ದೇಶಾದ್ಯಂತ ಈ ಅನಧಿಕೃತ ಆಪ್ಗಳ ಜಾಲ ಹರಡಿವೆ. ಯಾರು? ಎಲ್ಲಿಂದ? ಹೇಗೆ? ನಿರ್ವಹಿಸುತ್ತಾರೆ ಎಂಬುದೇ ತಿಳಿಯದಂತೆ ಇಂಟರ್ನೆಟ್ನಲ್ಲೇ ಡಿಜಿಟಲ್ ಸಾಲ ಕೊಟ್ಟು ಕಿರುಕುಳ ಕೊಡುತ್ತಾರೆ. ಸೈಬರ್ ಪೊಲೀಸರು, ಆರ್ಬಿಐ ಹಾಗೂ ಬ್ಯಾಂಕ್ಗಳು ಹಲವು ರೀತಿಯಲ್ಲಿ ಲೋನ್ ಆಪ್ಗಳ ಜಾಲ ನಾಶಪಡಿಸಲು ಹಾಗೂ ವಂಚನೆಯಾಗದಂತೆ ಮುಂಜಾಗ್ರತಾ ಕ್ರಮ ಗಳನ್ನು ಕೈಗೊಂಡರೂ ಪೂರ್ಣಪ್ರಮಾಣದಲ್ಲಿ ಮಟ್ಟಹಾಕಲು ಸಾಧ್ಯ ವಾಗಿಲ್ಲ. ಗೂಗಲ್ ಸಂಸ್ಥೆ 2021ರಿಂದ 2022ರ ಜುಲೈವರೆಗೆ 3,500 ರಿಂದ 4,000 ಲೋನ್ ಆಪ್ಗಳನ್ನು ಪರಿಶೀಲನೆ ನಡೆಸಿದೆ. ಇದರಲ್ಲಿ ಅನಧಿಕೃತ ಅಥವಾ ಅನುಮಾನಾಸ್ಪದ ಎಂದು ಕಂಡುಬಂದ 2,500 ಆಪ್ಗಳನ್ನು ಪ್ಲೇ ಸ್ಟೋರ್ನಿಂದ ಶಾಶ್ವತವಾಗಿ ತೆಗೆದು ಹಾಕಿದೆ.
