ಪ್ರಚಾರದ ಕೊನೆಯ ದಿನ ಟ್ರಂಪ್ ಉತ್ತರ ಕೆರೊಲಿನಾದಿಂದ ವಿಸ್ಕಾನ್ಸಿನ್ ನಡುವೆ 5 ರ್ಯಾಲಿಗಳನ್ನು ನಡೆಸಿದ್ದಾರೆ. ಮತ್ತೊಂದೆಡೆ ಬಿಡೆನ್ ತಮ್ಮ ಹೆಚ್ಚಿನ ಸಮಯವನ್ನು ಪೆನ್ಸಿಲ್ವೇನಿಯಾದ ಮತದಾರರ ಮೇಲೆ ಕೇಂದ್ರೀಕರಿಸಿದ್ದಾರೆ. ಅಲ್ಲಿ ಕಳೆದ ಬಾರಿ ಟ್ರಂಪ್ ಅತ್ಯಲ್ಪ ಅಂತರದಿಂದ ಜಯಗಳಿಸಿದ್ದರು. ಹೀಗಾಗಿ ಅಲ್ಲಿ ಜಯ ಸಾಧಿಸಿದರೆ ಟ್ರಂಪ್ ಹಾದಿ ಮತ್ತಷ್ಟು ಕಠಿಣವಾಗಲಿದೆ ಎಂಬುದು ಬಿಡೆನ್ ಲೆಕ್ಕಾಚಾರ. ಜತೆಗೆ ಟ್ರಂಪ್ ಗೆಲುವಿಗೆ ನಿರ್ಣಾಯಕ ರಾಜ್ಯಗಳಾದ ಓಹಿಯೊ, ಅಯೋವಾ, ಟೆಕ್ಸಾಸ್ ಮತ್ತು ಜಾರ್ಜಿಯಾದಲ್ಲಿ ಇತ್ತೀಚೆಗೆ ಡೆಮಾಕ್ರಟಿಕ್ ಹೆಚ್ಚು ಜನಪ್ರಿಯತೆ ಪಡೆದಿದ್ದು, ಅಲ್ಲಿ ಬಿಡೆನ್ ಪರವಾಗಿ ಮಾಜಿ ಅಧ್ಯಕ್ಷ ಬರಾಕ್ ಒಬಾಮ ಪ್ರಚಾರ ನಡೆಸಿದ್ದಾರೆ.
