ಪ್ರಮೋದ್ ಅವರು ವಿದೇಶದಲ್ಲಿ ಎಂಬಿಎ ಮುಗಿಸಿ ಬಂದ ನಂತರ, ಇವರ ತಂದೆಗೆ ಮಗನನ್ನು ಐಎಎಸ್ ಅಧಿಕಾರಿ ಮಾಡಬೇಕೆಂಬ ಕನಸು ಹೊಂದಿದ್ದರು. ತಂದೆಯ ಆಸೆಯಂತೆ ಯುಪಿಎಸ್ಸಿ ಪರೀಕ್ಷೆಗೆ ಸಿದ್ದತೆ ನಡೆಸಲು ದೆಹಲಿಗೆ ಹೋದರು. ಪರೀಕ್ಷೆ ಕೂಡ ಬರೆದರು. ನಂತರ ಕಾರಣಾಂತರಗಳಿಂದ ಬೆಂಗಳೂರಿಗೆ ವಾಪಸ್ ಆದರು. ಬಳಿಕ ಶಿಕ್ಷಣ ಕ್ಷೇತ್ರದಲ್ಲಿಯೇ ಏನಾದರೂ ಸಾಧನೆ ಮಾಡಬೇಕು ಎಂದುಕೊಂಡ ಇವರು, ಮೊದಮೊದಲು ಉತ್ತರಹಳ್ಳಿಯಲ್ಲಿ ಒಂದು ಟ್ಯೂಷನ್ ಸೆಂಟರ್ ಅನ್ನು ಆರಂಭಿಸಿದ್ದರು. 10ನೇ ತರಗತಿಯ ಸುಮಾರು 25 ಮಕ್ಕಳಿಗೆ ಟ್ಯೂಷನ್ ಹೇಳಿ ಕೊಡುತ್ತಿದ್ದರು. ನಂತರ ಐಐಟಿ ಮತ್ತು ಜೆಡಬ್ಲ್ಯುಗೆ ಟ್ಯೂಷನ್ ಮಾಡುತ್ತಿದ್ದರು. ಈ ಸಮಾಜದಲ್ಲಿ ಶಿಕ್ಷಣದಿಂದ ಮಾತ್ರ ಬದಲಾವಣೆ ಸಾಧ್ಯ ಎಂದು ಮನಗಂಡು ಶಾಲೆ ಆರಂಭಿಸಲು ನಿರ್ಧರಿಸಿ, ನ್ಯಾಷನಲ್ ಪಬ್ಲಿಕ್ ಶಾಲೆಯ ಎರಡು ಶಾಖೆಗಳನ್ನು ಪ್ರಾರಂಭಿಸಿದರು. ಜೆ.ಪಿ. ನಗರದ ಕ್ಯಾಂಪಸ್ನಲ್ಲಿ 1,200 ವಿದ್ಯಾರ್ಥಿಗಳು, 180 ಸಿಬ್ಬಂದಿ, ವರ್ತೂರು ಕ್ಯಾಂಪಸ್ನಲ್ಲಿ 500 ವಿದ್ಯಾರ್ಥಿಗಳು, 100 ಸಿಬ್ಬಂದಿ ಇದ್ದಾರೆ. ನಮ್ಮ ಸಂಸ್ಕೃತಿ ಕಣ್ಮರೆಯಾಗುತ್ತಿರುವ ದಿನದಲ್ಲಿ ಅದನ್ನು ವಾಪಸ್ ತರುವ ಉದ್ದೇಶದಿಂದ ತಮ್ಮ ಶಾಲೆಯಲ್ಲಿ ನೈತಿಕ ಮತ್ತು ಮೌಲ್ಯಯುತವಾದ ಶಿಕ್ಷಣಕ್ಕೆ ಹೆಚ್ಚಿನ ಒತ್ತು ನೀಡಿದ್ದಾಗಿ ಹೇಳಿಕೊಳ್ಳುತ್ತಾರೆ ಪ್ರಮೋದ್ ಶ್ರೀನಿವಾಸ್.
