ನವದೆಹಲಿ: ಸರ್ಕಾರದ ನಗರೀಕರಣ ಅಂಕಿಅಂಶಕ್ಕೂ ವಾಸ್ತವಕ್ಕೂ ವ್ಯತ್ಯಾಸ ಇದೆ ಎಂದು ವಿಶ್ವಬ್ಯಾಂಕ್ ಹೇಳಿದೆ. ಭಾರತ 2011ರ ನಗರೀಕರಣ ಪ್ರಮಾಣ ಶೇಕಡಾ 31.2 ಎಂದು ಸರ್ಕಾರ ಅಂದಾಜಿಸಿದೆ. ಆದರೆ, ಇದರ ಪ್ರಮಾಣ ಶೇಕಡಾ 29.9 ಎಂದು ವಿಶ್ವಬ್ಯಾಂಕ್ನ ವರದಿ ತಿಳಿಸಿದೆ. ಅಲ್ಲದೆ, ಭಾರತದ ಜನಸಂಖ್ಯೆ ಅಂದಾಜಿಗೂ ವಿಶ್ವಬ್ಯಾಂಕ್ನ ಅಂಕಿಅಂಶಕ್ಕೂ ಗಮನಾರ್ಹ ವ್ಯತ್ಯಾಸವಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ. ಒಡಿಶಾ, ಗುಜರಾತ್ ಮತ್ತು ರಾಜಸ್ಥಾನಗಳ ನಗರ ಜನಸಂಖ್ಯೆಯಲ್ಲಿ ಅಧಿಕೃತ ಅಂದಾಜಿಗಿಂತ ಸುಮಾರು 15 ಲಕ್ಷ ಕಡಿಮೆ ಇದೆ. ಈ ಅಂತರ ತಮಿಳುನಾಡಿನಲ್ಲಿ 66 ಲಕ್ಷ ಇದ್ದು, ಮಧ್ಯಪ್ರದೇಶದಲ್ಲಿ 39 ಲಕ್ಷ ಇದೆ ಎಂದು ವಿಶ್ವಬ್ಯಾಂಕ್ ತಿಳಿಸಿದೆ.
