ಕೆಜಿಎಫ್ ಇಫೆಕ್ಟ್: ಬ್ಲಾಕ್ ಆಗಲಿವೆ ಕಾಂಗ್ರೆಸ್ನ ಟ್ವಿಟರ್ ಖಾತೆಗಳು; ಕಾರಣ ಇಲ್ಲಿದೆ...

Published on:

07 Nov 2022, 3:49 pm

ಬೆಂಗಳೂರು: ಕಾಂಗ್ರೆಸ್ ಪಕ್ಷದ ಮೇಲೆ ಕೆಜಿಎಫ್ ಪರಿಣಾಮ ಬೀರಿದೆ. ಅರ್ಥಾತ್, ಕೆಜಿಎಫ್ ಇಫೆಕ್ಟ್ನಿಂದಾಗಿ ಕಾಂಗ್ರೆಸ್ನ ಟ್ವಿಟರ್ ಖಾತೆಗಳು ಬ್ಲಾಕ್ ಆಗಲಿವೆ. ಕಾಂಗ್ರೆಸ್ ಪಕ್ಷದ ಹಾಗೂ ಭಾರತ್ ಜೋಡೋ ಯಾತ್ರಾ ಖಾತೆಗಳನ್ನು ತಾತ್ಕಾಲಿಕವಾಗಿ ಬ್ಲಾಕ್ ಮಾಡುವಂತೆ ಟ್ವಿಟರ್ಗೆ ನ್ಯಾಯಾಲಯ ಆದೇಶಿಸಿದೆ.

ಕೆಜಿಎಫ್-2 ಚಿತ್ರದ ಹಾಡಿನ ತುಣುಕುಗಳನ್ನು ಬಳಸಿಕೊಂಡಿದ್ದಕ್ಕೆ ಎಂಆರ್ಟಿ ಮ್ಯೂಸಿಕ್ ಸಂಸ್ಥೆ ಕಾಪಿರೈಟ್ ಕಾಯ್ದೆ ಉಲ್ಲಂಘನೆ ಆಗಿದೆ ಎಂದು ಆರೋಪಿಸಿ ಕೇಸು ದಾಖಲಿಸಿತ್ತು. ಬೆಂಗಳೂರಿನ ಯಶವಂತಪುರ ಪೊಲೀಸ್ ಠಾಣೆಯಲ್ಲಿ ರಾಹುಲ್ ಗಾಂಧಿ, ಜೈರಾಮ್ ರಮೇಶ್ ಮುಂತಾದವರ ವಿರುದ್ಧ ದೂರು ದಾಖಲಿಸಲಾಗಿತ್ತು.

ಇದನ್ನೂ ಓದಿ: ಇನ್ನೊಬ್ರ ಹೆಸರಲ್ಲಿ ಟ್ವಿಟರ್ ಖಾತೆ ತೆರೆದಿದ್ರೆ ಶಾಶ್ವತ ಅಮಾನತು; ಆದ್ರೆ ‘ಪರೋಡಿ’ಗಳು ಬಚಾವ್!

ಭಾರತ್ ಜೋಡೋ ಯಾತ್ರೆಯ ಅಭಿಯಾನದ ವಿಡಿಯೋಗಳಲ್ಲಿ ಕೆಜಿಎಫ್-2 ಸಿನಿಮಾದ ಹಾಡುಗಳನ್ನು ಅಕ್ರಮವಾಗಿ ಬಳಸಿಕೊಳ್ಳಲಾಗಿತ್ತು ಎಂದು ಎಂಆರ್ಟಿ ಮ್ಯೂಸಿಕ್ ಸಂಸ್ಥೆಯ ಮ್ಯಾನೇಜರ್ ಎಂ. ನವೀನ್ ಕುಮಾರ್ ಆರೋಪಿಸಿದ್ದರು.