ಮಕ್ಕಳ ಉಸ್ತುವಾರಿಗೆ ಅಪ್ಪನ ಐಡಿಯಾ

ಬೆಳೆಯುವ ಮಕ್ಕಳನ್ನು ಕಾದುಕೊಳ್ಳುವುದು ಸುಲಭದ ಕೆಲಸವಲ್ಲ. ಅದರಲ್ಲೂ ತಾಯಿಯರಿಗಿಂತ ತಂದೆಯಾದವರಿಗೆ ಇದು ಹೆಚ್ಚು ತಲೆಬಿಸಿಯ ಕೆಲಸ. ಅಮೆರಿಕದ ಕೊಲೊರಾಡೋದಲ್ಲಿ ಮೋನಿಕಾ ಎಂಬ ಮಹಿಳೆಯೊಬ್ಬರು ತರಕಾರಿ ತರಲು ಹೋಗಬೇಕಾದ ಕಾರಣ ತಮ್ಮ ನಾಲ್ಕು ಮಕ್ಕಳನ್ನು ಪತಿಯ ವಶಕ್ಕೆ ಒಪ್ಪಿಸಿ ಹೋದರು.

ಆ ಸಂದರ್ಭದಲ್ಲಿ ಮಕ್ಕಳ ಉಸ್ತುವಾರಿ ವಹಿಸಿಕೊಂಡ ಪತಿ ಮೈಕೆಲ್; ನಿದ್ರಾಭಂಗಿಯಲ್ಲಿರುವ ತನ್ನ ಚಿತ್ರವನ್ನು ಬಿಡಿಸುವಂತೆ ಹೇಳಿ, ಅವರು ಡ್ರಾಯಿಂಗ್​ನಲ್ಲಿ ತಲ್ಲೀನರಾಗಿರುವಂತೆ ಮಾಡಿ, ತಾವು ಚೆನ್ನಾಗಿ ನಿದ್ದೆ ಮಾಡಿದರು. ಮರಳಿ ಬಂದ ಬಳಿಕ ಪತಿಯ ಈ ಉಪಾಯವನ್ನು ಕಂಡ ಮೋನಿಕಾ, ಪತಿ ಮಲಗಿರುವ ಹಾಗೂ ಮಕ್ಕಳು ಚಿತ್ರ ಬಿಡಿಸುತ್ತಿರುವ ಭಾವಚಿತ್ರವನ್ನು ಫೇಸ್​ಬುಕ್​ನಲ್ಲಿ ಶೇರ್ ಮಾಡಿದ್ದು, ಇದು ವೈರಲ್ ಆಗಿದೆ.