ಕಿಡ್ನಿ ಕಲ್ಲುಗಳಿಗೆ ಲೇಸರ್ ಸರ್ಜರಿ, ಪ್ರೊಸ್ಟೇಟ್ ಸಮಸ್ಯೆ, ಮೂತ್ರ ವಿಸರ್ಜನೆ ತೊಂದರೆ, ಕಿಡ್ನಿ ಕ್ಯಾನ್ಸರ್, ಮೂತ್ರ ಕೋಶ ಮತ್ತು ಪ್ರೊಸ್ಟೇಟ್ ಕ್ಯಾನ್ಸರ್, ಮೂತ್ರದಲ್ಲಿ ಸೋಂಕು, ಮೂತ್ರದಲ್ಲಿ ರಕ್ತ, ಮೂತ್ರನಾಳದ ಸೋಂಕು, ಜನ್ಮಜಾತ ಕಿಡ್ನಿ ಸಮಸ್ಯೆ, ಮೂತ್ರ ಸೋರುವಿಕೆ, ಕಿಡ್ನಿ ವೈಲ್ಯ ಮತ್ತು ಡಯಾಲಿಸಿಸ್, ಪುರುಷ ಬಂಜೆತನ, ಲೈಂಗಿಕ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ ಚಿಕಿತ್ಸೆ ನೀಡಲು ಜಿಲ್ಲಾಸ್ಪತ್ರೆಯಲ್ಲಿ ಯುರಾಲಜಿ ವಿಭಾಗ ಇರಲಿಲ್ಲ. ಇಲ್ಲಿಗೆ ಬರುತ್ತ್ತಿದ್ದ ರೋಗಿಗಳನ್ನು ಆರ್.ಎಲ್.ಜಾಲಪ್ಪ ಆಸ್ಪತ್ರೆ, ಬೆಂಗಳೂರಿನ ವಿಕ್ಟೋರಿಯಾ ಅಥವಾ ಖಾಸಗಿ ಆಸ್ಪತ್ರೆಗಳಿಗೆ ಶಿಾರಸು ಮಾಡಲಾಗುತ್ತಿತ್ತು. ಬೇಡಿಕೆ ಹೆಚ್ಚಾಗುತ್ತಿದ್ದಂತೆ ಕಾಲಕ್ಕೆ ತಕ್ಕಂತೆ ವಿಭಾಗವನ್ನು 6 ವರ್ಷಗಳ ಹಿಂದೆ ಪ್ರಾರಂಭಿಸಿ, ತಜ್ಞ ಯುರಾಲಜಿಸ್ಟ್ಗಳನ್ನೂ ನೇಮಕ ಮಾಡಲಾಗಿದೆ. ಯುರಾಲಜಿ ಚಿಕಿತ್ಸೆ ಬಹಳ ದುಬಾರಿಯಾಗಿರುವುದರಿಂದ ಸರ್ಕಾರಿ ಆಸ್ಪತ್ರೆಗೆ ಬರುವವರ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಿದೆ. ಅವರಿಗಾಗಿ ಒಂದು ವಾರ್ಡಿನಲ್ಲಿ 30 ಬೆಡ್ ಸಹ ಮೀಸಲಿರಿಸಲಾಗಿದೆ. ಅಗತ್ಯ ಸೌಲಭ್ಯ ಒದಗಿಸಿದರೆ ರೋಗಿಗಳಿಗೆ ಗುಣಮಟ್ಟದ ಚಿಕಿತ್ಸೆ ಕಲ್ಪಿಸಲು ಸಹಕಾರಿಯಾಗುತ್ತದೆ ಎಂಬುದು ವೈದ್ಯರ ಮಾತು.
