ಅವರ ಸೋಲು-ಗೆಲುವು ನಾನು ನೋಡಲ್ಲ; ನಟ ವಿಜಯ್​ ಸೇತುಪತಿ ಓಪನ್​ ಟಾಕ್​ | Vijay Sethupathi

Vijay Sethupathi: ಭಾರತೀಯ ಚಿತ್ರರಂಗದಲ್ಲಿ ತನ್ನದೇ ವಿಶೇಷ ಅಭಿಮಾನಿಗಳ ಬಳಗವನ್ನು ಹೊಂದಿರುವ ವಿಜಯ್ ಸೇತುಪತಿ, ಸಿನಿಪ್ರೇಕ್ಷಕರು ಅತಿಯಾಗಿ ಇಷ್ಟಪಡುವ ಸ್ಟಾರ್​ ನಟರಲ್ಲಿ ಒಬ್ಬರು. ಯಾವುದೇ ಕಥಾಹಂದರವಿರಲಿ, ಎಂತಹ ಪಾತ್ರವಿರಲಿ, ಕೊಟ್ಟ ಪಾತ್ರಕ್ಕೆ ಜೀವ ತುಂಬುವ ಕೆಲಸ ಮಾಡುವ ಸೇತುಪತಿ, ಅದ್ಭುತ ನಟನೆಯಿಂದಲೇ ನೋಡುಗರ ಮನಗೆಲ್ಲುತ್ತಾರೆ. ಸರಳ ಅಭಿನಯ, ಪಾತ್ರ ಹಾಗೂ ಕಥೆಯ ಆಯ್ಕೆಯಲ್ಲೇ ಮೊದಲ ಗೆಲುವು ನೋಡುವ ವಿಜಯ್​, ಸಿನಿಮಾ ರಿಲೀಸ್ ಆದ ನಂತರ ಅಭಿಮಾನಿಗಳ ಖುಷಿ, ಪ್ರಶಂಸೆಗಳನ್ನು ಪಡೆಯುವ ಮುಖೇನ ದೊಡ್ಡ ಗೆಲುವನ್ನು ಸಾಧಿಸುತ್ತಾರೆ. ಈ ವಿಷಯದಲ್ಲಿ ಅವರು ಸದಾ ಮುಂಚೂಣಿ.

ಇದನ್ನೂ ಓದಿ: ದಿಗ್ಗಜರ ನಡುವೆ ಜಿದ್ದಿನ ಜ್ವಾಲೆ! ಪಾಕಿಸ್ತಾನ ಕ್ರಿಕೆಟ್​ನಲ್ಲಿ ಯಾವುದೂ ಸರಿಯಿಲ್ಲ ಅನ್ನೋದಕ್ಕೆ ಇದೇ ಸಾಕ್ಷಿ | Pakistan

ತಮ್ಮ ಹೊಸ ಚಿತ್ರದ ಆಯ್ಕೆ ಕುರಿತು ಇತ್ತೀಚಿನ ಸಂದರ್ಶನದಲ್ಲಿ ಮುಕ್ತವಾಗಿ ಮಾತನಾಡಿದ ಸೇತುಪತಿ, ಮುಂಬರುವ ಆ್ಯಕ್ಷನ್ ಕಥಾಹಂದರ ಚಿತ್ರವನ್ನು ನಿರ್ದೇಶಕ ಪುರಿ ಜಗನ್ನಾಥ್ ಅವರೊಂದಿಗೆ ಮಾಡುತ್ತಿರುವುದಾಗಿ ಬಹಿರಂಗಪಡಿಸಿದರು. ಸರಣಿ ಸೋಲುಗಳಿಂದ ಕಂಗಾಲಾಗಿರುವ ನಿರ್ದೇಶಕನ ಜತೆಗೆ ಕೈಜೋಡಿಸಿರುವ ವಿಜಯ್​, ಪುರಿ ಜಗನ್ನಾಥ್​ಗೆ ಹಿಟ್​ ಚಿತ್ರವನ್ನು ಕೊಡುವ ಭರವಸೆಯನ್ನು ಪರೋಕ್ಷವಾಗಿ ನೀಡಿದ್ದಾರೆ. ಈ ವಿಷಯ ಅವರ ಅಭಿಮಾನಿಗಳಲ್ಲಿ ಸಂತಸ ತಂದಿದೆ.

