ಏಕೆ ಜೋಡಣೆ?: ಅತಿಯಾದ ನಗರೀಕರಣದಿಂದ ನಗರ ಪ್ರದೇಶಕ್ಕೆ ಹೊಂದಿಕೊಂಡ ಗ್ರಾಮೀಣ ಪ್ರದೇಶದಲ್ಲಿನ ಕೃಷಿ ಭೂಮಿ ನಿವೇಶನಗಳಾಗಿ ಪರಿವರ್ತನೆಯಾಗುವುದು, ಮನೆ ನಿರ್ವಣ, ವಾಣಿಜ್ಯ ಚಟುವಟಿಕೆ ಅಂಕೆಗೆ ಮೀರಿ ವೃದ್ಧಿಸುತ್ತಿದೆ. ಆದರೆ ಕೃಷಿ ಭೂಮಿ ಕೃಷಿಗೇ ಬಳಕೆಯಾಗಬೇಕೆಂಬುದು ಸರ್ಕಾರದ ಹಠ. ಈ ಕಾರಣಕ್ಕೆ ಹಸಿರು ವಲಯ ಗುರುತಿಸಿದೆ. ಇಷ್ಟರ ನಡುವೆಯೂ ನಿವೇಶನ ಮಾರಾಟ, ವಾಣಿಜ್ಯ ಚಟುವಟಿಕೆ ನಿಂತಿಲ್ಲ. ಇದನ್ನು ನಿಯಂತ್ರಿಸಲು ಗ್ರಾಮೀಣಾಭಿವೃದ್ಧಿ ಇಲಾಖೆ ಸಂಗ್ರಹಿಸಿರುವ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಆಸ್ತಿ ಮಾಹಿತಿ ಮತ್ತು ನೋಂದಣಿ ಮತ್ತು ಮುದ್ರಾಂಕ ಇಲಾಖೆ ಕಾವೇರಿ ತಂತ್ರಾಂಶದ ಮಾಹಿತಿ ಯನ್ನು ಜೋಡಣೆ ಮಾಡಿಯೇ ನೋಂದಣಿ ಮಾಡ ಲಾಗುತ್ತಿದೆ. ಹೈಕೋರ್ಟ್ ಈ ವಿಚಾರದಲ್ಲಿ ತನ್ನ ನಿಲುವು ಸ್ಪಷ್ಟಪಡಿಸಿ, ಕಾನೂನು ತಿದ್ದಪಡಿ ಆಗದ ಹೊರತು ನೋಂದಣಿ ನಿಲ್ಲಿಸ ಬಾರದೆಂದು ಸೂಚನೆ ನೀಡಿದೆ. ಆದರೂ ರಾಜಕೀಯ ನಾಯಕರು ಅಧಿಕಾರಿಗಳ ಮೇಲೆ ಒತ್ತಡ ತಂದು ನೋಂದಣಿ ಮಾಡದಂತೆ ತಡೆ ಹಾಕುತ್ತಿದ್ದಾರೆ. ಹಣ ವಸೂಲಿಗೂ ದಾರಿ ಮಾಡಿಕೊಂಡಿದ್ದಾರೆ. ಸಬ್ ರಿಜಿಸ್ಟ್ರಾರ್ಗಳನ್ನು ಅಮಾನತು ಮಾಡಿಸಲು ರಾಜಕೀಯ ಪ್ರಭಾವ ಬಳಸಿರುವುದು ಕಂಡುಬಂದಿದೆ.
