ ಸಂಭಾಜಿ ಮಹಾರಾಜ್ ವೇಷ ಧರಿಸಿದ ವ್ಯಕ್ತಿಯೊಬ್ಬರು ಕುದುರೆಯ ಮೇಲೆ ಕುಳಿತು ಸಿನಿಮಾ ಥಿಯೇಟರ್‌ಗೆ ಪ್ರವೇಶಿಸುತ್ತಿದ್ದಾರೆ. ಇದನ್ನು ನೋಡಿ ತಮ್ಮ ಆಸನಗಳಲ್ಲಿ ಕುಳಿತಿದ್ದ ಪ್ರೇಕ್ಷಕರು ಕೂಡ ಆಘಾತಕ್ಕೊಳಗಾಗಿ ಎದ್ದೇಳುತ್ತಾರೆ. ಜನರು ಈ ಕ್ಷಣವನ್ನು ತಮ್ಮ ಕ್ಯಾಮೆರಾಗಳಲ್ಲಿ ಸೆರೆಹಿಡಿಯಲು ಪ್ರಾರಂಭಿಸುತ್ತಾರೆ. ಈ ವಿಡಿಯೋ ನೋಡಿದ ಕೆಲವರು ಆರಂಭದಲ್ಲಿ ವಿಕ್ಕಿ ಕೌಶಲ್ ಬಂದಿರಬಹುದು ಎಂದು ಭಾವಿಸುತ್ತಾರೆ. ನಂತರ ಅವರಿಗೆ ಸತ್ಯದ ಅರಿವಾಗುತ್ತದೆ. ಇದರ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿವೆ.

ಈ ವಿಡಿಯೋವನ್ನು ಇದುವರೆಗೂ 5 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದು, ಹಲವರು ಪ್ರತಿಕ್ರಿಯಿಸಿದ್ದಾರೆ, ವಿಶೇಷ 'ರಾಯಲ್ ಎಂಟ್ರಿ' ಟಿಕೆಟ್ ಇತ್ತೇ? ಅಥವಾ ಅವರು 'ಛತ್ರಪತಿ ಜೀ' ಪಾಸ್‌ನೊಂದಿಗೆ ಬಂದಿದ್ದಾರೆಯೇ? ಉಳಿದವರನ್ನು ಕಾಲ್ನಡಿಗೆಯಲ್ಲಿ ಬಿಟ್ಟು ಹೋದರೇ?, ನೀವು ಆಹಾರವನ್ನು ಒಳಗೆ ತೆಗೆದುಕೊಂಡು ಹೋಗಲು ಸಾಧ್ಯವಿಲ್ಲ ಉಳಿದೆಲ್ಲವೂ ಸರಿಯಾಗಿದೆ, ಭೂತಕಾಲವನ್ನು ವೈಭವೀಕರಿಸುವುದಕ್ಕೂ ವರ್ತಮಾನದಲ್ಲಿ ಅಂತಹ ಕೆಲಸಗಳನ್ನು ಮಾಡುವುದಕ್ಕೂ ವ್ಯತ್ಯಾಸವಿದೆ ಎಂದು ಕಾಮೆಂಟ್​ ಮಾಡಿದ್ದಾರೆ.

https://www.vijayavani.net/viral-video-woman-making-reel-on-running-train-by-hanging-on-gate-video-goes-viral