ಭಾರತೀಯ ನೌಕಾ ದಳಕ್ಕೆ ಮಲ್ಟಿ-ರೋಲ್ ಹೆಲಿಕಾಪ್ಟರ್​ಗಳ ಸೇರ್ಪಡೆ

ಸ್ಯಾನ್​ ಡಿಯಾಗೋ : ಎರಡು ಅತ್ಯಾಧುನಿಕ ಬಹುಪಾತ್ರಧಾರಿ(ಮಲ್ಟಿ ರೋಲ್​) ಹೆಲಿಕಾಪ್ಟರ್​ಗಳು ಇಂದು ಭಾರತೀಯ ನೌಕಾ ದಳಕ್ಕೆ ಸೇರ್ಪಡೆಯಾಗಿವೆ. ಅತ್ಯುನ್ನತ ಗುಣಮಟ್ಟದ ಏವಿಯಾನಿಕ್ಸ್​ ಮತ್ತು ಸೆನ್ಸರ್​ಗಳನ್ನು ಹೊಂದಿದ ಈ ಹೆಲಿಕಾಪ್ಟರ್​ಗಳು, ಎಲ್ಲಾ ಹವಾಮಾನ ಪರಿಸ್ಥಿತಿಗಳಲ್ಲೂ ಹಲವು ಮಿಷನ್​ಗಳನ್ನು ನಿಭಾಯಿಸುವ ವಿಶೇಷ ಸಾಮರ್ಥ್ಯ ಹೊಂದಿವೆ ಎನ್ನಲಾಗಿದೆ.

'ಸಿಕೋರ್​ಸ್ಕೈ ಎಂಎಚ್-60 ರೋಮಿಯೋ ಹೆಲಿಕಾಪ್ಟರ್'​ಗಳನ್ನು ಅಮೆರಿಕದ ನೌಕಾದಳವು, ಭಾರತೀಯ ಅಂಬಾಸಿಡರ್​ ತರಂಜಿತ್​ ಸಿಂಗ್ ಸಂಧು ಮತ್ತು ಭಾರತೀಯ ನೌಕಾದಳದ ಡೆಪ್ಯುಟಿ ಚೀಫ್​ ವೈಸ್​ ಅಡ್​ಮಿರಲ್ ರವನೀತ್​ ಸಿಂಗ್​ ಅವರಿಗೆ ಸ್ಯಾನ್​ ಡಿಯಗೋದಲ್ಲಿ ಔಪಚಾರಿಕವಾಗಿ ಹಸ್ತಾಂತರಿಸಿತು.

ಅಮೆರಿಕದ ಲಾಕ್​ಹೀಡ್​ ಮಾರ್ಟಿನ್ ಕಾರ್ಪೊರೇಷನ್​ ಉತ್ಪಾದಿಸುತ್ತಿರುವ ಈ ಎಂಎಚ್​-60ಆರ್​ ಮಾದರಿಯ 24 ಹೆಲಿಕಾಪ್ಟರ್​ಗಳನ್ನು ಫಾರಿನ್​ ಮಿಲಿಟರಿ ಸೇಲ್ಸ್​ನಡಿ ಅಮೆರಿಕ ಸರ್ಕಾರದಿಂದ ಖರೀದಿಸಲಾಗುತ್ತಿದೆ. ಭಾರತದಲ್ಲಿ ಹಲವು ವಿಶಿಷ್ಟ ಉಪಕರಣ ಮತ್ತು ಶಸ್ತ್ರಾಸ್ತ್ರಗಳಿಂದ ಸಜ್ಜುಗೊಳಿಸಲ್ಪಡುವ ಈ ಹೆಲಿಕಾಪ್ಟರ್​ಗಳು, ಭಾರತೀಯ ನೌಕಾದಳದ 3ಡಿ ಸಾಮರ್ಥ್ಯಗಳನ್ನು ಇನ್ನೂ ಹೆಚ್ಚಿಸಲಿವೆ ಎಂದು ನೌಕಾದಳದ ಅಧಿಕಾರಿಗಳು ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/vajrasana-improves-digestion-eases-breathing/

https://www.vijayavani.net/ncp-president-meets-pm-modi/