ನೀಲಿ ಇಂಕ್​ನಲ್ಲಿ ಆಟೋಗ್ರಾಫ್ ಹಾಕಲ್ಲ ಟಾಪ್​​ ಸೆಲೆಬ್ರಿಟಿಗಳು! ಇದರ ಹಿಂದಿರುವ ಕಾರಣ ತಿಳಿದ್ರೆ ಹುಬ್ಬೇರುವುದು ಖಚಿತ | Blue Ink

Blue Ink: ಹಾಲಿವುಡ್​ನ ಅನೇಕ ಸ್ಟಾರ್​​ಗಳು​ ಸೇರಿದಂತೆ ಇತರೆ ಕ್ಷೇತ್ರದ ಸ್ಟಾರ್​ ಸೆಲೆಬ್ರಿಟಿಗಳು ತಮ್ಮ ಬಳಿ ಆಟೋಗ್ರಾಫ್ ಕೊಡುವಂತೆ ಯಾರಾದರೂ ನೀಲಿ ಇಂಕ್​ನ ಪೆನ್ ಅಥವಾ ಮಾರ್ಕರ್​​ ಹಿಡಿದು ಬಂದರೆ ಖಂಡಿತ ಸಹಿ ಹಾಕುವುದಿಲ್ಲ. ಬದಲಿಗೆ ಬೇರೆ ಬಣ್ಣದ ಇಂಕ್ ತಗೊಂಡು ಬನ್ನಿ ಸಿಗ್ನೇಚರ್​ ಕೊಡ್ತೀನಿ ಎನ್ನುತ್ತಾರೆ. ಇದರಿಂದ ಅಪಾರ ಸಂಖ್ಯೆಯ ಅಭಿಮಾನಿಗಳ ಮನಸ್ಸಿಗೆ ನೋವುಂಟಾದ ಪ್ರಸಂಗಗಳು ಇವೆ. ತಮ್ಮ ನೆಚ್ಚಿನ ನಟರು ಹೀಗೆ ಹೇಳುತ್ತಿದ್ದಂತೆ ಕೆಲವರು ಮೌನಕ್ಕೆ ಜಾರಿದರೆ, ಇನ್ನು ಕೆಲವರು ಇದ್ಯಾಕೆ ಈ ರೀತಿ ಮಾಡ್ತಾರೆ? ಅವರಿಗೆ ಅಹಂಕಾರ, ಸ್ಟಾರ್​ ಪಟ್ಟದ ನಶೆ ಏರಿರಬಹುದು ಎಂದು ಊಹಿಸಿಕೊಳ್ಳುತ್ತಾರೆ. ಆದರೆ, ಅದರ ಹಿಂದಿರುವ ಉದ್ದೇಶ ಬೇರೆಯೇ ಇದೆ.

ಇದನ್ನೂ ಓದಿ: ಚಾರ್ಜ್​​ಶೀಟ್ ಸೂಕ್ತ ಸಮಯಕ್ಕೆ ಸಲ್ಲಿಸುವ ಜತೆಗೆ FIR ತಕ್ಷಣ ದಾಖಲಿಸಬೇಕು: ಪೊಲೀಸ್ ಇಲಾಖೆಗೆ CM ಸೂಚನೆ

ಸ್ಟಾರ್ ನಟಿ ಹಿಂದೇಟು!

ಇದಕ್ಕೆ ಓರ್ವ ಹಾಲಿವುಡ್​ ನಟಿಯೊಬ್ಬರು ತಮ್ಮ ಫ್ಯಾನ್ಸ್​ಗಳೊಂದಿಗೆ ನಡೆದುಕೊಂಡ ರೀತಿ ಜನಕ್ಕೆ ಸ್ವಲ್ಪವು ಇಷ್ಟವಾಗಿರಲಿಲ್ಲ. ಅದರ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಹರಿದಾಡಿ, ಚರ್ಚೆಗೆ ಗ್ರಾಸವಾಗಿತ್ತು. 'ದಿ ಕ್ರೌಂನ್' ಸೀರಿಸ್​ನ ನಟಿ ಕ್ಲೇರ್​ ಫೋಯ್​ಗೆ ಅಭಿಮಾನಿಯೊಬ್ಬರು ಆಟೋಗ್ರಾಫ್ ನೀಡುವಂತೆ ತಮ್ಮ ಬಳಿಯಿದ್ದ ಬ್ಲೂ ಇಂಕ್ ಪೆನ್ ಕೊಟ್ಟರು. ಇದನ್ನು ನೋಡುತ್ತಿದ್ದಂತೆ ನಟಿ ಸಹಿ ಹಾಕಲು ನಿರಾಕರಿಸಿದರು. ಬದಲಿಗೆ ಕಪ್ಪು ಅಥವಾ ಬೇರೆ ಬಣ್ಣದ ಇಂಕ್​ ಇದ್ದರೆ ತನ್ನಿ ಎಂದು ಹೇಳಿ, ಅಲ್ಲಿಂದ ಹೊರಟು ಹೋದರು. ಇದು ಅಭಿಮಾನಿಗೆ ಅತೀವ ನೋವು ಉಂಟುಮಾಡಿತು.

