‘ಧುರಂಧರ್’ ಸರಣಿಯಲ್ಲಿ ನೈಜ ವ್ಯಕ್ತಿಗಳು, ಘಟನೆಗಳಿಂದ ಪ್ರೇರಣೆ ಪಡೆದು, ‘ಕಾಲ್ಪನಿಕ’ ಕಥೆ ಕಟ್ಟಿರುವಂತೆಯೇ, ಚೈತನ್ಯ ಕೂಡ ‘ಬಲರಾಮನ...’ ಕಾಲ್ಪನಿಕ ಕಥೆ ಕಟ್ಟಿಕೊಟ್ಟಿದ್ದಾರೆ. 1992ರಲ್ಲಿ ವೀರಪ್ಪ ಮೊಯ್ಲಿ ಸಿಎಂ ಆಗಿ ಪದಗ್ರಹಣ, 1993ರ ಮುಂಬೈ ಭಯೋತ್ಪಾದಕ ದಾಳಿ, ಮೋನಪ್ಪ ರೈ ದುಬೈ ಪಲಾಯನ, ರಾ ಜತೆ ಒಪ್ಪಂದ... ‘ಗಿರಿಬಾಲೆ’ (1985), ‘ಕೂಲೀ’ (1983), ‘ನೀ ಬರೆದ ಕಾದಂಬರಿ’ (1985) ಸೇರಿ ಸಿನಿಮಾ ಪೋಸ್ಟರ್ಗಳು, ವಾಹನಗಳು, ಕಾಸ್ಟ್ಯೂಮ್ಗಳು... ಹೀಗೆ 80-90ರ ದಶಕವನ್ನು ಸೃಷ್ಟಿಸುವಲ್ಲಿ ತಂಡ ಶ್ರಮಿಸಿದೆ. ಕ್ಲಾಸ್ಆಗಿ ಕಾಣಿಸಿಕೊಳ್ಳುವ ವಿನೋದ್ ಪ್ರಭಾಕರ್ ಮಾಸ್ ಫೈಟ್ಗಳಲ್ಲಿ ಮಿಂಚಿದ್ದಾರೆ. ಆಶಿಶ್ ವಿದ್ಯಾರ್ಥಿ, ಅತುಲ್ ಕುಲಕರ್ಣಿ, ರಮೇಶ್ ಇಂದಿರ ಜುಗಲ್ಬಂದಿ ತೆರೆಯ ಮೇಲೆ ನೋಡುವುದೇ ಚಂದ. ಕತ್ತಿ ವಿನಯ್ ಗೌಡ, ಸಿಂಗ್ಲಿ ಆದಿತ್ಯ ಗಮನ ಸೆಳೆಯುತ್ತಾರೆ. ಉಳಿದೆಲ್ಲ ಪಾತ್ರಗಳು ಅಚ್ಚುಕಟ್ಟಾಗಿ ಮೂಡಿಬಂದಿವೆ. ಸಂತೋಷ್ ನಾರಾಯಣ್ ಹಿನ್ನೆಲೆ ಸಂಗೀತ ಮತ್ತು ಎಚ್ಸಿ ವೇಣು ಛಾಯಾಗ್ರಹಣ ‘ಬಲರಾಮನ ದಿನಗಳ’ನ್ನು ಮತ್ತಷ್ಟು ಆಪ್ತವಾಗಿಸುತ್ತದೆ.
