ಉಡುಪಿ ಮೂಲದ ಮಹಿಳೆಯೀಗ ಅಮೆರಿಕದ ಪ್ರಥಮ ಮಹಿಳೆಯ ಪಾಲಿಸಿ ಡೈರೆಕ್ಟರ್​!

ವಾಷಿಂಗ್ಟನ್​: ಭಾರತೀಯರು ಯಾವುದೇ ಕ್ಷೇತ್ರದಲ್ಲಿ ಹಿಂದುಳಿದವರಲ್ಲ. ದೇಶ ಮಾತ್ರವಲ್ಲದೆ ವಿದೇಶಗಳಲ್ಲೂ ತಮ್ಮ ಪ್ರತಿಭೆ ಮೂಲಕ ಉತ್ತಮ ಸ್ಥಾನ ಗಿಟ್ಟಿಸಿಕೊಳ್ಳುವ ಸಾಮರ್ಥ್ಯ ಅವರಿಗಿದೆ. ಅದಕ್ಕೆ ಮತ್ತೊಂದು ಉದಾಹರಣೆಯಾಗಿ ಉಡುಪಿಯ ಮಾಲಾ ಅಡಿಗ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಪ್ರತಿದಿನ 18-20 ರೊಟ್ಟಿ ತಿನ್ನುತ್ತಾನೆ ಆದರೂ 18 ತಿಂಗಳಿನಿಂದ ಶೌಚಕ್ಕೇ ಹೋಗಿಲ್ಲ; ವಿಚಿತ್ರ ಬಾಲಕನ ಕಥೆ

ಅಮೆರಿಕದಲ್ಲಿ ಹೊಸ ಸರ್ಕಾರ ರಚನೆಯಾಗಿದೆ. ಡೊನಾಲ್ಡ್​ ಟ್ರಂಪ್​ ಅಧಿಕಾರವಾಧಿ ಮುಗಿದಿದ್ದು, ಜೋ ಬಿಡೆನ್​ ತಮ್ಮ ಆಡಳಿತ ಆರಂಭಿಸಿದ್ದಾರೆ. ಜೋ ಬಿಡೆನ್​ ಅವರ ಪತ್ನಿ ಜಿಲ್​ ಬಿಡೆನ್​ (ಅಮೆರಿಕದ ಪ್ರಥಮ ಮಹಿಳೆ) ಅವರಿಗೆ ಪಾಲಿಸಿ ಡೈರೆಕ್ಟರ್ ಆಗಿ ಭಾರತದ ಅದರಲ್ಲೂ ಕರ್ನಾಟಕದ ಉಡುಪಿಯ ಮೂಲದ ಮಹಿಳೆ ಮಾಲಾ ಅಡಿಗ ಆಯ್ಕೆಯಾಗಿದ್ದಾರೆ. ಅವರನ್ನು ಅಧ್ಯಕ್ಷ ಜೋ ಬಿಡೆನ್​ ಅವರೇ ಆಯ್ಕೆ ಮಾಡಿದ್ದಾರೆ.

ಮಾಲಾ ಅಡಿಗ ಹಿರಿಯರು ಉಡುಪಿ ಜಿಲ್ಲೆ ಕುಂದಾಪುರ ಮೂಲದವರು. ಅವರ ತಂದೆ ರಮೇಶ್ ಅಡಿಗ ಅಮೆರಿಕಾದ ಖ್ಯಾತ ವೈದ್ಯರು. ಮಾಲಾ ಅವರು ಹುಟ್ಟಿ ಬೆಳೆದಿದ್ದು ಅಮೆರಿಕದಲ್ಲೇ. ಅವರು ಕಳೆದ 50 ವರ್ಷದಿಂದ ಅಮೆರಿಕಾದಲ್ಲೇ ವಾಸಿಸುತ್ತಿದ್ದಾರೆ.

ಇದನ್ನೂ ಓದಿ: ರಾಜಕುಮಾರಿಗೆ ಬಾಡಿಗಾರ್ಡ್​ನೊಂದಿಗೆ ಅಕ್ರಮ ಸಂಬಂಧ; ವಿಷಯ ಮುಚ್ಚಿಡಲು ಕೊಟ್ಟಿದ್ದು 12 ಕೋಟಿ ರೂ!

ಕುಂದಾಪುರ ತಾಲೂಕು ಕಕ್ಕುಂಜೆಯ ಅಡಿಗ ಕುಟುಂಬದ ಕುಡಿ ಮಾಲಾ ಅವರು ಈ ಹಿಂದೆ ಬಿಡೆನ್ ಫೌಂಡೇಶನ್​ನ ಉನ್ನತ ಶಿಕ್ಷಣ ನಿರ್ದೇಶಕಿಯಗಿದ್ದರು. ಬರಾಕ್ ಒಬಾಮಾ ಅವರಿಗೆ ಶಿಕ್ಷಣ, ಸಾಂಸ್ಕೃತಿಕ ವಿಭಾಗದ ಉಪ ಸಹಾಯಕ ಕಾರ್ಯದರ್ಶಿಯಾಗಿ ಕರ್ತವ್ಯ ನಿರ್ವಹಿಸಿದ್ದರು. ಅಮೆರಿಕಾದ ನ್ಯಾಶನಲ್ ಸೆಕ್ಯೂರಿಟಿ ಸ್ಟಾಫ್​ನಲ್ಲಿ ಮಾನವ ಹಕ್ಕುವಿಭಾಗದ ನಿರ್ದೇಶಕಿಯಾಗಿ ಕೆಲಸ ಮಾಡುತ್ತಿದ್ದರು. ಅವರನ್ನು ಇದೀಗ ಪ್ರಥಮ ಮಹಿಳೆಯ ಪಾಲಿಸಿ ಡೈರೆಕ್ಟರ್ ಆಗಿ ನೇಮಕ ಮಾಡಿಕೊಳ್ಳಲಾಗಿದೆ.

https://www.vijayavani.net/five-members-of-a-gang-that-offered-free-rides-to-people-in-their-car-and-later-allegedly-robbed-them/

https://www.vijayavani.net/the-mud-trader-was-killed-in-the-mussoorie-police-station-area-of-%e2%80%8b%e2%80%8bghaziabad/