ತನ್ನ ವಿವಾದಾತ್ಮಕ ಹೇಳಿಕೆ, ಭವಿಷ್ಯವಾಣಿಗಳಿಂದಲೇ ಟಾಲಿವುಡ್ ಅಂಗಳದಲ್ಲಿ ಆಗಾಗ್ಗೆ ಸದ್ದು ಮಾಡುವ ಜೋತಿಷಿ ವೇಣು ಸ್ವಾಮಿ, ನಾಗಚೈತನ್ಯ ಮತ್ತು ಶೋಭಿತಾ ಮದುವೆ ಸಂಬಂಧದ ಬಗ್ಗೆ ಭವಿಷ್ಯ ನುಡಿಯುವ ಮೊದಲು ಹೇಳಿದ್ದ ಹಲವಾರು ಕಾಂಟ್ರೋವರ್ಸಿ ಭವಿಷ್ಯಗಳು ಅಷ್ಟಾಗಿ ಗಂಭೀರ ಸ್ವರೂಪ ಪಡೆದುಕೊಂಡಿರಲಿಲ್ಲ. ಆದರೆ, ನವ ಜೋಡಿಗಳ ಹೊಸ ಬಾಳು ಶುರುವಾಗುವ ಮುನ್ನವೇ ಅವರಿಬ್ಬರ ಸಂಬಂಧ ಒಂದು ಹೆಣ್ಣಿನ ಮಧ್ಯಪ್ರವೇಶದಿಂದ 2027ರಲ್ಲಿ ಮುರಿದುಬೀಳಲಿದೆ ಎಂದು ಶಾಕಿಂಗ್ ಮುನ್ಸೂಚನೆ ನೀಡಿದ ಬೆನ್ನಲ್ಲೇ ಈ ಬೆಳವಣಿಗೆ ಮುನ್ನೆಲೆಗೆ ಬಂದಿತು. ವೇಣು ಹೇಳಿಕೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗ್ತಿದ್ದಂತೆ ಎಚ್ಚೆತ್ತುಕೊಂಡ ತೆಲುಗು ಚಲನಚಿತ್ರ ಪತ್ರಕರ್ತರ ಸಂಘ, ಸ್ವಾಮಿ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಈ ಪ್ರಕರಣದ ವಿಚಾರಣೆ ಇದೀಗ ಕೋರ್ಟ್ನಲ್ಲಿ ನಡೆಯುತ್ತಿದೆ.
