ಎಲ್ಲ ದಾಖಲಾತಿಗಳು ಸರಿ ಇದ್ದರೂ ಅನುಮತಿ ನೀಡಲು ಅಧಿಕಾರಶಾಹಿಯ ವಿಳಂಬಧೋರಣೆ, ಲಂಚಕ್ಕಾಗಿ ಕೈಯೊಡ್ಡುವುದು, ಅನವಶ್ಯಕ ಅಲೆದಾಟಕ್ಕೆ ಗುರಿಯಾಗಿಸುವುದು ಹೀಗೆ ಹಲವು ತೊಂದರೆಗಳು ರಾಜ್ಯದಲ್ಲಿ ಈ ಹಿಂದೆಯೂ ಢಾಳಾಗಿ ಕಂಡುಬಂದಿವೆ. ‘ರೆಡ್ ಟೇಪಿಸಂ’ ಎಂದೇ ಕರೆಯಲ್ಪಡುವ ಈ ಪಿಡುಗು ನಿವಾರಣೆಯಾಗದೆ ಉದ್ಯಮಸ್ನೇಹಿ ವಾತಾವರಣ ರೂಪುಗೊಳ್ಳಲು ಸಾಧ್ಯವಿಲ್ಲ. ಒಂದೆಡೆ ಸರ್ಕಾರ ಉದ್ಯಮಿಗಳ ಮನವೊಲಿಸಿ ಕರೆತಂದರೂ, ಅಧಿಕಾರಶಾಹಿಯ ಧೋರಣೆಯಿಂದ ಅವರು ಮತ್ತೊಂದು ಕಡೆ ಮುಖ ಮಾಡಿದರೆ ಅದಕ್ಕಿಂತ ಹಿನ್ನಡೆ ಬೇರೊಂದಿಲ್ಲ. ಈಗಾಗಲೇ ಕರೊನಾ ಹಾವಳಿ, ಲಾಕ್ಡೌನ್ ಭಾರಿ ಆರ್ಥಿಕ ನಷ್ಟವನ್ನು ತಂದೊಡ್ಡಿದೆ. ಇದರಿಂದ ಚೇತರಿಕೆ ಕಾಣಬೇಕಾದರೆ ಹೊಸ ಉದ್ಯಮಗಳನ್ನು ತರುವುದು, ಬಂಡವಾಳ ಹೂಡಿಕೆಯನ್ನು ಪ್ರೋತ್ಸಾಹಿಸುವುದು, ಅಂಥ ದೇಶೀಯ ಉತ್ಪನ್ನಗಳಿಗೆ ಸೂಕ್ತ ಮಾರುಕಟ್ಟೆ ಒದಗಿಸುವುದು,
