ಪುಷ್ಪ ಸಿನಿಮಾದ ಆಫರ್​​ ತಿರಸ್ಕರಿಸಿದ್ದ ವಿಜಯ್​ ಸೇತುಪತಿ; ನಟ ಹೇಳಿದ ಕಾರಣ ಏನು ಗೊತ್ತಾ?

ಹೈದರಾಬಾದ್​​: ವಿಜಯ್ ಸೇತುಪತಿ ದಕ್ಷಿಣದ ಪ್ರತಿಭಾವಂತ ನಟರಲ್ಲಿ ಒಬ್ಬರು. ನಾಯಕನ ಪಾತ್ರದಿಂದ ಹಿಡಿದು ಖಳನಟನವರೆಗೆ ತಮ್ಮದೇ ಆದ ಛಾಪು ಮೂಡಿಸಿ ಸ್ಟಾರ್ ಪಟ್ಟ ಪಡೆದರು. ಯಾವುದೇ ಪಾತ್ರವಾದರೂ ಅದಕ್ಕೆ ನ್ಯಾಯ ಸಲ್ಲಿಸುತ್ತಾರೆ ಎಂದು ಪ್ರೇಕ್ಷಕರ ಮೆಚ್ಚುಗೆ ಪಡೆದಿರುವ ನಟ. ಸದ್ಯ ವಿಜಯ್​ ಸೇತುಪತಿ ನಟನೆಯ ಮಹಾರಾಜ ಸಿನಿಮಾ ಬಿಡುಗಡೆಯಾಗಿದ್ದು ಹಿಟ್​​ ಆಗಿರುವುದು ಗೊತ್ತೆ ಇದೆ.

ಇದನ್ನು ಓದಿ: ಹಮಾರೆ ಬಾರಾಹ್ ಸಿನಿಮಾ ಬಿಡುಗಡೆಗೆ ಹೈಕೋರ್ಟ್​​ ಅಸ್ತು; ನ್ಯಾಯಾಲಯ ಸೂಚನೆ ಹೀಗಿದೆ

ಆರಂಭದಲ್ಲಿ ಮಹಾರಾಜ ಚಿತ್ರ ತಮಿಳಿನಲ್ಲಿ ಮಾತ್ರ ರಿಲೀಸ್ ಆಗುತ್ತದೆ ಎನ್ನಲಾಗಿತ್ತು. ಆದರೆ ಈ ಸಿನಿಮಾ ತೆಲುಗಿನಲ್ಲೂ ರಿಲೀಸ್ ಆಗಿದೆ. ಮೊದಲ ದಿನವೇ ಚಿತ್ರಕ್ಕೆ ಸಕಾರಾತ್ಮಕ ವಿಮರ್ಶೆಗಳು ಬಂದಿದ್ದು, ಎಂದಿನಂತೆ ವಿಜಯ್ ಸೇತುಪತಿ ಮತ್ತೊಮ್ಮೆ ತಮ್ಮ ಅಭಿನಯಕ್ಕಾಗಿ ಪ್ರಶಂಸೆಗೆ ಪಾತ್ರರಾದರು. ಇದೇ ಸಂಭ್ರಮದಲ್ಲಿ ಚಿತ್ರತಂಡ ಹೈದರಾಬಾದ್‌ನಲ್ಲಿ ಧನ್ಯವಾದ ಸಭೆಯನ್ನು ಆಯೋಜಿಸಿತ್ತು. ಈ ಸಮಯದಲ್ಲಿ ವಿಜಯ್​ ಸೇತುಪತಿ ಅವರಿಗೆ ಅಲ್ಲು ಅರ್ಜುನ್​ ಅಭಿನಯದ ಪುಷ್ಪ ಸಿನಿಮಾದಲ್ಲಿನ ಪಾತ್ರವನ್ನು ತಿರಸ್ಕರಿಸಿದ ವಿಷಯವನ್ನು ಕೇಳಿದರು. ಇದಕ್ಕೆ ವಿಜಯ್​ ಸೇತುಪತಿ ಸ್ವಾರಸ್ಯಕರ ಉತ್ತರ ನೀಡಿದ್ದಾರೆ.

ನಾನು ರಿಜೆಕ್ಟ್ ಮಾಡಲ್ಲ ಸರ್​​​ ಎಂದು ಹೇಳಿದ ಅವರು, ಸ್ವಲ್ಪ ಸಮಯ ಬಿಟ್ಟು ಯಾವಾಗಲೂ ಸತ್ಯವನ್ನು ಹೇಳಲು ಆಗಲ್ಲ ಸರ್​ ಎಂದು ನಗುತ್ತಾ ಕೆಲವೊಮ್ಮೆ ಸುಳ್ಳು ಹೇಳಬೇಕಾಗುತ್ತದೆ. ಇಲ್ಲ ಎಂದರೆ ಲೈಫ್​ ಡ್ಯಾಮೇಜ್​ ಆಗುತ್ತೆ ಎಂದು ತಮಾಷೆ ಮಾಡಿದ್ದಾರೆ. ವಿಲನ್​ ಪಾತ್ರಗಳಲ್ಲಿ ಮಿಂಚಿರುವ ನಟ ವಿಜಯ್​ ಸೇತುಪತಿಗೆ ಪುಷ್ಪ ಸಿನಿಮಾದಲ್ಲಿಯೂ ಖಳನಾಯಕನ ಪಾತ್ರಕ್ಕೆ ಆಫರ್​ ನೀಡಲಾಗಿತ್ತು. ಆದರೆ ಅವರು ಅದನ್ನು ತಿರಸ್ಕರಿಸಿದ್ದಾರೆ ಎಂಬ ಸುದ್ದಿ ಜಾಲತಾಣಗಳಲ್ಲಿ ಹರಿದಾಡಿತ್ತು. ಅದನ್ನು ಸದ್ಯ ನಟ ವಿಜಯ್​ ಸೇತುಪತಿ ಈ ವಿಷಯವನ್ನು ನಯವಾಗಿ ತಳ್ಳಿಹಾಕಿದ್ದಾರೆ. (ಏಜೆನ್ಸೀಸ್​​)

https://www.vijayavani.net/woman-passenger-bites-crew-member-after-ruckus-on-plane