ಕರೊನಾ ಔಷಧಿಯ ಕ್ಲಿನಿಕಲ್​ ಟ್ರಯಲ್​ನಲ್ಲಿ ಸ್ವಯಂ ಸೇವಕರೊಬ್ಬರಲ್ಲಿ ಕಾಣಿಸಿಕೊಂಡಿತು ವಿಚಿತ್ರ ಕಾಯಿಲೆ!

ಲಂಡನ್​: ಮಹಾಮಾರಿ ಕರೊನಾ ವೈರಸ್​ನಿಂದ ಪಾರಾಗಲು ಔಷಧ ಕಂಡು ಹಿಡಿಯುವಲ್ಲಿ ಅನೇಕ ರಾಷ್ಟ್ರಗಳು ಬಿಜಿಯಾಗಿವೆ. ಕೆಲವು ರಾಷ್ಟ್ರಗಳು ಕ್ಲೀನಿಕಲ್​ ಪ್ರಯೋಗ ನಡೆಸುತ್ತಿದ್ದು, ಕೆಲವು ಔಷಧಗಳ ಮೇಲೆ ಆಶಾದಾಯಕ ಫಲಿತಾಂಶವು ಬಂದಿದೆ. ಆದರೆ, ಈವರೆಗೂ ವಿಶ್ವ ಆರೋಗ್ಯ ಸಂಸ್ಥೆ ಯಾವ ಔಷಧಕ್ಕೂ ಅಧಿಕೃತ ಮನ್ನಣೆ ನೀಡಿಲ್ಲ.

ಇದರ ನಡುವೆ ಆಘಾತಕಾರಿ ಘಟನೆಯೊಂದು ನಡೆದಿದ್ದು, ಯುನೈಟೆಡ್​ ಕಿಂಗ್​ಡಮ್​ನ ಔಷಧ ಕಂಪನಿ ಅಸ್ಟ್ರಾ ಝೆನೆಕಾ ನೀಡಿದ ಔಷಧಿಯಿಂದ ಸ್ವಯಂ ಸೇವಕರೊಬ್ಬರಲ್ಲಿ ವಿಚಿತ್ರ ಕಾಯಿಲೆ ಕಾಣಿಸಿಕೊಂಡಿರುವುದರಿಂದ ತನ್ನ ರ್ಯಾಂಡಮ್​ ಕ್ಲೀನಿಕಲ್​ ಟ್ರಯಲ್​ಗೆ ಸ್ವಯಂಪ್ರೇರಿತ ವಿರಾಮ ನೀಡುತ್ತಿದ್ದೇವೆಂದು ಅಸ್ಟ್ರಾ ಝೆನೆಕಾ ಕಂಪನಿ ಮಂಗಳವಾರ ಹೇಳಿದೆ.

ಅಸ್ಟ್ರಾ ಝೆನೆಕಾ ಕಂಪನಿಯು ಆಕ್ಸ್​ಫರ್ಡ್​ ವಿಶ್ವವಿದ್ಯಾಲಯದ ಜತೆ ಸೇರಿ ಕರೊನಾಗೆ ಔಷಧವನ್ನು ಅಭಿವೃದ್ಧಿ ಪಡಿಸುತ್ತಿದೆ. ಕರೊನಾ ಔಷಧಕ್ಕಾಗಿ ನಡೆಯುತ್ತಿರುವ ಹೋರಾಟದಲ್ಲಿ ಇದು ಮುಂಚೂಣಿಯ ಪಾತ್ರವನ್ನು ವಹಿಸಿದ್ದು, ಈಗಾಗಲೇ ರ್ಯಾಂಡಮ್​ ಕ್ಲೀನಿಕಲ್​ ಟ್ರಯಲ್​ ಅನ್ನು ಕಂಪನಿ ನಡೆಸುತ್ತಿದೆ.

ಟ್ರಯಲ್​ ವೇಳೆ ಒರ್ವ ಸ್ವಯಂ ಸೇವಕನಿಗೆ ನೀಡಿದ ಔಷಧದಿಂದ ವಿವರಿಸಲಾಗದ ಕಾಯಿಲೆ ಬಂದಿದೆ. ಹೀಗಾಗಿ ಟ್ರಯಲ್​ಗೆ ವಿರಾಮ ನೀಡಿದ್ದು, ಈ ಬಗ್ಗೆ ತನಿಖೆ ನಡೆಸಿ, ನಾವು ಪ್ರಯೋಗಗಳ ಸಮಗ್ರತೆಯನ್ನು ಕಾಪಾಡಿಕೊಳ್ಳುತ್ತೇವೆಂದು ಕಂಪನಿಯ ವಕ್ತಾರ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಇದನ್ನೂ ಓದಿ: ಮುಂದಿನ ವಾರದಿಂದ ಸರ್ಕಾರಿ ವೈದ್ಯರ ಮುಷ್ಕರ?

ಸುಧೀರ್ಘ ಕ್ಲೀನಿಕಲ್​ ಟ್ರಯಲ್​ನಲ್ಲಿ ಕೆಲವೊಮ್ಮೆ ಅನಾರೋಗ್ಯ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಆದರೆ, ಅದನ್ನು ಸ್ವತಂತ್ರವಾಗಿ ಪರಿಶೀಲಿಸಬೇಕಾಗುತ್ತದೆ. ಈ ಪ್ರಕರಣದಲ್ಲಿ ರೋಗಿಯು ಎಲ್ಲಿದ್ದಾನೆ? ಅಥವಾ ಅವರ ಅನಾರೋಗ್ಯದ ಸ್ವರೂಪ ಮತ್ತು ತೀವ್ರತೆ ಕುರಿತು ತಕ್ಷಣವೇ ಯಾವುದೂ ಸ್ಪಷ್ಟವಾಗಿಲ್ಲ. ಕ್ಲಿನಿಕಲ್ ಪ್ರಯೋಗಗಳ ಸಮಯದಲ್ಲಿ ಹಿಡಿತ ಸಾಧಿಸುವುದು ಸುಲಭವಲ್ಲ. ಆದರೆ, ಕೋವಿಡ್ -19 ಲಸಿಕೆ ಪ್ರಯೋಗಕ್ಕಾಗಿ ಇದು ಮೊದಲ ಬಾರಿಗೆ ಸಂಭವಿಸಿದೆ ಎಂದು ಭಾವಿಸಲಾಗಿದೆ ಎಂದು ವಕ್ತಾರರು ತಿಳಿಸಿದ್ದಾರೆ.

ಪ್ರಸ್ತುತ ಕರೊನಾ ಔಷಧ ಕಂಡುಹಿಡಿಯುವಲ್ಲಿ ಮೂರನೇ ಹಂತದ ಟ್ರಯಲ್​ ನಡೆಡಸುತ್ತಿರುವ 9 ಕಂನಿಗಳಲ್ಲಿ ಅಸ್ಟ್ರಾ ಝೆನೆಕಾ ಕಂಪನಿಯು ಒಂದು. ಇದೇ ಕಂಪನಿ ಅಮೆರಿಕದಲ್ಲಿ ಆಗಸ್ಟ್ 31 ರಂದು 30,000 ಸ್ವಯಂಸೇವಕರನ್ನು ಟ್ರಯಲ್​ಗೆ ಡಜನ್​ಗಟ್ಟಲೆ ವೆಬ್​ಸೈಟ್​ಗಳ ಮೂಲಕ ದಾಖಲಿಸಲು ಪ್ರಾರಂಭಿಸಿತು. (ಏಜೆನ್ಸೀಸ್​)

https://www.vijayavani.net/ayush-doctors-not-allowed-to-practice-allopathy/