ಮೌಂಟ್ ಎವರೆಸ್ಟ್ ಎದುರು ಫ್ಯಾಶನ್ ಶೋ

ಜಗತ್ತಿನ ನಾನಾ ಕಡೆಗಳಲ್ಲಿ ಸೌಂದರ್ಯಸ್ಪರ್ಧೆ, ಫ್ಯಾಶನ್ ಶೋಗಳನ್ನು ಆಯೋಜಿಸುವುದು ಸಾಮಾನ್ಯ. ಆದರೆ ನೇಪಾಳ ಪ್ರವಾಸೋದ್ಯಮ ಇಲಾಖೆಯು ಜಗತ್ತಿನಲ್ಲೇ ಅತ್ಯಂತ ಎತ್ತರದ ಪ್ರದೇಶವಾದ ಮೌಂಟ್ ಎವರೆಸ್ಟ್ ಬೇಸ್ ಕ್ಯಾಂಪ್​ಗೆ ಸಮೀಪ 2020ರ ಜನವರಿ 26ರಂದು ಫ್ಯಾಶನ್ ಶೋ ಆಯೋಜಿಸಿತ್ತು.

ಎವರೆಸ್ಟ್ ಬಳಿ 5,340 ಮೀಟರ್ ಎತ್ತರದ ಕಾಲಾಪತ್ಥರ್ ಎಂಬ ಪ್ರದೇಶದಲ್ಲಿ ಈ ಫ್ಯಾಶನ್ ಶೋ ಜರುಗಿತು. ಈ ಶೋದಲ್ಲಿ ನೇಪಾಳ, ಸಿಂಗಪುರ, ಫಿನ್ಲೆಂಡ್, ಇಟಲಿ, ಶ್ರೀಲಂಕಾ ದೇಶಗಳ ರೂಪದರ್ಶಿಗಳು ಭಾಗವಹಿಸಿದ್ದರು. ಇದರಲ್ಲಿ ಬಳಸಲಾಗಿದ್ದ ಎಲ್ಲ ಬಟ್ಟೆಗಳನ್ನೂ ನೈಸರ್ಗಿಕವಾಗಿಯೇ ತಯಾರಿಸಲಾಗಿತ್ತು.

ಹವಾಮಾನ ಬದಲಾವಣೆಯ ಕುರಿತಂತೆ ಜಾಗೃತಿ ಮೂಡಿಸುವ ಉದ್ದೇಶದಿಂದ ಈ ಫ್ಯಾಶನ್ ಶೋ ಆಯೋಜಿಸಿದ್ದಾಗಿ ನೇಪಾಳ ಸರ್ಕಾರ ಪ್ರಕಟಿಸಿದೆ.