ತಮ್ಮ ಮುಂಬರುವ ಬಹುನಿರೀಕ್ಷಿತ ಪ್ರಾಜೆಕ್ಟ್​ ಬಗ್ಗೆ ಒಂದಷ್ಟು ವಿಷಯಗಳನ್ನು ಹಂಚಿಕೊಂಡ ವಿಜಯ್ ಸೇತುಪತಿ, “ನನ್ನ ನಿರ್ದೇಶಕರನ್ನು ಅವರ ಹಿಂದಿನ ಕಥೆ-ವ್ಯಥೆಗಳಿಂದ ನಾನು ಅಳೆಯುವುದಿಲ್ಲ. ಅವರ ಹಿನ್ನೆಲೆ ನೋಡಿ ಅವರೊಂದಿಗೆ ಕೈಜೋಡಿಸುವ ಅಭ್ಯಾಸ ನನಗಿಲ್ಲ. ನನಗೆ ಯಾವುದಾದರೂ ಒಂದು ಕಥೆ ಇಷ್ಟವಾದರೆ, ಖಂಡಿತ ನಾನು ಅದನ್ನು ಮಾಡುತ್ತೇನೆ. ಅದಕ್ಕೆ ಒಪ್ಪಿಗೆ ಸೂಚಿಸುತ್ತೇನೆ. ಪುರಿ ಅವರ ವಿಷಯದಲ್ಲಿಯೂ ಇದೇ ಆಗಿದ್ದು" ಎಂದರು.

ಇದನ್ನೂ ಓದಿ: Haveri | ಭಾರಿ ಗುಡುಗು, ಗಾಳಿ ಸಹಿತ ಆಲಿಕಲ್ಲು ಮಳೆಗೆ ಜನ ಕಂಗಾಲು; ಮರ ಬಿದ್ದು ಬೈಕ್​, ಕಾರು ಜಖಂ

"ಚಿತ್ರದ ಕಥೆಯನ್ನು ಅವರು ವಿವರಿಸಿದ ರೀತಿ ನನಗೆ ಬಹಳ ಇಷ್ಟವಾಯಿತು. ಇದು ಪೂರ್ಣ ಪ್ರಮಾಣದ ಆ್ಯಕ್ಷನ್ ಸಿನಿಮಾ. ಅಸಲಿಗೆ ಇಲ್ಲಿಯವರೆಗೆ ನಾನು ಮಾಡಿರದ ಪಾತ್ರ. ಹಿಂದಿನಕ್ಕಿಂತ ಹೊಸತನ್ನು ಕೊಡುವ ಹಂಬಲದಲ್ಲೇ ಈ ಚಿತ್ರವನ್ನು ಎದುರುನೋಡುತ್ತಿದ್ದೇನೆ. ಈ ಸಿನಿಮಾದಲ್ಲಿ ಪ್ರತಿಭಾವಂತ ನಟಿ ಟಬು ಅವರಿದ್ದಾರೆ. ಅವರ ಜತೆಗೆ ಇಲ್ಲಿಯವರೆಗೂ ನಾನು ತೆರೆ ಹಂಚಿಕೊಂಡಿಲ್ಲ. ನಟಿಸುವ ಉತ್ಸಾಹ ಹೆಚ್ಚಿದೆ" ಎಂದು ಹೇಳಿದರು. ವಿಜಯ್​ ಸೇತುಪತಿ ಒಪ್ಪಿಕೊಂಡ ಖುಷಿಯಲ್ಲಿರುವ ನಿರ್ದೇಶಕ ಪುರಿ ಜಗನ್ನಾಥ್​, ಪುರಿ ಕನೆಕ್ಟ್ಸ್‌ ಬ್ಯಾನರ್‌ನಡಿ ನಟಿ ಚಾರ್ಮಿ ಅವರೊಂದಿಗೆ ಸಿನಿಮಾವನ್ನು ನಿರ್ಮಿಸಲಿದ್ದಾರೆ,(ಏಜೆನ್ಸೀಸ್).

https://www.vijayavani.net/boyfriend-beaten-black-and-blue-with-broken-bone