ಭಾರೀ ಮಳೆ; ಕುತ್ತಿಗೆವರೆಗೂ ಹರಿಯುವ ನೀರಿಗಿಳಿದು ಮಗು ರಕ್ಷಣೆ! ಅಯ್ಯೋ.. ಕಣ್ಣೀರು ತರಿಸುವ ವಿಡಿಯೋ ಇದು

ವಿಜಯವಾಡ: ವರುಣನ ಆರ್ಭಟ ಅವಾಂತರ ಸೃಷ್ಟಿಯಾಗಿದೆ. ಕೆರೆ-ಕಟ್ಟೆಗಳು ತುಂಬಿ ಹರಿದವು. ಭಾರೀ ಪ್ರವಾಹದಿಂದಾಗಿ ಹಲವು ಕಾಲೋನಿಗಳಲ್ಲಿ ರಾತ್ರಿಯಿಡೀ ಭಾರಿ ನೀರು ಬಂದಿದೆ. ಈ ಭಾರಿ ಮಳೆಯಲ್ಲಿ ವಿಜಯವಾಡದಲ್ಲಿ ಕುತ್ತಿಗೆವರೆಗೂ ನೀರಿನಲ್ಲಿ ಮನಕಲಕುವ ದೃಶ್ಯವೊಂದು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

ರಾತ್ರಿಯಿಡೀ ಸುರಿದ ಭಾರಿ ಮಳೆಯಿಂದಾಗಿ ಹಲವು ಅಪಾರ್ಟ್‌ಮೆಂಟ್‌ಗಳು ನೀರಿನಲ್ಲಿ ಮುಳುಗಿವೆ. ಮೂರು ಅಂತಸ್ತಿನ ಕಟ್ಟಡಗಳು ಕೂಡ ಪ್ರವಾಹದ ನೀರಿನಲ್ಲಿ ಮುಳುಗಿವೆ. ಜನರು ಜೀವ ಕೈಯಲ್ಲಿ ಹಿಡಿದುಕೊಂಡು ಜೀವನ ನಡೆಸುತ್ತಿದ್ದಾರೆ.

ನವಜಾತ ಶಿಶುವಿನಿಂದ ಹಿಡಿದು ಮಕ್ಕಳು, ಮುದುಕರು, ಅಂಗವಿಕಲರು, ಮಕ್ಕಳು, ಗರ್ಭಿಣಿಯರು ಹಾಗೂ ವೃದ್ಧರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಿ ರಕ್ಷಿಸಲಾಗಿದೆ. ಮೂರು ದಿನ ಕಳೆದರೂ ಪ್ರವಾಹ ಸ್ವಲ್ಪ ಕಡಿಮೆ ಆಗುತ್ತಿದ್ದಂತೆ ಕೆಲವರು ಕಾಲ್ನಡಿಗೆಯಲ್ಲಿ ಬರುತ್ತಿದ್ದಾರೆ. ಇನ್ನು ಕೆಲವರು ಎನ್‌ಡಿಆರ್‌ಎಫ್ ಮತ್ತು ಎಸ್‌ಡಿಆರ್‌ಎಫ್ ನೆರವಿನಿಂದ ಬದುಕುಳಿದಿದ್ದಾರೆ. ಅದರಲ್ಲೂ ವೃದ್ಧರು, ಮಕ್ಕಳಿಗೆ ಸರಿಯಾದ ಆಹಾರವಿಲ್ಲ. ಹಿನ್ನಲೆಯಲ್ಲಿ ಹೃದಯ ವಿದ್ರಾವಕ ದೃಶ್ಯ ಕಂಡುಬಂತು.

ಸಿಂಗ್‌ನಗರದಲ್ಲಿ ಮಗುವನ್ನು ಟಬ್‌ನಲ್ಲಿ ಇರಿಸಿ ಪ್ಲಾಸ್ಟಿಕ್ ಹಾಳೆಯ ಮೇಲೆ ಇರಿಸಿ ಪ್ರವಾಹದ ಮೂಲಕ ಮತ್ತೊಂದು ಪ್ರದೇಶಕ್ಕೆ ಕೊಂಡೊಯ್ಯಲಾಯಿತು. ಮಗು ನಿದ್ದೆ ಮಾಡುತ್ತಿತ್ತು. ಸುತ್ತಲೂ ನೀರು ಹರಿಯುತ್ತಿತ್ತು. ಮಗು ಮಲಗಿದ್ದ ಟಬ್​​ನ ಇಬ್ಬರು ತಳ್ಳಿಕೊಂಡು ಸುರಕ್ಷಿತ ಸ್ಥಳಕ್ಕೆ ಕರೆದೊಯ್ಯುತ್ತಿದ್ದರು. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇದನ್ನು ನೋಡಿದ ನೆಟ್ಟಿಗರು ಕಣ್ಣೀರು ಹಾಕುತ್ತಿದ್ದಾರೆ. ಇನ್ನು ಕೆಲವರು ಇದು ಹೃದಯ ವಿದ್ರಾವಕ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.

https://www.vijayavani.net/sweden-says-kids-under-age-2-should-be-banned-from-watching-tv-or-any-screen

https://www.vijayavani.net/we-are-in-flood-please-help