ಜೆಸಿಬಿ ಮೇಲೆ ಹೆಬ್ಬಾವು.. ಒಂದಲ್ಲ ಎರಡು..!!!

ಒರಿಸ್ಸಾ: ಹಾವುಗಳು ನಾಡಿಗೆ ಬಂದು ಜನರನ್ನು ಹೆದರಿಸುವ ಪ್ರಸಂಗಗಳು ಅನೇಕ. ಅಂಥದ್ದೊಂದು ಪ್ರಸಂಗ ಕಾಮಗಾರಿ ಪ್ರದೇಶವೊಂದರಲ್ಲಿ ಕಂಡುಬಂದಿದ್ದು, ಭಾರಿ ಉದ್ದದ ಎರಡು ಹೆಬ್ಬಾವುಗಳು ಒಂದರ ಬೆನ್ನಿಗೆ ಒಂದರಂತೆ ಪತ್ತೆಯಾಗಿವೆ.

ಒರಿಸ್ಸಾದ ಬೆರ್ಹಂಪುರ್ ಜಿಲ್ಲೆಯ ಪಲ್ಲಿಗುಮುಲ ಗ್ರಾಮದಲ್ಲಿ ಜಲಾಶಯದ ಪ್ರದೇಶದಲ್ಲಿ ಪುನರ್​ ನಿರ್ಮಾಣ ಕಾಮಗಾರಿ ನಡೆಯುತ್ತಿದೆ. ಆ ಸ್ಥಳದಲ್ಲಿ ನಿಲ್ಲಿಸಲಾಗಿದ್ದ ಜೆಸಿಬಿಯೊಂದರ ಮೇಲೆ ಸ್ಥಳೀಯರು ಹಾವೊಂದನ್ನು ಕಂಡಿದ್ದಾರೆ. ತಕ್ಷಣ ಹಾವು ಹಿಡಿಯುವ ಪರಿಸರ ಸಂರಕ್ಷಕ ಸಂಘಟನೆಗೆ ಕರೆ ಮಾಡಿದ್ದಾರೆ.

"ಹಾವುಗಳನ್ನು ಸಂರಕ್ಷಿಸುವ ತಂಡವೊಂದಕ್ಕೆ ರಾತ್ರಿ 9ಕ್ಕೆ ಕರೆಬಂತು. ಹೋಗಿ ನೋಡಿದಾಗ ಒಂದು 7 ಅಡಿ ಉದ್ದದ ಹೆಬ್ಬಾವು ಜೆಸಿಬಿ ಮೇಲೆ ಕೂತಿತ್ತು. ಅದನ್ನು ಸುಲಭವಾಗಿ ಹಿಡಿದರೆ, ಮತ್ತೊಂದು 11 ಅಡಿ ಉದ್ದದ ಹೆಬ್ಬಾವು ಜೆಸಿಬಿಯ ಒಳಗಡೆ ಅಡಗಿ ಕುಳಿತಿದ್ದುದು ಕಂಡುಬಂತು. ನಾಲ್ಕು ಗಂಟೆ ಪ್ರಯತ್ನ ಪಟ್ಟ ನಂತರ ಆ ಹಾವನ್ನೂ ಹಿಡಿದೆವು" ಎಂದು ಹಾವುಗಳ ಸಂರಕ್ಷಕರಲ್ಲೊಬ್ಬರಾದ ಸ್ವಾಧೀನ್ ಕುಮಾರ್ ಸಾಹು ಹೇಳಿದ್ದಾರೆ. ಎರಡೂ ಹಾವುಗಳನ್ನು ಕಾಡಿನ ಒಳಗೆ ಬಿಡಲಾಗಿದೆ.

https://www.vijayavani.net/money-is-not-safe-even-in-bank-locker/

https://www.vijayavani.net/does-bsnl-became-so-helpless/

https://www.vijayavani.net/up-police-said-here-that-why-gabbar-singh-punished/