ಮಲೇರಿಯಾ ಮಾತ್ರೆ ಕರೊನಾ ನಿವಾರಿಸುವುದು ಅಮೆರಿಕಕ್ಕೇಕೆ ಬೇಕಿಲ್ಲ...?

ನವದೆಹಲಿ: ಸದ್ಯ ಕರೊನಾ ಚಿಕಿತ್ಸೆಗಾಗಿ ಬಳಸಲಾಗುವ ಔಷಧಗಳಲ್ಲಿ ಮಲೇರಿಯಾ ನಿವಾರಕ ಮಾತ್ರೆ ಹೈಡ್ರೊಕ್ಸಿಕ್ಲೋರೋಕ್ಸಿನ್​ ಹಾಗೂ ಕ್ಲೋರೋಕ್ವಿನ್​ ಕೂಡ ಪ್ರಮುಖವಾಗಿದೆ. ಭಾರತದ ಈ ಮಾತ್ರೆಗಳನ್ನು ವಿಶ್ವದ 120ಕ್ಕೂ ಅಧಿಕ ರಾಷ್ಟ್ರಗಳಿಗೆ ಪೂರೈಕೆ ಮಾಡಲಾಗುತ್ತಿದೆ.
ಭಾರತದಲ್ಲಿ ಕರೊನಾದ ಆರಂಭಿಕ ಹಂತದ ಹಾಗೂ ತೀವ್ರ ಸ್ವರೂಪದ ಅನಾರೋಗ್ಯಕ್ಕೆ ಒಳಗಾದವರಿಗೆ ಇದನ್ನು ನೀಡಲಾಗುತ್ತಿದೆ. ಜತೆಗೆ ಇದು ಅತ್ಯಂತ ಕಡಿಮೆ ಬೆಲೆಯ ಮಾತ್ರೆಯಾಗಿದೆ.

ಈ ಮಾತ್ರೆ ಬಳಕೆಯಿಂದ ಅಡ್ಡಪರಿಣಾಮಗಳಾಗುತ್ತವೆ ಎಂದು ವರದಿಯಾದ ಹಿನ್ನೆಲೆಯಲ್ಲಿ ವಿಶ್ವ ಆರೋಗ್ಯ ಸಂಸ್ಥೆ ಕೂಡ ಇದನ್ನು ಶಿಫಾರಸು ಮಾಡುವುದರಿಂದ ಹಿಂದೆ ಸರಿದಿತ್ತು. ಆದರೆ, ರೋಗಿಗೆ ಮಾರಕವಾಗಿ ಪರಿಣಮಿಸಬಲ್ಲುದು ಎಂದು ಉಲ್ಲೇಖಿಸಿದ ವರದಿಯೇ ವಿಶ್ವಾಸಾರ್ಹವಾಗಿಲ್ಲ ಎಂದು ಅಭಿಪ್ರಾಯ ಪಟ್ಟ ವಿಶ್ವ ಆರೋಗ್ಯ ಸಂಸ್ಥೆ ಮತ್ತೆ ಈ ಮಾತ್ರೆ ಬಗ್ಗೆ ಸಾಲಿಡಾರಿಟಿ ಟ್ರಯಲ್​ ಆರಂಭಿಸಿದೆ.

ಇದನ್ನೂ ಓದಿ; ಮಗಳ ಮದುವೆಯಲ್ಲಿ ಕೇರಳ ಸಿಎಂಗೆ ಮುಜುಗರ; ಗೃಹ ಇಲಾಖೆ ವೈಫಲ್ಯ ಪಕ್ಷಕ್ಕೂ ಕಿರಿಕಿರಿ

ಈ ನಡುವೆ, ಕರೊನಾ ರೋಗಿಗಗಳಿಗೆ ಈ ಮಾತ್ರೆಯನ್ನು ತುರ್ತು ಸಂದರ್ಭದಲ್ಲಿ ನೀಡುವುದನ್ನು ಅಮೆರಿಕ ಆಹಾರ ಮತ್ತು ಔಷಧ ಇಲಾಖೆ ರದ್ದು ಪಡಿಸಿದೆ. ಹೈಡ್ರೊಕ್ಸಿಕ್ಲೋರೋಕ್ಸಿನ್​ ಹಾಗೂ ಕ್ಲೋರೋಕ್ವಿನ್​ ಕರೊನಾಗೆ ಮದ್ದಲ್ಲ, ಜತೆಗೆ ಇದರಿಂದ ಅಡ್ಡಪರಿಣಾಮಗಳು ಉಂಟಾಗುತ್ತಿವೆ ಎಂದು ಹೇಳಿದೆ. ಆದರೆ ಅಮೆರಿಕದ ಸಂಸ್ಥೆಗಳೇ ಇವೆರಡು ಮಾತ್ರೆಗಳ ಉಪಯೋಗವನ್ನು ಅರಿಯುವಲ್ಲಿ ಸಫಲವಾಗಿಲ್ಲ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಈ ಹಿಂದೆ ಹೇಳಿದ್ದರು.

ಇದನ್ನೂ ಓದಿ; ಭಾರತಕ್ಕೆ ಪಾಕಿಸ್ತಾನಕ್ಕಿಂತಲೂ ದೊಡ್ಡ ಗಡಿ ತಂಟೆಕೋರ ಚೀನಾ….! 

ಅಮೆರಿಕದ ಈ ಕ್ರಮದ ಹಿಂದೆ ಹುನ್ನಾರವಿದೆ ಎಂದೇ ವಿಶ್ಲೇಷಿಸಲಾಗಿದೆ. ಸದ್ಯ ಕರೊನಾಗೆ ಭಾರಿ ಪ್ರಯೋಜನಕಾರಿ ಎಂದು ಬಿಂಬಿಸಲಾಗಿರುವ ರೆಮ್​ಡೆಸಿವಿರ್​ ಎಂಬ ಲಸಿಕೆ ಅಮೆರಿಕ ಮೂಲದ ಗಿಲಿಯಾಡ್​ ಸಂಸ್ಥೆಯ ಉತ್ಪನ್ನ. ಇದಲ್ಲದೇ, ಈಗ ಪರ್ಯಾಯವಾಗಿ ಬಳಕೆಯಲ್ಲಿರುವ ಕೆಲ ಔಷಧಗಳು ಕೂಡ ಅಮೆರಿಕಕ್ಕೆ ಸೇರಿದವು. ಹೀಗಾಗಿ ಅತಿ ಕಡಿಮೆ ಬೆಲೆಯ ಈ ಮಾತ್ರೆಗಳ ಬಳಕೆ ವ್ಯಾಪಕವಾದರೆ, ಅವುಗಳಿಗೆ ಬೇಡಿಕೆ ಕುಸಿಯುತ್ತದೆ ಎಂದೇ ಹೇಳಲಾಗುತ್ತಿದೆ. ತನ್ನ ಕಂಪನಿಗಳ ವಾಣಿಜ್ಯ ಹಿತಾಸಕ್ತಿ ಕಾಪಾಡುವ ಒತ್ತಡವೂ ಅಮೆರಿಕದ ಮೇಲಿದೆ ಎನ್ನಲಾಗಿದೆ.

https://www.vijayavani.net/jamia-millia-islamia-decides-to-do-away-with-offline-exams-for-final-year-students/