ಪ್ರಯಾಣ ದರದ ವಿಚಾರಕ್ಕೆ ಪತ್ರಕರ್ತನಿಗೆ ಥಳಿಸಿದ ಇಬ್ಬರು ಆಟೋ ಚಾಲಕರ ಬಂಧನ

ಮುಂಬೈ: ಯೂಟ್ಯೂಬ್ ನ್ಯೂಸ್ ಚಾನೆಲ್​​ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಪತ್ರಕರ್ತನಿಗೆ ಆಟೋ ಮೀಟರ್ ದರದ ವಿಚಾರಕ್ಕೆ ಥಳಿಸಿದ ಇಬ್ಬರು ಚಾಲಕರನ್ನು ಇದೀಗ ಮುಂಬೈ ಪೊಲೀಸರು ಬಂಧಿಸಿದ್ದಾರೆ.

ಇದನ್ನೂ ಓದಿ: ಕಡಿಮೆ ವೆಚ್ಚದಲ್ಲಿ ಹೆಚ್ಚು ಮಾಹಿತಿ ನೀಡುವ ಮಿತ್ರ; ಕುಣಿಮೆಳ್ಳಿಹಳ್ಳಿಯಲ್ಲಿ ‘ವಿದ್ಯಾರ್ಥಿ ಮಿತ್ರ’ ಪತ್ರಿಕೆ ವಿತರಣೆ

ಘಟನೆಯ ವಿವರ: ಮಂಗಳವಾರ (ಆಗಸ್ಟ್​ 02) ರಾತ್ರಿ ಮುಂಬೈನ ಬಾಂದ್ರಾ-ಕುರ್ಲಾ ಕಾಂಪ್ಲೆಕ್ಸ್ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದು, ಪತ್ರಕರ್ತರೊಬ್ಬರು ತಮ್ಮನ್ನು ಕುರ್ಲಾ ರೈಲು ನಿಲ್ದಾಣಕ್ಕೆ ಬಿಡುವಂತೆ ಆಟೋ ಚಾಲಕನಿಗೆ ತಿಳಿಸಿದ್ದಾರೆ. ಆದ್ರೆ, ಡ್ರೈವರ್​ ಶೇರಿಂಗ್​ ಆಧಾರದ ಮೇಲೆ ಹಣ ಕೊಡಬೇಕೇ ಹೊರತು ಮೀಟರ್​ ಪ್ರಕಾರವಲ್ಲ ಎಂದು ಹೇಳಿದ್ದಾರೆ.

ಈ ವಿಚಾರಕ್ಕೆ ಇಬ್ಬರ ಮಧ್ಯೆ ವಾಗ್ವಾದ ಶುರುವಾಗಿದೆ. ಮಾತಿನ ಜಟಾಪಟಿ ತಾರಕಕ್ಕೇರುತ್ತಿದ್ದಂತೆ ಪತ್ರಕರ್ತರು, ಹತ್ತಿರದ ಬಿಕೆಸಿ ಪೊಲೀಸ್​ ಠಾಣೆಗೆ ಆಟೋವನ್ನು ಓಡಿಸಲು ಒತ್ತಾಯಿಸಿದ್ದಾರೆ. ಆದ್ರೆ, ಇದಕ್ಕೆ ಒಪ್ಪದ ಚಾಲಕ, ಮತ್ತೊಬ್ಬ ಆಟೋ ಚಾಲಕನನ್ನು ಹತ್ತಿಸಿಕೊಂಡು, ಇಬ್ಬರೂ ಸೇರಿ ವ್ಯಕ್ತಿಗೆ ಥಳಿಸಿ, ಅವರಿಂದ 100 ರೂ. ಹಣವನ್ನು ಪಡೆದುಕೊಂಡಿದ್ದಾರೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: HC Balakrishna Hints Dissidence In Congress |ಕಾಂಗ್ರೆಸ್​​ನಲ್ಲಿನ ಅಸಮಾಧಾನದ ಬಗ್ಗೆ ಎಚ್​.ಸಿ. ಬಾಲಕೃಷ್ಣ ಮಾಹಿತಿ

ಈ ಘಟನೆ ಕುರಿತು ಪತ್ರಕರ್ತರು ಸ್ಥಳೀಯ ಪೊಲೀಸ್​ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ. ದೂರನ್ನು ಸ್ವೀಕರಿಸಿದ ಬೆನ್ನಲ್ಲೇ ಆರೋಪಿಗಳನ್ನು ಭಾರತ್ ನಗರ ಪ್ರದೇಶದಿಂದ ಬಂಧಿಸಿದ ಪೊಲೀಸರು, ಭಾರತೀಯ ದಂಡ ಸಂಹಿತೆ ಮತ್ತು ಮೋಟಾರು ವಾಹನ ಕಾಯ್ದೆಯ ಸಂಬಂಧಿತ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣ ದಾಖಲಸಿಕೊಂಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/man-jumps-into-well-to-save-his-goat-dies

https://www.vijayavani.net/nithin-sreeleela-grab-audience-attention-through-danger-pilla-first-single