ಈ ವಿಡಿಯೋ ವೈರಲ್ ಆಗ್ತಿದ್ದಂತೆ ಸೋಷಿಯಲ್ ಮೀಡಿಯಾದಲ್ಲಿ ದೊಡ್ಡ ಮಟ್ಟದ ಚರ್ಚೆ ಸಹ ಭುಗಿಲೆದ್ದಿತು. ಫ್ಯಾನ್ಸ್​ಗಳಿಗೆ ಸಹಿ ಹಾಕಲು ಯಾಕಿಷ್ಟು ಅಸಡ್ಡೆ ತೋರುತ್ತಾರೆ? ನೀಲಿ ಇಂಕ್​ನಲ್ಲಿ ಆಟೋಗ್ರಾಫ್​ ಹಾಕಲು ಏಕೆ ಹಿಂದೇಟು ಹಾಕ್ತಿದ್ದಾರೆ? ಇದರ ಹಿಂದಿನ ಉದ್ದೇಶವೇನು ಎಂಬ ಹತ್ತು ಹಲವು ಪ್ರಶ್ನೆಗಳನ್ನು ಮುಂದಿಟ್ಟಿದ್ದರು. ಆದರೆ, ಇದ್ಯಾವುದಕ್ಕೂ ಸೂಕ್ತ ಉತ್ತರ ಸಿಗಲಿಲ್ಲ. ಆದರೆ, ಒಬ್ಬನೇ ಒಬ್ಬ ಕಮೆಂಟ್ ಸೆಕ್ಷನ್​ನಲ್ಲಿ ವಿವರಿಸಿದ ರೀತಿಗೆ ಅಭಿಮಾನಿಗಳು ದಂಗಾದರು. ಅಸಲಿಗೆ ಆತ ಹೇಳಿದ್ದೇನು ಗೊತ್ತಾ? ಕೇಳಿದ್ರೆ ನೀವು ಶಾಕ್ ಆಗ್ತೀರಾ.

ಇದನ್ನೂ ಓದಿ: ಸಿನಿಮಾ ಗೀತೆಗಳಿಂದ ಜನಪದಕ್ಕೆ ಧಕ್ಕೆ: ಜಾನಪದ ಗಾಯಕ ಮಳವಳ್ಳಿ ಮಹದೇವಸ್ವಾಮಿ ಕಳವಳ

ನೀಲಿ ಬಣ್ಣದಲ್ಲಿ ಏಕೆ​ ಬೇಡ!

ನೀಲಿ ಬಣ್ಣದ ಇಂಕ್​ನಲ್ಲಿ ಸಹಿ ಹಾಕೋದಿಲ್ಲ ಎಂಬ ಸಂಗತಿ ಒಂದು ರೀತಿ ವಿಚಿತ್ರ ಎನಿಸಿದರು, ಅದರ ಹಿಂದೆ ಭಯಾನಕ ಸಂಗತಿ ಅಡಗಿರುವುದು ಅಷ್ಟೇ ಸತ್ಯ. ಯಾರೇ ದೊಡ್ಡ ಸ್ಟಾರ್​ಗಳಾಗಲಿ ಅವರು ನೀಲಿ ಇಂಕ್​ನಲ್ಲಿ ಆಟೋಗ್ರಾಫ್ ನೀಡಲು ಬಯಸೋದಿಲ್ಲ. ಕಾರಣ, ಬ್ಲೂ ಇಂಕ್​ನಲ್ಲಿ ಮಾಡಿದ್ರೆ, ಅದನ್ನು ಬಹಳ ಸುಲಭವಾಗಿ ಸ್ಕ್ಯಾನ್ ಮಾಡಿ, ನಂತರದಲ್ಲಿ ನಕಲು ಮಾಡಬಹುದು. ಇದನ್ನು ಮೀರಿ ಹಣದ ಆಸೆಗೆ ದುಬಾರಿ ಮೊತ್ತಕ್ಕೆ ಮಾರಾಟ ಕೂಡ ಮಾಡಬಹುದು ಎಂಬ ಭಯದಿಂದ ಹಲವಾರು ಸ್ಟಾರ್ ಸೆಲೆಬ್ರಿಟಿಗಳು ಎಂದಿಗೂ ಬ್ಲೂ ಇಂಕ್​ನಲ್ಲಿ ಸಿಗ್ನೇಚರ್ ಕೊಡಲು ಇಚ್ಛಿಸುವುದಿಲ್ಲ,(ಏಜೆನ್ಸೀಸ್).

https://www.vijayavani.net/uttarpradesh-murder-case-father-in-law-confeses