ಎರಡು ತಾಸುಗಳ ಚಿತ್ರವಾದರೂ, ಕೆಲವೊಮ್ಮೆ ನಿಧಾನ ಎನಿಸಬಹುದು. ಶ್ರೀಕಾಂತ್ ಕೊಪ್ಪ ಸಂಗೀತದಲ್ಲಿ ರೊಮ್ಯಾಂಟಿಕ್ ಸಾಂಗ್ ಸೊಗಸಾಗಿದೆ. ವಿನು ಮನಸು ಹಿನ್ನೆಲೆ ಸಂಗೀತ ಕಥೆಗೆ ಪೂರಕವಾಗಿದೆ. ಪೊಲೀಸ್ ಅಧಿಕಾರಿಯಾಗಿ ಪ್ರಮೋದ್ ಶೆಟ್ಟಿ ತಮ್ಮ ಕೆಲಸವನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದ್ದಾರೆ. ಕಲ್ಯಾಣಿ ಪಾತ್ರದಲ್ಲಿ ವೈಜಯಂತಿ ಅಡಿಗ ಇಷ್ಟವಾಗುತ್ತಾರೆ. ಕೃಷ್ಣ ಭಟ್ ಪಾತ್ರದಲ್ಲಿ ಯಕ್ಷಗಾನ ಕಲಾವಿದನಾಗಿ ಅಬ್ಬರಿಸುವ ರವೀಶ್ ಹೆಗ್ಡೆ, ವೇಷ ಬದಲಿಸಿದ ಬಳಿಕ ಮಂಕಾಗುತ್ತಾರೆ. ಅವರಿಗೆ ಪಾತ್ರ ಆವರಿಸಿಕೊಳ್ಳಲು ಮತ್ತಷ್ಟು ಅವಕಾಶವಿತ್ತು. ನಾಯಕಿ ಮಾವನಾಗಿ ರಮೇಶ್ ಭಟ್, ಹುಡುಗನಂತಾಡುವ ಹುಡುಗಿ ನಯನಾ ಪಾತ್ರದಲ್ಲಿ ನಾಗಶ್ರೀ, ಆಕೆಯ ತಂದೆಯಾಗಿ ರಮೇಶ್ ಪಂಡಿತ್, ದೊಡ್ಡಪ್ಪನಾಗಿ ಬಾಬು ಹಿರಣ್ಣಯ್ಯ, ಯಕ್ಷಗಾನ ಕಲಾವಿದ ವೆಂಕಪ್ಪ ಹೆಗ್ಡೆಯಾಗಿ ಪ್ರಸನ್ನ ಶೆಟ್ಟಿಗಾರ್ ಗಮನ ಸೆಳೆಯುತ್ತಾರೆ.
