ಈ ವೈರಲ್ ವಿಡಿಯೋದಲ್ಲಿ ಎಲ್ಕೆಜಿ ವಿದ್ಯಾರ್ಥಿಗಳು ಶಾಲಾ ಮೈದಾನದಲ್ಲಿ ದೊಡ್ಡ ಮೇಜಿನ ಮೇಲೆ ಚಹಾ ತಯಾರಿಸುವುದನ್ನು ಕಾಣಬಹುದು. ಇದರಲ್ಲಿ ಒಂದು ಮಗು ಅವರ ಟೀಮ್ನ ಲೀಡರ್ ಆಗಿದ್ದಾನೆ. ಆತ ಇತರ ವಿದ್ಯಾರ್ಥಿಗಳಿಗೆ ಒಂದೊಂದಾಗಿ ಚಹಾ ಮಾಡುವ ವಿಧಾನವನ್ನು ಹೇಳುತ್ತಿದ್ದಾನೆ. ಮೈಕ್ ಮುಂದೆ ನಿಂತು ಅವನು ಎಲ್ಲಾ ಮಕ್ಕಳನ್ನು ಒಬ್ಬೊಬ್ಬರಾಗಿ ಚಹಾಕ್ಕೆ ಪದಾರ್ಥಗಳನ್ನು ಸೇರಿಸಲು ಕರೆಯುತ್ತಿದ್ದಾನೆ. ಮಕ್ಕಳು ತಮ್ಮ ಸರದಿಯ ಪ್ರಕಾರ ಮಣ್ಣಿನ ಪಾತ್ರೆಯಲ್ಲಿ ನೀರು, ಚಹಾಪುಡಿ, ಸಕ್ಕರೆ, ಶುಂಠಿ, ಹಾಲನ್ನು ಹಾಕುತ್ತಾರೆ. ಚಹಾ ಸಿದ್ಧವಾದಾಗ ಎಲ್ಲಾ ಮಕ್ಕಳು ಅದರ ವಾಸನೆಯನ್ನು ಗ್ರಹಿಸಿ ಚೆನ್ನಾಗಿದೆ ಎಂದು ಹೇಳುತ್ತಾ ಕುಡಿಯಲು ಪ್ರಾರಂಭಿಸುತ್ತಾರೆ.
