ಆಟೋ ಮೀಟರ್​​ ಅಸಲಿಯೋ.. ನಕಲಿಯೋ; ತಿಳಿದುಕೊಳ್ಳಲು ಪೊಲೀಸರು ನೀಡಿದ ಟ್ರಿಕ್ಸ್​​ ಹೀಗಿದೆ.. | Viral Video

ಮುಂಬೈ: ಆಟೋದಲ್ಲಿ ಪ್ರಯಾಣಿಸುವಾಗ ಜನರ ಕಣ್ಣು ಮೀಟರ್ ಮೇಲೆಯೇ ನೆಟ್ಟಿರುತ್ತದೆ. ಹಲವು ಆಟೋಗಳಲ್ಲಿ ನಿಖರ ಮೀಟರ್ ಇದ್ದರೆ, ಕೆಲ ಆಟೋಗಳಲ್ಲಿ ನಕಲಿ ಮೀಟರ್ ಇರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ನಿಜವಾದ ಮತ್ತು ನಕಲಿ ಮೀಟರ್​ಗಳ ನಡುವಿನ ವ್ಯತ್ಯಾಸವನ್ನು ಜನರು ಗುರುತಿಸುವುದು ಅತ್ಯಂತ ಮುಖ್ಯವಾಗಿದೆ. ತಪ್ಪಾದ ಮೀಟರ್ ಅನ್ನು ಹೇಗೆ ಗುರುತಿಸಬಹುದು ಎಂಬುದನ್ನು ವಿವರಿಸುವ ವಿಡಿಯೋವೊಂದನ್ನು ಮುಂಬೈ ಟ್ರಾಫಿಕ್ ಪೊಲೀಸರು ಹಂಚಿಕೊಂಡಿದ್ದಾರೆ(Viral Video).

ಇದನ್ನು ಓದಿ: ಬರ್ತ್​ಡೇ ಗರ್ಲ್​​ಗೆ ಬಂಪರ್​ ಗಿಫ್ಟ್​​; ಕೇಕ್​​ನಲ್ಲಿತ್ತು ದುಡ್ಡಿನ ಸರಮಾಲೆ! Viral Video

ವಿಡಿಯೋದಲ್ಲಿ ಆಟೋ ಮೀಟರ್ ಚಾಲನೆಯಲ್ಲಿರುವುದನ್ನು ನೋಡಬಹುದು. ಮೇಲಿನ ಸಂಖ್ಯೆಗಳ ಕೊನೆಯಲ್ಲಿ ಚುಕ್ಕೆ ಇರುವುದನ್ನು ಗಮನಿಸಬಹುದು. ನಕಲಿ ಮೀಟರ್‌ಗಳಲ್ಲಿ ಕೊನೆಯಲ್ಲಿರುವ ಚುಕ್ಕೆಯೂ ಯಾವಾಗಲೂ ಗೋಚರಿಸುತ್ತದೆ ಎಂದು ಮಾಹಿತಿ ನೀಡುವ ವ್ಯಕ್ತಿ ಹೇಳುತ್ತಾರೆ. ಮಿಣುಕುವ ಚುಕ್ಕೆ ನಿಜವಾದ ಮೀಟರ್‌ನಲ್ಲಿ ಇರುವುದಿಲ್ಲ. ನೀವು ಮೀಟರ್‌ ಬಟನ್ ಅನ್ನು ಆಫ್ ಮಾಡಿದಾಗ ಆ ಬಿಂದುವು ಗೋಚರಿಸುವುದನ್ನು ನಿಲ್ಲಿಸುತ್ತದೆ. ಮೀಟರ್ ಸಹ ಕಾರ್ಯನಿರ್ವಹಿಸುವುದಿಲ್ಲ. ಬಟನ್ ಅನ್ನು ಮತ್ತೆ ಆನ್ ಮಾಡಿದಾಗ ಪಾಯಿಂಟ್ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತದೆ ಮತ್ತು ಮೀಟರ್ ಕೂಡ ವೇಗವಾಗಿ ಓಡಲು ಪ್ರಾರಂಭಿಸುತ್ತದೆ ಎಂದು ತಿಳಿಸಿದ್ದಾರೆ.

ವಿಡಿಯೋದಲ್ಲಿ ಹಲವು ಬಾರಿ ಬಟನ್ ಆನ್ ಮತ್ತು ಆಫ್ ಮಾಡುವ ಮೂಲಕ ಆಟೋದಲ್ಲಿ ಕುಳಿತುಕೊಂಡ ನಂತರ ಮೀಟರ್ ಸಾಮಾನ್ಯವಾಗಿದೆಯೇ ಅಥವಾ ವೇಗವಾಗಿದೆಯೇ ಎಂಬುದನ್ನು ಜನರು ಯಾವಾಗಲೂ ಗಮನ ಹರಿಸಬೇಕು ಎಂದು ವಿವರಿಸಲಾಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಇದನ್ನು ಮುಂಬೈ ಟ್ರಾಫಿಕ್ ಪೊಲೀಸರು ಹಂಚಿಕೊಂಡಿದ್ದಾರೆ. ಈ ಪೋಸ್ಟ್​​ ಅನ್ನು ಇದುವರೆಗೂ 4 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ, ಹಲವರು ಪ್ರತಿಕ್ರಿಯಿಸಿದ್ದಾರೆ. ಈ ಸಹೋದರನ ವಿರುದ್ಧ ಕ್ರಮ ತೆಗೆದುಕೊಳ್ಳಲಾಗಿದೆಯೇ, ಧನ್ಯವಾದಗಳು! ಆದರೆ ಅಂತಹ ಅಪರಾಧಿಗಳನ್ನು ಹಿಡಿಯಲು ನೀವು ನಿಯಮಿತವಾಗಿ ದಾಳಿಗಳನ್ನು ನಡೆಸಬೇಕು, ಇದು ಅತ್ಯುತ್ತಮ ಸಲಹೆಯಾಗಿದೆ, ಈ ಮಾಹಿತಿ ಜನರಿಗೆ ಉಪಯೋಗವಾಗಲಿದೆ, ಈ ಡಾಟ್ ಪ್ರತಿ ಆಟೋದಲ್ಲಿ ಗೋಚರಿಸುತ್ತದೆ ಎಂದು ಕಾಮೆಂಟ್​ ಮಾಡಿದ್ದಾರೆ.(ಏಜೆನ್ಸೀಸ್​​)

https://www.vijayavani.net/viral-video-two-women-fight-with-steel-pots-beats-each-other-badly