"ಚಿರಂಜೀವಿ ಇಲ್ಲದಿದ್ದರೆ ನಾನು ಹಿಮಾಲಯಕ್ಕೆ ಹೋಗ್ತಿದ್ದೆ….."; ಅಸಲಿಗೆ ವಿಕ್ಟರಿ ವೆಂಕಟೇಶ್ ಹೇಳಿದ್ದೇನು?

ಆಂಧ್ರಪ್ರದೇಶ: ಟಾಲಿವುಡ್​ನ ಹಿರಿಯ ನಟ ವಿಕ್ಟರಿ ವೆಂಕಟೇಶ್​ ಅವರ ಸುದೀರ್ಘ ಸಿನಿಪಯಣವನ್ನು ಸಂಭ್ರಮಿಸಲು ಬುಧವಾರ ಹೈದರಾಬಾದ್​ನಲ್ಲಿ ವಿಶೇಷ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಕಾರ್ಯಕ್ರಮಕ್ಕೆ ತೆಲುಗು ಚಿತ್ರರಂಗದ ದಿಗ್ಗಜರಾದ ಮೆಗಾಸ್ಟಾರ್​ ಚಿರಂಜೀವಿ, ಬ್ರಹ್ಮಾನಂದಂ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು. ಈ ವೇಳೆ ಹಲವು ಕುತೂಹಲಕಾರಿ ಸಂಗತಿಗಳನ್ನು ಹಂಚಿಕೊಳ್ಳುತ್ತಿದ್ದ ವೆಂಕಟೇಶ್​, ಚಿರಂಜೀವಿ ಇಲ್ಲದಿದ್ದರೆ ನಾನು ಹಿಮಾಲಯಕ್ಕೆ ಹೋಗಿರುತ್ತಿದ್ದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಕನ್ನಡಿಗ ಕೆಎಲ್ ರಾಹುಲ್ ಆಟಕ್ಕೆ ಕ್ರಿಕೆಟ್ ದಿಗ್ಗಜರ ಮೆಚ್ಚುಗೆ: ಸಂಕಟ್ ಮೋಚನ್ ಎಂದ ಪಠಾಣ್

ತೆಲುಗು ಚಿತ್ರರಂಗದಲ್ಲಿ ವೆಂಕಿ ಮಾಮಾ ಎಂದು ಪ್ರೀತಿಯಿಂದ ಕರೆಯಲ್ಪಡುವ ನಟ ವೆಂಕಟೇಶ್ ಅವರ ಗಮನಾರ್ಹ ಸಿನಿ ಜರ್ನಿಯನ್ನು ಮೆಲುಕು ಹಾಕಲು ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಚಿತ್ರರಂಗದ ಅನೇಕ ನಟ-ನಟಿಯರು ಭಾಗಿಯಾಗಿದ್ದರು. ಕಾರ್ಯಕ್ರಮಕ್ಕೆ ಆಗಮಿಸಿದ್ದ ಗಣ್ಯರನ್ನು ಉದ್ದೇಶಿಸಿ ಮಾತನಾಡಿದ ವೆಂಕಟೇಶ್, ಚಿರಂಜೀವಿ ಇಲ್ಲದಿದ್ದರೆ ನಾನು ಹಿಮಾಲಯಕ್ಕೆ ಹೋಗುತ್ತಿದ್ದೆ ಎಂದು ಹಾಸ್ಯಮಯವಾಗಿ ಹೇಳಿದರು.

ತಮ್ಮ ಹೇಳಿಕೆಯನ್ನು ಮುಂದುವರೆಸಿದ ವೆಂಕಟೇಶ್​, 9 ವರ್ಷಗಳ ಬ್ರೇಕ್ ನಂತರ ಚಿರಂಜೀವಿ ಅಭಿನಯದ ಬ್ಲಾಕ್ಬಸ್ಟರ್ ಹಿಟ್​ ಖೈದಿ ನಂ. 150 ಗಳಿಸಿದ ಚಪ್ಪಾಳೆ, ಅಭಿಮಾನಿಗಳ ರೆಸ್ಪಾನ್ಸ್​​ ನೋಡಿದ ಮೇಲೆ ಸಿನಿಪ್ರೇಕ್ಷಕರನ್ನು ಮನರಂಜಿಸಲು ಮುಂದುವರಿಸಲು ನಿರ್ಧರಿಸಿದೆ ಎಂದು ಹೇಳಿಕೊಂಡರು. ನಟನ ಈ ಮಾತುಗಳಿಗೆ ಗಣ್ಯರು ಶುಭಕೋರಿದ್ದಾರೆ.

ಇದನ್ನೂ ಓದಿ: ಲೋಕ ಸಮರ ಕೈ-ಕಮಲ ಸಜ್ಜು; ಜನವರಿ ಅಂತ್ಯಕ್ಕೆ ಹಲವು ಕ್ಷೇತ್ರಗಳಿಗೆ ಬಿಜೆಪಿ ಟಿಕೆಟ್ ಘೋಷಣೆ ನಿರೀಕ್ಷೆ

ವೆಂಕಟೇಶ್ ಅವರ ಮುಂಬರುವ ಪ್ಯಾನ್ ಇಂಡಿಯಾ ಸಿನಿಮಾ, ಸೈಲೇಶ್ ಕೊಲನು ನಿರ್ದೇಶನದ 'ಸೈಂಧವ್'  ಜನವರಿ 13, 2024 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆಕಾಣಲು ಸಜ್ಜಾಗಿದೆ,(ಏಜೆನ್ಸೀಸ್).

https://www.vijayavani.net/ayodhya-railway-station-renamed-as-ayodhya-dham-junctio