ಇದನ್ನು ಕೇಳಿದ ಕಳ್ಳರಿಗೆ ತಪ್ಪಿನ ಅರಿವಾಯ್ತು. ಕಳ್ಳತನದಿಂದ ಬೇರೆಯವರಿಗೆ ತೊಂದರೆಯಾಗುತ್ತದೆ ಎಂದು ನಮಗೆ ಅರಿವಾಗದೆ ಹೋಯಿತಲ್ಲ ಎಂದು ಪಶ್ಚಾತ್ತಾಪಪಟ್ಟು ಎಲ್ಲರೂ ಚಾಣಕ್ಯನಿಗೆ, ‘ನೀವು ನಮ್ಮ ಕಣ್ಣು ತೆರೆಸಿದಿರಿ, ಮುಂದೆಂದೂ ಕಳ್ಳತನ ಮಾಡುವುದಿಲ್ಲ’ ಎಂದು ನಮಸ್ಕರಿಸಿ ಹೊರಟು ಹೋದರು. ಚಾಣಕ್ಯನ ಪ್ರಾಮಾಣಿಕತೆಯ ನೈತಿಕ ಶಕ್ತಿ ಕಳ್ಳರ ಮನ ಪರಿವರ್ತನೆ ಮಾಡಿತು. ಮಾತು ಮತ್ತು ಕೃತಿ ಇವೆರಡರಲ್ಲಿ ಪ್ರಾಮಾಣಿಕತೆ ಇದ್ದು ಬದುಕು ಸಾಗಿಸಿದರೆ ಪರಮಾತ್ಮನನ್ನು ಕಂಡಂತೆಯೇ. ಪ್ರಾಮಾಣಿಕತೆಯು ಸುಖ ನೀಡದಿದ್ದರೂ ಕಷ್ಟ ಎದುರಿಸುವ ಶಕ್ತಿ, ಸರಳ ಜೀವನದ ಮಹತ್ವ ತಿಳಿಸುತ್ತದೆ. ಯಶಸ್ಸಿಗೆ ಸ್ಪೂರ್ತಿ ನೀಡುತ್ತದೆ. ಮನುಷ್ಯತ್ವವನ್ನು ಅಮೂಲ್ಯವಾಗಿಸುತ್ತದೆ.
