ವೆನೆಜುವೆಲಾದ ಮಾದಕವಸ್ತು ದೋಣಿ ಮೇಲೆ ಅಮೆರಿಕದಿಂದ ದಾಳಿ; ಮೂರು ಮಂದಿ ಬಲಿ| Donald Trump

ವಾಷಿಂಗ್ಟನ್; ವೆನೆಜುವೆಲಾದಿಂದ ಅಮೆರಿಕಕ್ಕೆ ಅಕ್ರಮ ಮಾದಕವಸ್ತುಗಳನ್ನು ಸಾಗಿಸುತ್ತಿದ್ದ ದೋಣಿಯ ಮೇಲೆ ಮತ್ತೊಂದು ಮಿಲಿಟರಿ ದಾಳಿಗೆ ಆದೇಶ ನೀಡಿದ್ದೇನೆ. ಈ ದಾಳಿಯಲ್ಲಿ ಮೂರು ಮಂದಿ ಸಾವನ್ನಪ್ಪಿದ್ದಾರೆ ಎಂದು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.

ಇದನ್ನೂ ಓದಿ: 2047ರ ವೇಳೆಗೆ ಶ್ರೇಷ್ಠ ಭಾರತಕ್ಕಾಗಿ, ನಮಗೆ ಮಾದಕ ದ್ರವ್ಯ ಮುಕ್ತ ಯುವ ಪೀಳಿಗೆ ಬೇಕು: ಗೃಹ ಸಚಿವ ಅಮಿತ್ ಶಾ| Amit Shah

ಈ ಹಿಂಸಾತ್ಮಕ ಮಾದಕವಸ್ತು ಕಳ್ಳಸಾಗಣೆ ದರೋಡೆಕೋರರು ಅಮೆರಿಕದ ರಾಷ್ಟ್ರೀಯ ಭದ್ರತೆ, ವಿದೇಶಾಂಗ ನೀತಿ ಮತ್ತು ಅಮೆರಿಕದ ಪ್ರಮುಖ ಹಿತಾಸಕ್ತಿಗಳಿಗೆ ಬೆದರಿಕೆ ಒಡ್ಡುತ್ತಿದ್ದಾರೆ. ನಮ್ಮ ಬಳಿ ಸಾಕ್ಷ್ಯ, ಪುರಾವೆಗಳಿವೆ. ಸಮುದ್ರ ಮಾರ್ಗದಲ್ಲಿ ಡ್ರಗ್‌ ಕಳ್ಳಸಾಗಣೆ ಹೆಚ್ಚಾಗಿದೆ ಎಂದು ಟ್ರಂಪ್ ಹೇಳಿದ್ದಾರೆ. ಸೌತ್‌ಕಾಮ್ ಪ್ರದೇಶವು ದಕ್ಷಿಣ ಮತ್ತು ಮಧ್ಯ ಅಮೆರಿಕ ಹಾಗೂ ಕೆರಿಬಿಯನ್ ಮೂಲಕ 31 ದೇಶಗಳನ್ನು ಒಳಗೊಂಡ ಮಿಲಿಟರಿಯ ಯುದ್ಧ ಕಮಾಂಡ್ ಆಗಿದೆ.

ನನ್ನ ಆದೇಶದ ಮೇರೆಗೆ, ಸೌತ್‌ಕಾಮ್ ಪ್ರದೇಶದಲ್ಲಿ ಸಕಾರಾತ್ಮಕವಾಗಿ ಗುರುತಿಸಲ್ಪಟ್ಟ, ಹಿಂಸಾತ್ಮಕ ಮಾದಕವಸ್ತು ಕಳ್ಳಸಾಗಣೆ ಕಾರ್ಟೆಲ್‌ಗಳು ಮತ್ತು ಮಾದಕವಸ್ತು ಭಯೋತ್ಪಾದಕರ ವಿರುದ್ಧ ಯುಎಸ್ ಮಿಲಿಟರಿ ಪಡೆಗಳು ಎರಡನೇ ದಾಳಿಯನ್ನು ನಡೆಸಿದವು ಎಂದು ಟ್ರಂಪ್ ತಮ್ಮ ಟ್ರುತ್ ಸೋಶಿಯಲ್‌ನ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ:  ಮುರಿದ ‘ಮೂಳೆ’ಗಳನ್ನು ‘ಅಂಟು’ ಬಳಸಿ ಮೂರು ನಿಮಿಷಗಳಲ್ಲಿ ಗುಣಪಡಿಸಬಹುದು; ಚೀನಾದ ಸಂಶೋಧನೆ|bone healing

ಕಳೆದ ಎರಡು ವಾರಗಳ ಹಿಂದೆ ವೆನೆಜುವೆಲಾದ ಮಾದಕವಸ್ತು ಸಾಗಿಸುವ ಬೋಟ್ ಮೇಲೆ ದಾಳಿ ನಡೆಸಿ 11 ಜನರನ್ನು ಹತ್ಯೆ ಮಾಡಲಾಗಿತ್ತು. ಅದಾದ ಬಳಿಕ ಇದೀಗ ಮತ್ತೊಂದು ದಾಳಿ ನಡೆದಿದೆ.

ಅಮೆರಿಕ ಹಾಗೂ ವೆನೆಜುವೆಲಾ ಉದ್ವಿಗ್ನತೆ

(ಏಜೆನ್ಸೀಸ್)

ವೆನೆಜುವೆಲಾದ ಅಧ್ಯಕ್ಷ ನಿಕೋಲಸ್ ಮಡುರೊ ಸೋಮವಾರ ವಾಷಿಂಗ್ಟನ್‌ನ ಆಕ್ರಮಣಶೀಲತೆಯ ವಿರುದ್ಧ ರಕ್ಷಿಸುವುದಾಗಿ ಪ್ರತಿಜ್ಞೆ ಮಾಡಿದರು. ವೆನೆಜುವೆಲಾದ ಮಾದಕವಸ್ತು ದೋಣಿಯ ಮೇಲೆ ಇತ್ತೀಚೆಗೆ ನಡೆದ ಮಾರಕ ದಾಳಿಯನ್ನು ಉಲ್ಲೇಖಿಸಿದ ಮಡುರೊ, ಕ್ಯಾರಕಾಸ್ ತನ್ನ ರಕ್ಷಿಸಿಕೊಳ್ಳುವ ಕಾನೂನುಬದ್ಧ ಹಕ್ಕನ್ನು ಸಂಪೂರ್ಣವಾಗಿ ಚಲಾಯಿಸುತ್ತದೆ ಎಂದು ಹೇಳಿದರು. ಜೊತೆಗೆ ಅಮೆರಿಕವು ತನ್ನ ದೇಶದಲ್ಲಿ ಆಡಳಿತ ಬದಲಾವಣೆಗೆ ಪ್ರಯತ್ನಿಸುತ್ತಿದೆ ಎಂದು ಅವರು ಆರೋಪಿಸಿದರು.

https://www.vijayavani.net/shahid-afridi-goes-berserk-slams-son-in-law-shaheen-says-dont-want-your-runs