ಈ ಕೆಲಸ ನನ್ನದಲ್ಲ.. ನಾನು ಜವಾಬ್ದಾರಳಲ್ಲ; ಅಭಿಮಾನಿಗಳಿಗೆ ಬಾಲಿವುಡ್​ ನಟಿ ವಿದ್ಯಾಬಾಲನ್​ ಕೊಟ್ಟ ಸಂದೇಶವೇನು? | Vidya Balan

ಮುಂಬೈ: ಬಾಲಿವುಡ್​ ನಟಿಯರ AI ಮತ್ತು ಡೀಪ್‌ಫೇಕ್ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದವು. ರಶ್ಮಿಕಾ ಮಂದಣ್ಣರಿಂದ ಹಿಡಿದು ಕತ್ರಿನಾ ಕೈಫ್ ಮತ್ತು ಆಲಿಯಾ ಭಟ್​ವರೆಗೆ ಅನೇಕ ನಟಿಯರು ನಕಲಿ AI ಮತ್ತು ಡೀಪ್‌ಫೇಕ್ ವಿಡಿಯೋಗಳಿಗೆ ಬಲಿಯಾಗಿದ್ದಾರೆ. ಈಗ ನಕಲಿ AI ಮತ್ತು ಡೀಪ್‌ಫೇಕ್ ವಿಡಿಯೋದ ಇತ್ತೀಚಿನ ಬಲಿಪಶು ಬಿಟೌನ್​ ನಟಿ ವಿದ್ಯಾ ಬಾಲನ್(Vidya Balan).

ಇದನ್ನು ಓದಿ: ಮಹಾಕುಂಭದಲ್ಲಿ ನಟಿ ಕತ್ರಿನಾ ಕೈಫ್ ಪುಣ್ಯಸ್ನಾನ; ವಿಡಿಯೋ ಮಾಡ್ಡಿದ್ದ ಹುಡುಗರಿಗೆ ರವೀನಾ ಟಂಡನ್​​ ಕ್ಲಾಸ್​​​​ | Raveena Tandon

ವಿದ್ಯಾ ಬಾಲನ್​ ಅವರ ನಕಲಿ ಕೃತಕ ಬುದ್ಧಿಮತ್ತೆ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು ಇದನ್ನು ನೋಡಿ ನಟಿ ಆಘಾತಕ್ಕೊಳಗಾಗಿದ್ದಾರೆ. ಅವರು ತಕ್ಷಣ ಅಭಿಮಾನಿಗಳಿಗೆ ಈ ಬಗ್ಗೆ ಮಾಹಿತಿ ನೀಡಿ ಎಚ್ಚರಿಸಿದ್ದಾರೆ. ವಿದ್ಯಾ ಬಾಲನ್ ತಮ್ಮ ನಕಲಿ AI ವಿಡಿಯೋವನ್ನು ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಅವರು ಹಗರಣದ ಎಚ್ಚರಿಕೆಯ ಬಗ್ಗೆ ಎಚ್ಚರಿಸುತ್ತಾ, ಪ್ರಸ್ತುತ ಸಾಮಾಜಿಕ ಜಾಲತಾಣ ಮತ್ತು ವಾಟ್ಸ್ಯಾಪ್‌ನಲ್ಲಿ ಅನೇಕ ವಿಡಿಯೋಗಳು ವೈರಲ್ ಆಗುತ್ತಿವೆ. ಅದರಲ್ಲಿ ನಾನು ಕಾಣಿಸಿಕೊಳ್ಳುತ್ತೇನೆ ಎಂದು ಬರೆದಿದ್ದಾರೆ. ಆದರೆ ಈ ವಿಡಿಯೋಗಳು AI- ರಚಿತ ಮತ್ತು ನಕಲಿ ಎಂದು ನಾನು ಸ್ಪಷ್ಟಪಡಿಸಲು ಬಯಸುತ್ತೇನೆ ಎಂದು ಅಭಿಮಾನಿಗಳಿಗೆ ಮಾಹಿತಿ ನೀಡಿದ್ದಾರೆ.

ಇವುಗಳನ್ನು ಸೃಷ್ಟಿವಲ್ಲಿ ಅಥವಾ ಪ್ರಚಾರ ಮಾಡುವಲ್ಲಿ ನನ್ನ ಪಾತ್ರವಿಲ್ಲ. ಅಂತಹ ವಿಡಿಯೋಗಳ ತಯಾರಿಕೆಯನ್ನು ನಾನು ಪ್ರಚಾರ ಮಾಡುವುದಿಲ್ಲ ಎಂದು ವಿದ್ಯಾ ಬರೆದಿದ್ದಾರೆ. ನಾನು ಇದನ್ನು ಯಾವುದೇ ರೀತಿಯಲ್ಲಿ ಬೆಂಬಲಿಸುವುದಿಲ್ಲ. ವಿಡಿಯೋದಲ್ಲಿ ಮಾಡಲಾದ ಯಾವುದೇ ಹಕ್ಕುಗಳಿಗೆ ನಾನು ಜವಾಬ್ದಾರಳಲ್ಲ. ನನ್ನ ಅಭಿಪ್ರಾಯಗಳು ಅಥವಾ ಕೆಲಸವನ್ನು ಪ್ರತಿಬಿಂಬಿಸದ ಕಾರಣ ಮಾಡಲಾದ ಬೇಡಿಕೆಗೂ ನನಗೂ ಯಾವುದೇ ಸಂಬಂಧವಿಲ್ಲ. ಮಾಹಿತಿಯನ್ನು ಹಂಚಿಕೊಳ್ಳುವ ಮೊದಲು ಅದನ್ನು ಪರಿಶೀಲಿಸುವಂತೆ ಮತ್ತು ದಾರಿತಪ್ಪಿಸುವ AI- ರಚಿತವಾದ ವಿಷಯದ ಬಗ್ಗೆ ಎಚ್ಚರದಿಂದಿರಿ ಎಂದು ನಾನು ಎಲ್ಲರನ್ನೂ ಕೋರುತ್ತೇನೆ ಎಂದಿದ್ದಾರೆ.

ಈ ವಿಡಿಯೋ ನೋಡಿ ಅಭಿಮಾನಿಗಳು ಕೂಡ ಅಚ್ಚರಿಗೊಂಡಿದ್ದಾರೆ. ವಿಡಿಯೋ ನೋಡಿದಾಗ ಅದು AI ನಕಲಿ ವಿಡಿಯೋ ಅಥವಾ ನಿಜವೋ ಎಂದು ಕಂಡುಹಿಡಿಯುವುದು ಕಷ್ಟವಾಗುತ್ತದೆ. ವಿದ್ಯಾ ಬಾಲನ್ ಕೊನೆಯ ಬಾರಿಗೆ 'ಭೂಲ್ ಭುಲೈಯಾ 3' ಚಿತ್ರದಲ್ಲಿ ಕಾರ್ತಿಕ್ ಆರ್ಯನ್, ಮಾಧುರಿ ದೀಕ್ಷಿತ್ ಮತ್ತು ತ್ರಿಪ್ತಿ ದಿಮ್ರಿ ಅವರೊಂದಿಗೆ ಕಾಣಿಸಿಕೊಂಡರು. ಕಳೆದ ವರ್ಷ ದೀಪಾವಳಿಗೆ ಬಿಡುಗಡೆಯಾದ ಈ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಭಾರಿ ಯಶಸ್ಸನ್ನು ಕಂಡಿತು.(ಏಜೆನ್ಸೀಸ್​​)

https://www.vijayavani.net/javed-akhtar-reveals-his-plan-after-kangana-ranauts-apology-in-defamation-case