ತನ್ವೀರ್ ಅಹಮದ್ ಕಳೆದ ಕೆಲವು ದಿನಗಳಿಂದ ನಿರಶನ ಸತ್ಯಾಗ್ರಹ ಮಾಡುತ್ತಿದ್ದು, ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಎಲ್ಲೆಲ್ಲಿ ಪಾಕಿಸ್ತಾನದ ಧ್ವಜ ಇದೆಯೋ ಅವೆಲ್ಲವನ್ನೂ ತೆರವುಗೊಳಿಸಬೇಕು ಎಂಬ ಆಗ್ರಹ ಅವರದ್ದು. ಆಗಸ್ಟ್ 20ರಂದು ಈ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಒಂದನ್ನು ಪ್ರಕಟಿಸಿದ್ದ ಅವರು, ಪಾಕಿಸ್ತಾನದ ರಹಸ್ಯ ಏಜೆನ್ಸಿ, ಕಾರ್ಯಸೂಚಿಯನ್ನು ಮೀರಿ ನಿಲ್ಲುವ ಶಕ್ತಿ ಪಿಒಕೆಯ ಆಡಳಿತಕ್ಕೆ ಇಲ್ಲ. 24 ಗಂಟೆಯೂ ಅವರ ಪಹರೆಯಲ್ಲಿಯೇ ಬದುಕುಸಾಗಿಸಬೇಕಾಗಿದೆ. ಇದರಿಂದ ಹೊರಬಂದು ತಟಸ್ಥ ಪ್ರದೇಶವಾಗಿರುವ ಪಿಒಕೆಯಲ್ಲಿರುವ ವಿದೇಶಿ ಸಂಕೇತಗಳು ಏನೇನಿವೆಯೋ ಅವೆಲ್ಲವನ್ನೂ 48 ಗಂಟೆಗಳ ಒಳಗೆ ತೆರವುಗೊಳಿಸಬೇಕು ಎಂದು ಆಗ್ರಹಿಸಿದ್ದರು.
