ನಾಸಾ ಗಗನಯಾತ್ರಿ ಹಂಚಿಕೊಂಡ ಬಾಹ್ಯಾಕಾಶದ Video Viral; ಇದು Fake ಎಂದ ನೆಟ್ಟಿಗರು

ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದ (ISS) ಗಗನಯಾತ್ರಿಯೊಬ್ಬರು ಇತ್ತೀಚೆಗೆ ಅದ್ಭುತವಾದ ಕಾಸ್ಮಿಕ್ ವಿದ್ಯಮಾನದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ(Video Viral). ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯನ್ನು ಹುಟ್ಟುಹಾಕಿದೆ.

ಇದನ್ನು ಓದಿ: ಸ್ಟ್ರೆಚರ್‌ನಲ್ಲಿ ಮಲಗಿ ವಿಮಾನ ಪ್ರಯಾಣ ಮಾಡಿದ ಮಹಿಳೆ; ಕಾರಣ ಹೀಗಿದೆ | Video Viral

ಬಾಹ್ಯಾಕಾಶದ ಈ ವಿಸ್ಮಯಕಾರಿ ನೋಟವನ್ನು ಜನವರಿ 6, 2025ರಂದು. ಅರೋರಾ ಮೇಲೆ ಹಾರುವುದು; ಗಾಢ ಹಸಿರು ಎಂದು ಶೀರ್ಷಿಕೆ ನೀಡಿ ಹಂಚಿಕೊಳ್ಳಲಾಗಿದೆ. ಆದರೆ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ಇದನ್ನು ಕೃತಕ ಬುದ್ಧಿಮತ್ತೆ (AI) ಸಹಾಯದಿಂದ ಮಾಡಲಾಗಿದೆ ಎಂದು ಹೇಳುತ್ತಿದ್ದಾರೆ. ಐಎಸ್‌ಎಸ್ ಭೂಮಿಯ ಮೇಲ್ಮೈಗೆ ಅಷ್ಟು ಹತ್ತಿರ ಬರಲು ಸಾಧ್ಯವಿಲ್ಲ ಎಂಬುದು ಅವರ ಅಭಿಪ್ರಾಯವಾಗಿದೆ. ಅರೋರಾದ ಕಡು ಹಸಿರು ಬಣ್ಣವನ್ನು ಅಷ್ಟು ಸ್ಪಷ್ಟವಾಗಿ ಕಾಣಬಹುದು.

ಅರೋರಾ ಎಂದರೇನು?

ಉತ್ತರ ದೀಪಗಳು ಎಂದೂ ಕರೆಯಲ್ಪಡುವ ಅರೋರಾಗಳು ಸೂರ್ಯನಿಂದ ಬರುವ ಚಾರ್ಜ್ಡ್ ಕಣಗಳು ಮತ್ತು ಭೂಮಿಯ ವಾತಾವರಣದಲ್ಲಿರುವ ಪರಮಾಣುಗಳ ನಡುವಿನ ಘರ್ಷಣೆಯಿಂದ ಉಂಟಾಗುತ್ತವೆ. ಈ ಪ್ರಕ್ರಿಯೆಯಲ್ಲಿ ಶಕ್ತಿಯು ಬೆಳಕಿನ ರೂಪದಲ್ಲಿ ಬಿಡುಗಡೆಯಾಗುತ್ತದೆ. ಹಸಿರು, ನೀಲಿ ಮತ್ತು ಕೆಂಪು ಬಣ್ಣಗಳ ಸುಂದರವಾದ ಮಾದರಿಗಳನ್ನು ರಚಿಸುತ್ತದೆ. ಆಮ್ಲಜನಕದ ಪರಮಾಣುಗಳು ನಿರ್ದಿಷ್ಟ ಎತ್ತರದಲ್ಲಿ ಪ್ರತಿಕ್ರಿಯಿಸಿದಾಗ ಹಸಿರು ಬಣ್ಣವು ವಿಶೇಷವಾಗಿ ರೂಪುಗೊಳ್ಳುತ್ತದೆ. ಭೂಮಿಯ ಆಯಸ್ಕಾಂತೀಯ ಕ್ಷೇತ್ರವು ಈ ಕಣಗಳನ್ನು ನಮ್ಮ ಮೇಲ್ಮೈಯನ್ನು ತಲುಪದಂತೆ ತಡೆಯುತ್ತದೆ.

ಅರೋರಾವನ್ನು ಎಲ್ಲಿ ನೋಡಬಹುದು?

ನಾರ್ದರ್ನ್ ಲೈಟ್ಸ್ ತಜ್ಞರ ಪ್ರಕಾರ, ಸ್ವೀಡನ್, ಫಿನ್ಲ್ಯಾಂಡ್, ಐಸ್ಲ್ಯಾಂಡ್, ಸ್ಕಾಟ್ಲೆಂಡ್, ಉತ್ತರ ಐರ್ಲೆಂಡ್ ಮತ್ತು ಇಂಗ್ಲೆಂಡ್‌ನಂತಹ ಯುರೋಪಿಯನ್ ದೇಶಗಳಲ್ಲಿ ಸೆಪ್ಟೆಂಬರ್ ಅಂತ್ಯದಿಂದ ಮಾರ್ಚ್ ಮಧ್ಯದವರೆಗೆ ಅರೋರಾವನ್ನು ಕಾಣಬಹುದು. ಈ ವಿದ್ಯಮಾನವು ವಿಜ್ಞಾನ ಮತ್ತು ಪ್ರಕೃತಿಯ ಮಾಂತ್ರಿಕತೆಯ ಅದ್ಭುತ ಉದಾಹರಣೆಯಾಗಿದೆ. ಆದರೆ ಗಗನಯಾತ್ರಿ ಹಂಚಿಕೊಂಡ ವಿಡಿಯೋ ಕುರಿತು ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆ ಮುಂದುವರೆದಿದೆ.

https://www.vijayavani.net/video-viral-elephant-return-the-shoes-of-the-kid-that-accidently-fell-in-his-enclosure