ಶಂಕರ್ ಆನೆಗೆ ಸಂಬಂಧಿಸಿದ ವಿಡಿಯೋವನ್ನು ಕೇಂದ್ರ ಸಚಿವ ಕೀರ್ತಿವರ್ಧನ್ ಸಿಂಗ್, ತಮ್ಮ ಎಕ್ಸ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಅಕ್ಟೋಬರ್ 9 ರಂದು ನಾನು ಮೃಗಾಲಯಕ್ಕೆ ಭೇಟಿ ನೀಡಿ, ಒಂಟಿ ಆಫ್ರಿಕನ್ ಆನೆ ಶಂಕರ್ನನ್ನು ಭೇಟಿಯಾದ ನಂತರ, ಗುಜರಾತಿನ ಜಾಮ್ನಗರದ ವಂತಾರಾ ಟೀಮ್ ಮತ್ತು ಪರಿಣಿತ ಪಶುವೈದ್ಯರನ್ನು ಪರಿಸರ ಸಚಿವಾಲಯ ಒಟ್ಟುಗೂಡಿಸಿತು. ನಮ್ಮ ಪ್ರಯತ್ನದ ಫಲವಾಗಿ ಕೊನೆಗೂ ‘ಶಂಕರ್’ ತನ್ನ ಸರಪಳಿಯಿಂದ ಸ್ವತಂತ್ರನಾಗಿದ್ದನ್ನು ಹಂಚಿಕೊಳ್ಳಲು ನನಗೆ ಸಂತೋಷವಾಗುತ್ತಿದೆ. ನೀರಜ್, ಯದುರಾಜ್, ದಕ್ಷಿಣ ಆಫ್ರಿಕಾದ ಡಾ. ಆಡ್ರಿಯನ್, ಫಿಲಿಪೈನ್ಸ್ನ ಮೈಕೆಲ್ ಸೇರಿದಂತೆ ತಂಡದ ನಿರಂತರ ಪ್ರಯತ್ನಕ್ಕೆ ಧನ್ಯವಾದಗಳನ್ನು ತಿಳಿಸುತ್ತೇನೆ. ಕ್ರಿಯಾ ಯೋಜನೆಯ ಪ್ರಕಾರ ಆಫ್ರಿಕನ್ ಆನೆಯ ಪುನರ್ವಸತಿ ಕಾರ್ಯ ಪ್ರಗತಿಯಲ್ಲಿದೆ ಎಂದು ಕೀರ್ತಿವರ್ಧನ್ ಸಿಂಗ್ ತಿಳಿಸಿದ್ದಾರೆ.
